முகவை முரசு

வெற்றி எட்டுத் திக்கு மெட்டக் கொட்டு முரசே! வேதம் என்றும் வாழ்க என்று கொட்டு முரசே! ஒன்றென்று கொட்டு முரசே!- அன்பில் ஓங்கென்று கொட்டு முரசே!

Thursday, September 19, 2019

ராமநாதபுரத்தில் ஊட்டச்சத்தின் அவசியம் குறித்த விழிப்புணர்வு கண்காட்சி!!

No comments :

ராமநாதபுரம் மாவட்ட கலெக்டர் அலுவலக வளாகத்தில், ஒருங்கிணைந்த குழந்தைகள் வளர்ச்சி திட்டத்தின் சார்பில் ஊட்டசத்து மாத மாவட்ட அளவிலான ஊட்டச்சத்தின் அவசியம் குறித்த விழிப்புணர்வு கண்காட்சி மற்றும் கையெழுத்து இயக்கத்தினை கலெக்டர் கொ.வீர ராகவ ராவ் துவக்கி வைத்தார்.

கர்ப்பிணிப் பெண்கள், பிரசவித்த தாய்மார்கள், வளர் இளம் பெண்கள், குழந்தைகள் மற்றும் அனைவருக்கும் ஊட்டச்சத்தின் அவசியம் குறித்து விழிப்புணர்வு ஏற்படுத்திடும் வகையில் ஆண்டுதோறும் செப்டம்பர் மாதம் தேசிய ஊட்டச்சத்து மாதமாக கொண்டாடப்பட்டு வருகிறது.  ஆரோக்கியமான மக்களால் ஆனதே வலிமையான தேசமாகும்.  எனவே, ஊட்டச்சத்து குறைபாடு இல்லாத இந்தியாவை உருவாக்குவதற்காக ஊட்டச்சத்து நிறைந்த சத்தான உணவு வகைகளை உட்கொள்வதன் அவசியம் குறித்து பொதுமக்களுக்கு விழிப்புணர்வு ஏற்படுத்துவதே தேசிய ஊட்டச்சத்து மாதம் கடைபிடிக்கப்பட்டு வருவதன் முக்கிய நோக்கமாகும்.


பொதுமக்கள் அதிக அளவில் கூடும் மக்கள் குறை தீர்க்கும் நாள் கூட்டத்தில் மக்களுக்கு ஊட்டச்சத்தின் முக்கியத்துவத்தை ஏற்படுத்தும் நோக்கில் ஊட்டச்சத்து கண்காட்சி மற்றும் கையெழுத்து இயக்கம் துவக்கி வைக்கப்பட்டது.  ஊட்டச்சத்து கண்காட்சியில் 1000 நாட்களின் முக்கியத்துவம் (கருத்தரிப்பு முதல் குழந்தையின் இரண்டு வயது வரை), வயிற்றுப்போக்கை தடுக்கும் முறைகள், ஊட்டச்சத்து உணவின் முக்கியத்துவம், இரத்தசோகையை தடுக்கும் வழிகள், சுத்தம் மற்றும் சுகாதாரம் ஆகியவற்றை விளக்கும் வண்ணம் அமைந்திருந்தது.  மிகவும் பயனுள்ள வகையில் ஏற்பாடு செய்யப்பட்டிருந்த ஊட்டச்சத்தின் அவசியம் குறித்த கண்காட்சியினை பொதுமக்கள் பார்வையிட்டனர்.  அங்கன்வாடி பணியாளர்களின் மூலம் உரிய விளக்கமும் அளிக்கப்பட்டது.

முன்னதாக, மாவட்ட கலெக்டர் ஊட்டச்சத்தின் அவசியம் குறித்த கையெழுத்து இயக்கத்தில்  கையொப்பமிட்டு துவக்கி வைத்தார். இந்நிகழ்ச்சியில், ஊரக வளர்ச்சி முகமை திட்ட இயக்குநர் த.கெட்சி லீமா அமலினி, ஒருங்கிணைந்த குழந்தைகள் வளர்ச்சி திட்ட அலுவலர் வ.ஜெயந்தி உள்ளிட்ட அரசு அலுவலர்களும், திரளான பொதுமக்களும் கலந்து கொண்டனர்.


செய்தி: தினசரிகள்

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

ராமநாதபுரத்தில் கோ-ஆப்டெக்ஸ்-ல் சிறப்பு தள்ளுபடி !!

No comments :

ராமநாதபுரம் கோ-ஆப்டெக்ஸ் விற்பனை நிலையத்தில் தீபாவளி பண்டிகையை முன்னிட்டு சிறப்பு தள்ளுபடி விற்பனையை கலெக்டர் வீரராகவராவ் துவக்கி வைத்து, விற்பனைக்காக வைக்கப்பட்டுள்ள ஆடை ரகங்களை பார்வையிட்டார்.

