முகவை முரசு

ராமநாதபுரம் மாவட்டத்தில் தேர்தலையொட்டி 4 நகராட்சி, 7 பேரூராட்சிகளில் மனுத்தாக்கல் தொடங்கியது. 

தமிழகத்தில் நகர்ப்புற உள்ளாட்சி தேர்தல் அடுத்த மாதம் 19-ந் தேதி நடைபெற உள்ளதையொட்டி நேற்று வேட்பு மனுத்தாக்கல் தொடங்கியது. இதனையொட்டி மாவட்டத்தில் தேர்தல் நடைபெற உள்ள 4 நகராட்சிகள், 7 பேரூராட்சிகளில் வேட்பாளர்கள் மனுத்தாக்கல் செய்வதற்காக தேர்தல் அலுவலர், உதவி தேர்தல் அலுவலர்கள் நியமிக்கப்பட்டு தயார்நிலையில் உள்ளனர். அந்தந்த அலுவலக நுழைவு வாயில் பகுதியில் பணியாளர்கள் கிருமிநாசினி கொடுத்து கைகளை கழுவிய பின்னர், முககவசம் அணிந்து சமூக இடைவெளியுடன் அனுமதிக்கப்பட்டனர். 

ராமநாதபுரம் நகராட்சி அலுவலக வளாக பகுதியில் போலீஸ் பாதுகாப்பு போடப்பட்டு அனைவரும் பலத்த சோதனைக்கு பின்னரே அனுமதிக்கப்பட்டனர். பாதுகாப்பு தடுப்பு வேலிகள் அமைக்கப்பட்டு பாதுகாப்பு பலப்படுத்தப்பட்டிருந்தது.

இதுகுறித்து நகரசபை ஆணையாளர் சந்திரா கூறியதாவது:-

ராமநாதபுரம் நகராட்சியில் தேர்தலை நடத்துவதற்கு நிர்வாகம் முழு அளவில் தயார் நிலையில் உள்ளது. வேட்பு மனுத்தாக்கல் காலை 10 மணிக்கு தொடங்கி மாலை 5 மணி வரை நடைபெறும். தேர்தல் ஆணையம் மற்றும் மாவட்ட நிர்வாகம் அறிவித்துள்ள கொரோனா வழிமுறைகளை பின்பற்றி வேட்பு மனுத்தாக்கல் மற்றும் அனைத்து தேர்தல் பணிகளும் நடைபெறும்.

இவ்வாறு கூறினார். 

வேட்பு மனுத்தாக்கல் செய்வதற்கு முதல்நாள் என்பதால் ஏராளமானோர் நேரில் வந்து மனுக்களை பெற்று சென்றனர். இன்னும் பலர் ஆன்லைன் மூலம் பதிவிறக்கம் செய்து கொண்டு தங்களின் மனுக்களை பூர்த்தி செய்யும் பணியில் ஆர்வமுடன் ஈடுபட்டனர்.

நகர்ப்புற உள்ளாட்சி தேர்தல் பணிகள் தொடங்கியதை தொடர்ந்து ராமநாதபுரத்தில் தேர்தல் பணிகள் சூடுபிடிக்க தொடங்கி உள்ளன. 

இதற்கிடையே ராமநாதபுரம், கீழக்கரை பரமக்குடி, ராமேசுவரம் ஆகிய 4 நகராட்சிகளிலும், மண்டபம், தொண்டி, ஆர்.எஸ்.மங்கலம், அபிராமம், கமுதி, முதுகுளத்தூர், சாயல்குடி ஆகிய 7 பேரூராட்சிகளிலும் நேற்று முதல்நாளில் யாரும் வேட்புமனு தாக்கல் செய்யவில்லை.

நேற்றைய தினம் *14.01.2022 -  வெள்ளிக்கிழமை, ஜித்தா மாநகரில் கீழக்கரை உறுப்பினர்கள் சார்பாக ஒன்றுகூடல் நிகழ்ச்சி ஏற்பாடு செய்யப்பட்டு அனைவரும் கலந்து கொண்டனர்.

