முகவை முரசு

வெற்றி எட்டுத் திக்கு மெட்டக் கொட்டு முரசே! வேதம் என்றும் வாழ்க என்று கொட்டு முரசே! ஒன்றென்று கொட்டு முரசே!- அன்பில் ஓங்கென்று கொட்டு முரசே! நன்றென்று கொட்டு முரசே! இந்த நானில மாந்தருக் கெல்லாம்.

Monday, October 3, 2016

60 வயது மூதாட்டிக்கு முழங்கால் மூட்டு மாற்று அறுவை சிகிச்சை செய்து டாக்டர்கள் சாதனை!!

No comments :
பரமக்குடி அருகே பார்த்திபனூர் அரசு ஆரம்ப சுகாதார நிலையத்தில் மாவட்டத்திலேயே முதன்முறையாக 60 வயது மூதாட்டிக்கு முழங்கால் மூட்டு மாற்று அறுவை சிகிச்சை செய்து டாக்டர்கள் சாதனை படைத்துள்ளனர். ராமநாதபுரம் மாவட்டம் பரமக்குடி அருகே பார்த்திபனூரைச் சேர்ந்த கந்தவேல் மனைவி பாண்டியம்மாள் (60). இவர் கடந்த வருடங்களுக்கு மேலாக வலது கால் மூட்டு வலியால் அவதிப்பட்டு வந்தார். தனியார் மருத்துவமனையில் அறுவை சிகிச்கை செய்ய பணம் வசதி இல்லாமல் சிரமப்பட்டு வந்தார். 

இதையடுத்து பார்த்திபனூர் ஆரம்ப சுகாதார நிலையத்தில் சிகிச்சைக்கு வந்தபோதுவட்டார மருத்துவ அலுவலர் ரமேஷ் பாண்டியம்மாளை பரிசோதனை செய்தார். இதில் பாண்டியம்மாளுக்கு முதல்வரின் விரிவான மருத்துவ காப்பீட்டுத் திட்டத்தில் மூட்டு அறுவை சிகிச்சை செய்ய முடிவு செய்யப்பட்டது. 



பரமக்குடி நலப்பணிகள்துறை இயக்குனர் டாக்டர் மீனாட்சியின் ஆலோசனைப்படி, பார்த்திபனூர் ஆரம்ப சுகாதார நிலையத்தில் டாக்டர் ரமேஷ் தலைமையில் அறுவை சிகிச்சை செய்யப்பட்டது. 

கமுதி அரசு மருத்துவமனை எலும்பு அறுவை சிகிச்சை டாக்டர் தர்மராஜன், அறுவை சிகிச்சை நிபுணர் பாலமுருகன், மயக்க மருந்து நிபுணர் சங்கர். டாக்டர்கள் கார்த்திகேயன், திவான் முகைதீன், செவிலியர்கள் ஆறுமுகம், கலா, ரகுமத், அடங்கிய குழுவினர் மூட்டு மாற்று அறுவை சிகிச்சையை வெற்றிகரமாக செய்து முடித்தனர். ராமநாதபுரம் மாவட்டத்தில் மட்டும் அல்லாது தமிழகத்திலேயே கிராமப்புற அரசு ஆரம்ப சுகாதார நிலையங்களில் மூட்டு மாற்று அறுவை சிகிச்சை நடைபெற்றது பார்த்திபனூரில்தான் என்பது குறிப்பிடதக்கது. அறுவை சிகிச்சைக்கு பின் பாண்டியம்மாள் நலமுடன் இருப்பதாக டாக்டர்கள் தெரிவித்தனர்.

(ஆன் - லைன் ஷாப்பிங் செய்வதற்கு நம் www.muhavaimurasu.com வலைதள FLIP KART / AMAZON / SNAP DEAL பேனர்கள் வழி செல்லுங்கள்)

விவசாயிகள் பயிர் காப்பீட்டுப் பிரிமியம் தொகையை நவம்பர் 30 க்குள் செலுத்த வேண்டும்!!

No comments :
கடன் பெறும் மற்றும் கடன் பெறா விவசாயிகள் பயிர் காப்பீட்டுப் பிரிமியம் தொகை செலுத்துவதற்கு நவம்பர் 30 கடைசி நாள் என ராமநாதபுரம் மாவட்ட வேளாண்மை இணை இயக்குநர் அரிவாசகன் வெளியிட்டுள்ள செய்திக்குறிப்பில் தெரிவித்துள்ளார்.

சனிக்கிழமை அவர் வெளியிட்ட செய்திக்குறிப்பு:

பாரதப் பிரதமரின் பயிர்க் காப்பீட்டுத் திட்டம் இந்த ஆண்டு அறிமுகப்படுத்தப்பட்டுள்ளது. இத்திட்டம் கடன் பெறும் கடன் பெறா விவசாயிகளுக்கான திட்டமாகும். பயிர் சாகுபடியில் விதைப்பு முதல் அறுவடைக்கு பின்பும் கூட ஏற்படும் பல்வேறு விதமான பாதிப்புகளுக்கு இழப்பீடு வழங்க இத்திட்டத்தில் வழிவகை செய்யப்பட்டுள்ளது.

நெல், மக்காச்சோளம், உளுந்து, நிலக்கடலை, கேழ்வரகு, சோளம், கம்பு, தட்டைப்பயறு, எள், சூரியகாந்தி, பருத்தி மற்றும் கரும்பு ஆகிய பயிர்களுக்கு இத்திட்டத்தில் இழப்பீடு வழங்கப்படுகிறது.

நெல் ஒரு ஏக்கருக்கு பிரிமியம் ரூ.322.50. காப்பீட்டுத் தொகை ஒரு ஏக்கருக்கு ரூ.21,500. இதர பயிர்களுக்கு மாவட்டத்தில் இறுதி செய்யப்பட்டுள்ள பயிர்க்கடன் தொகையில் 1.5 சதவிகிதம் மற்றும் வருடாந்திர வணிகப் பயிர்கள் மற்றும் தோட்டக்கலை பயிர்களுக்கு ரூ.5 சதவிகிதமும் வழங்கப்படும்.

காப்பீடு செய்ய விரும்பும் விவசாயிகள் உரிய விண்ணப்ப படிவம், உறுதிமொழிப் படிவம், அடையாள மற்றும் முகவரிச் சான்று, நில உடைமைச் சான்று, வங்கிக்கணக்கு எண் ஆகிய ஆவணங்களுடன் அந்தந்த பகுதியில் உள்ள தொடக்க வேளாண் கூட்டுறவு சங்கம் அல்லது வணிக வங்கிகளில் பிரிமியம் செலுத்தலாம்.


பிரிமியம் தொகை செலுத்துவதற்கு இறுதி நாள் நவம்பர் 30 ஆகும். இத்தேதிக்குள் விவசாயிகள் அனைவரும் பிரிமியம் செலுத்தி பயிர் காப்பீடு செய்து பயன்பெற கேட்டுக்கொள்கிறோம் என செய்திக்குறிப்பில் தெரிவிக்கப்பட்டுள்ளது.

(ஆன் - லைன் ஷாப்பிங் செய்வதற்கு நம் www.muhavaimurasu.com வலைதள FLIP KART / AMAZON / SNAP DEAL பேனர்கள் வழி செல்லுங்கள்)