அதன்பின்னர் அவர் கூறியதாவது:-

தமிழ்நாடு அரசு, கைத்தறி ரகங்களின் விற்பனையை அதிகரிக்க ஆண்டு தோறும் பண்டிகை காலங்களில் 30மூ சிறப்பு தள்ளுபடி வழங்கி வருகிறது.  அதனடிப்படையில் எதிர்வரும் தீபாவளி பண்டிகையை முன்னிட்டு கோ-ஆப்டெக்ஸ் விற்பனை நிலையத்தின் மூலம் பட்டு, பருத்தி, கைத்தறி ரகங்களுக்கு 30மூ சிறப்பு தள்ளுபடி வழங்கப்படுகிறது.  வாடிக்கையாளர்களைக் கவரும் வைகயில் பலவித வண்ணம் மற்றும் வடிவமைப்புகளில் பருத்தி, பட்டு சேலைகள், படுக்கை விரிப்புகள், தலையணை உறைகள் விற்பனைக்காக வைக்கப்பட்டுள்ளன.

மேலும் உடல்நலத்திற்கும், சுற்றுச்சூழலுக்கும் ஏற்ப இரசாயன உரங்கள் இல்லாமல், இயற்கை முறையில் விளைவிக்கப்பட்ட பருத்தியைக் கொண்டு இயற்கை சாயமிட்ட ஆர்கானிக் புடவை இரகங்கள் விற்பனைக்கு உள்ளது.  மேலும் பாரம்பரிய ரகங்களைப் புதுப்பிக்கும் விதமாக கண்டாங்கி சேலைகள், செட்டிநாடு சேலைகள், கைத்தறி சுங்கிடி சேலைகள், மதுரை,தஞ்சாவூர் ஸ்லப் காட்டன் சேலைகள், ஈரோடு காதா டிசைனர் போர்வைகள், பருத்தி மற்றும் பட்டு பரமக்குடி 1000 புட்டாச் சேலைகள் பண்டிகைக்காக தருவிக்கப்பட்டுள்ளன.  மேலும் ஆடவர்களைக் கவரும் விதமாக லினன் சட்டைகள், லினன் ஃ பருத்தி சட்டைகள், பாலி விஸ்கோஸ் பேண்ட் கிளாத்கள் கண்ணை கவரும் வண்ணங்களில்  விற்பனைக்கு உள்ளன.



ராமநாதபுரம் மாவட்டத்தில் கோ-ஆப் டெக்ஸ் நிறுவனத்தின் மூலம் ராமநாதபுரம், பரமக்குடி என இரு நகரங்களிலும் விற்பனை நிலையங்கள் செயல்பட்டு வருகின்றன. கடந்த ஆண்டு தீபாவளி விற்பனையின் மூலம் இராமநாதபுரம் விற்பனை நிலையத்தில்  ரூ.64.07 லட்சம் மதிப்பில் கைத்தறி ஆடைகள் விற்பனை செய்யப்பட்டுள்ளது. 

இவ்வாண்டில் ரூ.80 லட்சம் அளவில் கைத்தறி ஆடைகள்  விற்பனை செய்திட வேண்டுமென இலக்கு நிர்ணயிக்கப்பட்டுள்ளது.  மேலும் கோ-ஆப்டெக்ஸ் ஆடைகளை  மின் வணிக வலைதளமான www.cooptex.com  என்ற இணையதளத்தின் மூலம் பெற்று கொள்ளலாம்.  எனவே பொதுமக்கள்  கோ-ஆப்டெக்ஸ் விற்பனை நிலையத்தில் தரமான கைத்தறி ஆடை ரகங்களை பெற்று பயனடைவதன் மூலம் கைத்தறி நெசவாளர்களை ஊக்குவித்திடவும் வாய்;ப்பாக அமையும். இவ்வாறு தெரிவித்தார். இந்நிகழ்ச்சியில்  கோ-ஆப்டெக்ஸ் மண்டல மேலாளர் ஜெ.நாகராஜன், நிர்வாகக்குழு உறுப்பினர்கள் வி.ஜி.அய்யான், கே.கே.சங்கீதா, இரக மேலாளர் எஸ்.பாடலிங்கம், ராமநாதபுரம் விற்பனை நிலைய மேலாளர் (பொ) கே.பாண்டியம்மாள், மேலாளர் (ஓய்வு) கே.மணிவண்ணன் உள்பட அரசு அலுவலர்கள், கோ-ஆப்டெக்ஸ் பணியாளர்கள்   கலந்து கொண்டனர். 


செய்தி: தினசரிகள்

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Saturday, September 14, 2019

சவூதி அரேபியாவில் நடைபெற்ற கிரிக்கெட் போட்டி, ஏராளமான தமிழர்கள் பங்கேற்பு!!