கல்வி மருத்துவம் வேலைவாய்ப்பு உதவிகள் வழங்கி வரும் இந்த அசோசியேஷன்,
கீழக்கரை முன்னேற்றம் பற்றியும் இந்த குழுமத்தின் நோக்கம் பற்றியும் அறிமுகங்களுக்கு பிறகு தங்களுடைய எதிர்கால திட்டமிடல், முன்னேற்றங்கள் பற்றி கலந்துரையாடினர். 

மேலும் மேற்கு மண்டலத்தில் (ஜித்தா , மக்கா ,தாயிப், யான்பு,அபஹா,மதீனா ) இருப்பவர்கள் கீழே உள்ள உறுப்பினர்களை தொடர்புகொண்டு நம் குழுமத்தில் இணையுமாறு தாழ்மையுடன் கேட்டுக்கொள்கிறோம் 

 உதவிகள் சம்பந்தமாக கீழே  உள்ள உறுப்பினர்களை  அணுகவும். 

1. அஹமத் ராசத் - +966 56 8144755

2.முகமது ஆசிஃப் - +966 54 093 5597

3.  ஹமீது ( ஹாஜி) - +966 54 0361288

செய்தி:

ஹமீது ராஜா

கீழை  சவூதி அசோசியேஷன்.(மேற்கு மண்டலம்)

ராமநாதபுரத்தில் ரூ.345 கோடியில் கட்டப்பட்ட புதிய மருத்துவ கல்லூரி திறக்கப்பட்டது. விழாவில் அமைச்சர் ராஜகண்ணப்பன் குத்துவிளக்கேற்றினார்.

ராமநாதபுரம் மாவட்ட அரசு தலைமை ஆஸ்பத்திரி மருத்துவ கல்லூரி ஆஸ்பத்திரியாக தரம் உயர்த்தப்பட்டது. இதனை தொடர்ந்து ராமநாதபுரம் அருகே பட்டனம்காத்தான் ஊராட்சி அம்மா பூங்கா அருகில் 22.6 ஏக்கரில் மருத்துவ கல்லூரி கட்டுமான பணிகள் தொடங்கின. 2020-ம் ஆண்டு மார்ச் மாதம் 1-ந் தேதி பூமி பூஜையுடன் தொடங்கிய இந்த பணிகள் ரூ.345 கோடி மதிப்பில் நடைபெற்று வந்தன.

இந்த பணிகள் அனைத்தும் முடிவடைந்த நிலையில் இந்த ஆண்டு முதல் முதலாம் ஆண்டு மாணவர் சேர்க்கை தொடங்கும் என்றும் அறிவித்து அதற்கான அனுமதி வழங்கப்பட்டது. இதற்கேற்ப மருத்துவ கல்லூரி பணிகள் தேசிய மருத்துவ கவுன்சில் குழுவினரால் ஆய்வு செய்யப்பட்டு ஒப்புதல் வழங்கப்பட்டது. 

இதனை தொடர்ந்து ராமநாதபுரம், விருதுநகர் உள்பட தமிழகத்தில் 11 மருத்துவ கல்லூரிகளை பிரதமர் நரேந்திர மோடி காணொலி காட்சி மூலம் நேற்று மாலை திறந்து வைத்தார். இதற்கான விழா ராமநாதபுரம் மருத்துவ கல்லூரி வளாகத்தில் கலையரங்க அறையில் எழில்மிகு விழாவாக நடைபெற்றது.

விழாவில் காணொலி காட்சி மூலம் தமிழக முதல்-அமைச்சர் மு.க.ஸ்டாலின் முன்னிலையில் பிரதமர் நரேந்திர மோடி புதிய மருத்துவக்கல்லூரியை திறந்து வைத்தார்.