No comments :
சவூதி அரேபியா ஜித்தா மாநகரில் நடைபெற்ற க்ளப் களுக்கிடையான கிரிக்கெட் போட்டியில் கோப்பையை கைப்பற்றியது FRC MNR க்ளப்.

இரண்டாம் இடத்தை பிடித்தது TUSKERS க்ளப்.

இந்த போட்டியை நடத்திய ப்ரெண்ட்ஸ் ரிபப்ளிக் க்ளப் நம் தமிழர்கள் நடத்தும் க்ளப் என்பது குறிப்பிடத்தக்கது.

ஏராளமான தமிழர்கள் மற்றும் கேரளைட்கள் பங்கு கொண்ட இந்த போட்டியின் பரிசளிப்பு படங்களை கீழே காணலாம்.



MAN OF THE MATCH FINALS - NISHAD LATEEF
MAN OF THE MATCH SEMI FINAL - ASHRAF ADHOOR





BEST BOWLER OF THE TOURNAMENT - ANAZCHE




தகவல்: ஹமீது ராஜா, ப்ரெண்ட்ஸ் ரிபப்ளிக் க்ளப்.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Thursday, September 12, 2019

ராமநாதபுரத்தில் செப்- 13 ஆம் தேதி மீனவர்கள் குறை தீர் கூட்டம்!!

No comments :

ராமநாதபுரத்தில் வரும் 13 ஆம் தேதி (வெள்ளிக்கிழமை) மீனவர்கள் குறை தீர்க்கும் கூட்டம் நடைபெறும் என அறிவிக்கப்பட்டுள்ளது.

இதுகுறித்து ஆட்சியர் கொ.வீரராகராவ் விடுத்துள்ள செய்திக்குறிப்பு:

ராமநாதபுரத்தில் வரும் 13 ஆம் தேதி மாலை 4 மணிக்கு ராமநாதபுரம் மாவட்ட ஆட்சியர் அலுவலக குறைகேட்பு கூட்ட அரங்கில் மீனவர்கள் குறைதீர்க்கும் கூட்டம் நடைபெறுகிறது.


மாவட்ட ஆட்சியர் தலைமையில் நடைபெறும் இக்கூட்டத்தில், மாவட்ட அரசுத் துறை சார்ந்த அனைத்து அலுவலர்களும் கலந்து கொள்கின்றனர்.

ஆகவே, ராமநாதபுரம் மாவட்டத்திற்குள்பட்ட அனைத்து மீனவர்களும் கலந்து கொண்டு தங்களின் குறைகளை தெரிவித்து அதற்கான தீர்வினை பெறலாம்.


மேலும், மீனவர்கள் தங்களது கோரிக்கைகளை மனுவாகவும் அளிக்கலாம் எனக் குறிப்பிடப்பட்டுள்ளது.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

ராமநாதபுரத்தில் செப்-13ம் தேதி வேலை வாய்ப்பு முகாம் - கலெக்டர்!!

No comments :
ராமநாதபுரம் மாவட்ட வேலைவாய்ப்பு அலுவலகத்தில் வெள்ளிக்கிழமை தனியார் துறையினரின் வேலை வாய்ப்பு முகாம் நடைபெறுகிறது.

இதுகுறித்து மாவட்ட ஆட்சியர் கொ.வீரராகவராவ் விடுத்துள்ள செய்திக்குறிப்பு:

ராமநாதபுரம் மாவட்ட வேலைவாய்ப்பு அலுவலக வளாகத்தில் வெள்ளிக்கிழமை (செப். 13) நடைபெறும் தனியார் துறை வேலைவ. "ப்பு முகாமில் பல முன்னணி நிறுவனங்கள் கலந்து கொண்டு கல்வித் தகுதிக்கேற்ப தங்களுக்கான பணியாளர்களைத் தேர்வுசெய்ய உள்ளனர்.



முகாமில் தாம் வகுப்பு முதல் முதுகலை பட்டப்படிப்பு வரை முடித்தவர்களும், தொழில் கல்வி மற்றும் டிப்ளமோ படித்தவர்களும் கலந்துகொண்டு, கல்வித் தகுதிக்கேற்ப தனியார்துறை நிறுவனங்களில் பணி நியமனம் பெற்றுக் கொள்ளலாம்.

ஆகவே முகாமில் கலந்து கொள்ள விருப்பமுள்ளவர்கள் சுய விவரங்களடங்கிய விண்ணப்பம், அனைத்து அசல் கல்விச்சான்றுகள், ஆதார் அட்டை, குடும்ப அடையாள அட்டை மற்றும் புகைப்படத்துடன், வெள்ளிக்கிழமை காலை 10 மணிக்கு ராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு நேரில் வரவேண்டும்.


எனக்குறிப்பிடப்பட்டுள்ளது.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

அரசு ஐ.டி.ஐ.,ல் சேர விண்ணப்பங்கள் வரவேற்கப்படுகின்றன!!