இந்த விழாவில், தமிழக போக்குவரத்து துறை அமைச்சர் ஆர்.எஸ்.ராஜகண்ணப்பன் கலந்து கொண்டு குத்துவிளக்கு ஏற்றினார். விழாவில் மாவட்ட கலெக்டர் சங்கர்லால் குமாவத், மாவட்ட போலீஸ் சூப்பிரண்டு கார்த்திக், நவாஸ்கனி எம்.பி, சட்டமன்ற உறுப்பினர்கள் ராமநாதபுரம் காதர்பாட்சா முத்துராமலிங்கம், பரமக்குடி முருகேசன், மருத்துவ கல்லூரி டீன் டாக்டர் அல்லி, கண்காணிப்பாளர் டாக்டர் மலர்வண்ணன் ஆகியோர் முன்னிலை வகித்தனர்.

நிகழ்ச்சியில் பலர் கலந்துகொண்டனர்.

KABABEQUE உணவகத்தின் புதிய கிளை இராமநாதபுரம் பாரதி நகரில் டிசம்பர் 7 ஆம் தேதியன்று  திறக்கப்பட்டது. 

டிம் லைட் டைன்-இன், ஓபன் டைன்-இன், மஜ்லீஸ் அமைப்பு போன்ற மூன்று வகையான டைன்-இன் அமசங்களுடன் பெரிய புரொஜக்டர் திரையுடன் கூடிய 100 நபர்களுக்கு மேல் அமரும் வகையில் பிரம்மாண்டமான டைன்-இன் வசதி 

அரேபியன், இந்தியன், சைனீஸ் உட்பட 200க்கும் மேற்பட்ட உலகத்தரம் வாய்ந்த உணவு வகைகள் 

 பெண்களுக்கென பிரத்தியேக தொழுகை அறை

மற்றும் பல சிறப்பம்சங்களுடன் நண்பர்கள் மற்றும் குடும்பத்துடன் 

ருசியாக உண்டுமகிழ சிறந்த இடம் கபாபிக்யூ.

தொடர்பு: 9940404890

KABABEQUE  நிறுவனத்திற்கு முகவை முரசு சார்பாக வாழ்த்துக்கள்!!

முகவையை சேர்ந்த முகமது ஃபகத் என்பவரால் கடந்த நான்கு வருடங்களுக்கு முன்பு துவங்கப்பட்ட Fb DESIGNER EMPORIUM என்னும் நிறுவனம் தமிழகத்தில் தனது நான்காவது கிளையை நிறுவியுள்ளது. 

மண்ணடி (சென்னை), திருச்சி மற்றும் ராமநாதபுரம் ஆகிய இடங்களில் செயல்பட்டு வரும்

இதனை ராமநாதபுரம் பாராளுமன்ற உறுப்பினர்
K. நவாஸ்கனி அவர்கள் திறந்து வைத்து, Fb DESIGNER EMPORIUM குழுவிற்கு தனது வாழ்த்துக்களை தெரிவித்தார். 

Fb DESIGNER EMPORIUM, கோட் சூட், செர்வானி,  தனித்துவமிக்க ஷர்ட், பேண்ட் என ஆண்களுக்கான துணி வகைகளை தயாரித்து வழங்குகிறது.

ஸ்தாபனத்தாருக்கு முகவை முரசு சார்பாக மனமார்ந்த வாழ்த்துக்கள்.

ராமநாதபுரம் மாவட்டத்தில் அரசால் தடை செய்யப்பட்டுள்ள நெகிழிப் பொருள்களைத் தயாரிக்கும் நிறுவனங்கள் குறித்து தகவல் அளிப்போருக்கு பரிசுகள் வழங்கப்படும் என மாவட்ட ஆட்சியர் சங்கர்லால்குமாவத் தெரிவித்துள்ளார்.

இதுகுறித்து அவர் திங்கள்கிழமை வெளியிட்ட செய்திக்குறிப்பு:

ஒருமுறைப் பயன்படுத்தி தூக்கியெறியப்படும் நெகிழி (பிளாஸ்டிக் பைகளுக்கு அரசு தடை விதித்துள்ளது. அதன்படி ஒருமுறைப் பயன்படுத்தி தூக்கி எறியப்படும் நெகிழியால் ஆன காகிதத் தட்டுகள் உள்ளிட்டவற்றை தயாரிப்பதும், சேமித்து வைப்பதும், விநியோகிப்பதும், விற்பதும், உபயோகிப்பதும் தடை செய்யப்பட்டுள்ளன.

உயர்நீதிமன்றம் மற்றும் தேசியப் பசுமைத் தீர்ப்பாயம் ஆகியவை நெகிழிப் பொருள்களுக்கான தடையை அமல்படுத்தவும், மீறிச் செயல்படுவோர் மீது நடவடிக்கை எடுக்கவும் அறிவுறுத்தியுள்ளது.

தமிழ்நாடு மாசு கட்டுப்பாடு வாரியம் நெகிழிப் பயன்பாட்டைத் தவிர்க்குமாறு விழிப்புணர்வு நிகழ்ச்சிகளை நடத்தி வருகிறது. ஆனாலும் குடியிருப்புகள், வணிக நிறுவனங்களுக்குள் ஒரு சிறிய இடத்தில் சட்டவிரோதமாக செயல்படும் தடை செய்யப்பட்ட நெகிழிப் பொருள்களை தயாரிப்பதை அடையாளம் காணுவதில் சிரமம் ஏற்படுகிறது. அவை உரிய அரசு அனுமதியின்றியே செயல்படுகின்றன.

ஆகவே சுற்றுச்சூழல் மீது அக்கறையுடைய பொதுமக்கள், தடை செய்த நெகிழிப் பொருள்களை உற்பத்தி செய்யும் தொழிற்சாலைகள் குறித்து ராமநாதபுரத்தில் உள்ள மாசுக்கட்டுப்பாட்டு வாரியத்துக்கு தகவல் தெரிவிக்கலாம். புகார் அளிப்பவர்கள் பெயர், முகவரி உள்ளிட்ட விவரங்கள் ரகசியம் காக்கப்படும். மேலும் தகவல் தருவோருக்கு தக்க சன்மானமும் வழங்கப்படும் எனக் குறிப்பிடப்பட்டுள்ளது.

ராமநாதபுரத்தில் புதிய மருத்துவ கல்லூரி திறப்பு விழா வருகிற 12-ந் தேதி நடைபெறுகிறது. இதற்கான கட்டமைப்பு பணிகள் இரவு-பகலாக முழுவீச்சில் நடைபெற்று வருகின்றன.

மாவட்டத்திற்கு ஒரு மருத்துவ கல்லூரி என்ற திட்டத்தின்கீழ் தமிழகத்தில் மத்தியஅரசின் நிதிஉதவியுடன் ராமநாதபுரம், விருதுநகர், கிருஷ்ணகிரி, நாமக்கல், நாகபட்டினம், திண்டுக்கல், நீலகிரி உள்ளிட்ட மருத்துவ கல்லூரிகளுக்கு மத்திய அரசு அனுமதி அளித்து உள்ளது. 

இதன்படி தமிழகத்தில் தற்போதைய நிலையில் ராமநாதபுரம், விருதுநகர் உள்ளிட்ட 11 மருத்துவ கல்லூரிகள் பணிகள் முடிவடைந்து தயார்நிலையில் உள்ளதோடு மாணவர் சேர்க்கைக்கு அனுமதி வழங்கப்பட்டு உள்ளது. 

குறிப்பாக ராமநாதபுரம் மருத்துவ கல்லூரியில் 100 மாணவர் சேர்க்கைக்கு அனுமதி வழங்கப்பட்டு கட்டுமான பணிகள் அனைத்தும் ஏறத்தாழ முடிவடைந்து விட்டன. இந்தநிலையில் தமிழகத்தில் உள்ள 11 புதிய மருத்துவ கல்லூரிகளை வருகிற 12-ந் தேதி விருதுநகரில் நடைபெறும் விழாவில் பிரதமர் மோடி திறந்து வைக்கிறார் என்றும் இந்த விழாவில் முதல்- அமைச்சர் ஸ்டாலின் உள்ளிட்டோர் கலந்து கொள்கின்றனர் என்றும் தகவல் வெளியாகி உள்ளது. 

இதனை தொடர்ந்து நேற்று முன்தினம் ராமநாதபுரம் மருத்துவ கல்லூரி கட்டிட பணிகளை டீன் டாக்டர் அல்லி, கண்காணிப்பாளர் டாக்டர் மலர்வண்ணன் ஆகியோர் நேரில் சென்று பார்வையிட்டு ஆய்வு செய்தனர். திறப்பு விழாவிற்கு ஏற்ப ராமநாதபுரம் மருத்துவ கல்லூரி கட்டிட பணிகள் தயார்நிலையில் உள்ளதாக கூறப்படுகிறது. 

இதுகுறித்து சுகாதாரத்துறையினர் கூறியதாவது:-

முதலாம் ஆண்டு மாணவர் சேர்க்கைக்கு ஏற்ற வகையில் 6 மாடிகளில் வகுப் பறை கட்டிடங்கள், சமையலறை, தங்கும் விடுதி, அலுவலக கட்டிடம், நூலகம் என அனைத்தும் தயார் நிலையில் உள்ளன. ஏறத்தாழ 95 சதவீத பணிகள் முடிவடைந்து விட்டன.

இதுதவிர, ராமநாதபுரம் மருத்துவ கல்லூரி ஆஸ்பத்திரியில் தேவையான துறை தலைவர்கள், பேராசிரியர்கள், பணியாளர்கள் நியமிக்கப்பட்டு உள்ளனர். தவிர்க்க முடியாத விபத்து தலைக்காய சிகிச்சை தவிர அனைத்து சிகிச்சைகளும் ராமநாதபுரத்திலேயே மேற்கொள்ள தயாராக உள்ளோம். 100 மாணவர் சேர்க்கை பணியிடங்களில் 15 சதவீதம் மத்திய அரசு ஒதுக்கீடும், 85 சதவீதம் மாநிலஅரசு ஒதுக்கீடும் பின்பற்றப்படும். 

தற்போதைய நிலையில் 5 அறுவை சிகிச்சை அரங்குகள் தயார்நிலையில் உள்ளன. புதிய பல்நோக்கு கட்டிடப் பணிகள் நடைபெற்று வருகின்றன. அதில் ஒவ்வொரு துறைக்கும் தனித்தனி அறுவை சிகிச்சை அரங்குகள் ஏற்படுத்தப்பட்டு வருகின்றன. மாணவர்களின் செயல்முறை கல்விக்கு ஏற்ற வகையில் ராமநாதபுரம் அரசு மருத்துவ கல்லூரி ஆஸ்பத்திரிக்கு 4 மனித உடல்கள் தயார்நிலையில் மதுரையில் உள்ளன. கல்லூரி தொடங்கியதும் அந்த உடல்கள் கொண்டுவரப்பட்டு பயிற்சிக்கு பயன்படுத்தப்படும்.

மாணவர்கள் செயல்முறை கல்வி நிலைக்கு செல்லும்போது இங்கு அனைத்து வசதிகளும் கட்டமைப்புகளும் உருவாகி விடும். இதுதவிர, ராமநாதபுரம் ஆஸ்பத்திரியில் கூடுதலாக 11 ஆயிரம் லிட்டர் திரவ ஆக்சிஜன் மையம் ஏற்படுத்தப்பட உள்ளது. ஏற்கனவே உப்புநீரை குடிநீராக்கும் திட்டம் உள்ள நிலையில் கூடுதலாக ஒரு குடிநீர் திட்டம் நிறைவேற்றப்பட உள்ளது. இவ்வாறு கூறினர்.

செய்தி: தினத்தந்தி

ராமநாதபுரம் மாவட்டம் கீழக்கரையில் வரும் 19 ஆம் தேதி (ஞாயிற்றுக்கிழமை) மாவட்ட அளவிலான சதுரங்கப் போட்டிகள் நடைபெறுகின்றன.

இதுகுறித்து மாவட்ட சதுரங்கக் கழகச் செயலர் எம். ரமேஷ் விடுத்துள்ள செய்திக்குறிப்பு:

ராமநாதபுரம் மாவட்டத்தில் சதுரங்க விளையாட்டு வீரர்கள் மாநில மற்றும் தேசிய அளவிலான போட்டிகளில் பங்கேற்க வேண்டும் என்ற நோக்கில் மாவட்ட சதுரங்க கழகம் செயல்படுகிறது. அதன்படி கடந்த மூன்று ஆண்டுகளில் 15 முறை சதுரங்கப் போட்டிகள் நடத்தப்பட்டுள்ளன.

வரும் 19 ஆம் தேதி (ஞாயிற்றுக்கிழமை) மாவட்ட அளவிலான சதுரங்க போட்டிகள் கீழக்கரை சதக் பொறியியல் கல்லூரியில் நடத்தப்படவுள்ளன. 7, 9, 11, 13, 15 மற்றும் 25 வயதுக்கு உள்பட்டவர்களுக்கு பல பிரிவுகளாக போட்டிகள் நடத்தப்படவுள்ளன.

பதிவுக்கட்டணம் உண்டு. போட்டிக்கான நுழைவுப் படிவங்கள் பெற்றுக்கொள்ள ராமநாதபுரம் மாவட்ட சதுரங்கக் கழகத் தலைவர் எஸ். சுந்தரம் 9443610956,

கீழக்கரை மருந்தகம் 04567-241885,

சதுரங்கக் கழகச் செயலர் எம். ரமேஷ் (சுவார்ட்ஸ் மேல்நிலைப்பள்ளி) 9443 408 096 ,8248 207 198 ஆகிய எண்களில் தொடர்பு கொள்ளலாம்.

பூர்த்திசெய்த விண்ணப்பங்களை ராமநாதபுரம் சுவார்ட்ஸ் மேல்நிலைப்பள்ளியில் இளையோர் சிவப்பு ரிப்பன் கழக அலுவலகத்தில் அளிக்கலாம். வரும் 15 ஆம் தேதிக்குள் (புதன்கிழமை) விண்ணப்பங்கள் வந்து சேரவேண்டும்.

அதற்குப் பிறகு வரும் விண்ணப்பங்கள் ஏற்கப்படாது எனக் குறிப்பிடப்பட்டுள்ளது.

தமிழக ஜூனியர் ஹாக்கி அணிக்கு ராமநாதபுரம் மாவட்டத்தை சேர்ந்த இரண்டு மாணவர்கள் தேர்வாகியுள்ளனர்.

துாத்துக்குடி மாவட்டம் கோவில்பட்டியில் 11வது ஹாக்கி இந்தியா ஜூனியர் (ஆண்கள்) நேஷனல் சாம்பியன்ஷிப் போட்டிவரும் டிச., 16 முதல் 25 வரை செயற்கை இழை மைதானத்தில் நடைபெற உள்ளது.

இப்போட்டிக்கான தமிழக வீரர்கள் தேர்வு ராமநாதபுரத்தில் நவ.,1 2ல் நடந்தது. இதில் 30 பேர் தேர்வு செய்து அடுத்தக்கட்ட தேர்வு சென்னை மேயர் ராதாகிருஷ்ணன் ஸ்டேடியத்தில் நவ., 15ல் முதல் டிச.9 வரை நடந்தது.

இம்முகாமில் 18 பேருக்கான தேர்வில் ராமநாதபுரம் மாவட்டம் மாணவர்கள் பி. முரளிகிருஷ்ணன் மற்றும் ஆர்.மனோஜ் குமார் ஆகியோர் தமிழக அணிக்காக விளையாட தேர்வு பெற்றுள்ளனர்.

மாணவர்களை, ராமநாதபுரம் மாவட்ட ஹாக்கி சங்கம் தலைவர் டாக்டர் மதுரம் துணைதலைவர் டாக்டர் அரவிந்த் ராஜ் மற்றும் நிர்வாகிகள் செல்லத்துரை அப்துல்லா, வேலுமாணிக்கம் மனோகரன், செயலர் கிழவன்சேதுபதி மாவட்ட விளையாட்டு அலுவலர் செந்தில்குமார் மற்றும் பயிற்சியாளர் தினேஷ்குமார் ஆகியோர் பாராட்டியுள்ளனர்.

செய்தி: தினசரிகள்