No comments :
முதுகுளத்துார் அரசு ஐ.டி.ஐ.,ல் வெல்டர், இயந்திர வேலையாள் பிரிவு படிப்புகளுக்கு நேரடி மாணவர் சேர்க்கை செப்.,16 வரை நடக்கிறது.

இப்பிரிவுகளுக்கு பத்தாம் வகுப்பு தேர்ச்சி பெற்றவர்களிடமிருந்து விண்ணப்பங்கள் வரவேற்கப்படுகின்றன. ஆண்கள் 14 முதல் 40 வயதிற்குள் இருக்க வேண்டும்.பெண்களுக்கு வயது வரம்பு இல்லை. ஐ.டி.ஐ.,யில் படிக்கும் மாணவர்களுக்கு மடிக்கணினி, பாடப்புத்தகம், வரைப்படக்கருவி, காலணிகள், பஸ்பாஸ் உள்பட அரசு வழக்கும் அனைத்து சலுகைகளும் வழங்கப்படும்.

தினமும் வேலைநாட்களில் காலை 9:00முதல் மாலை 5 வரை பெறப்படும் விண்ணப்பங்களின் அடிப்படையில் சேர்க்கை நடைபெறும்,என்று முதல்வர் பொறுப்பு அசோகன் கூறினார்.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

பச்சை நிறத்தில் காட்சியளித்த பாம்பன் கடற்கரை!!

No comments :
ராமேசுவரத்தில் பாம்பன் குந்துகால் மற்றும் சிங்கிலி தீவு முதல் குருசடை தீவு வரையிலான கடல் பகுதி மிகவும் முக்கியமானது. ஆனால் அங்கு நேற்று வழக்கமான நிறத்தில் இருந்து கடல்நீரானது நிறம் மாறி, பச்சை நிறத்தில் காட்சி அளித்தது. காலையில் லேசான பச்சை நிறத்தில் இருந்த கடல்நீர், பகல் நேரத்தில் கரும் பச்சையாக மாறியதுடன், பாசி படர்ந்த நீர் போன்றும் தோற்றம் அளித்தது.

கிளி, ஒரா, காரல், விலாங்கு உள்ளிட்ட பல வகை மீன்களும் இறந்து கரை ஒதுங்கிய வண்ணம் இருந்தன. இது பற்றி அந்த பகுதியை சேர்ந்த மீனவர்கள், மண்டபத்தில் உள்ள மத்திய கடல் மீன் ஆராய்ச்சி நிலையத்திற்கு தகவல் தெரிவித்தனர்.

அதை தொடர்ந்து அந்த ஆராய்ச்சி நிலைய விஞ்ஞானிகள் குழுவினர், பாம்பன் குந்துகாலுக்கு சென்று பச்சை நிறமாக மாறியிருந்த கடல் நீரை சோதனையிட்டனர். பின்னர் ஆராயச்சிக்காக அந்த நீரை பெரிய டப்பாக்களில் சேகரித்ததுடன், இறந்து கிடந்த மீன்களையும் எடுத்து சென்றனர். பச்சை நிறத்தில் காட்சியளித்த கடல்நீரை அப்பகுதி மக்கள் ஆச்சரியத்துடன் பார்த்தனர்.

கடல்நீர் பச்சை நிறமாக மாறியதற்கான காரணம் குறித்து மண்டபம் ஆராய்ச்சி நிலைய விஞ்ஞானிகள் கூறியதாவது:-


பாம்பன் குந்துகால் முதல் குருசடை தீவு பகுதியில் கடல் நீர் திடீரென பச்சை நிறத்தில் காட்சி அளிக்கிறது. அதற்கான காரணத்தை ஆராய, கடல் நீரையும், இறந்து கிடந்த மீன்களையும் எடுத்து வந்துள்ளோம். ஆண்டுதோறும் ஜூலை முதல் செப்டம்பர் வரை தென்கடல் பகுதியில் குறிப்பிட்ட சில நாட்கள் கடலில் உள்ள ‘நாட்டிலூகா‘ என்ற அறிவியல் பெயர் கொண்ட கண்ணுக்கு தெரியாத பாசி, தனது மகரந்த சேர்க்கைக்காக கடலில் படரும். அந்த சமயத்தில்தான் கடல்நீர் திடீரென பச்சை நிறத்தில் காட்சியளிக்கும். கடல் நீரோட்டம் வேகமாக இருக்கும்போது, கடல்நீர் பச்சை நிறமாக மாறுவது தெரியாது. ஆனால் தற்போது கடல் நீரோட்டம் குறைவாக இருப்பதால்தான் பாம்பன் கடல்தண்ணீர் பச்சை நிறத்தில் தெளிவாக தெரிகிறது.

அந்த வகை பாசியானது கடல்நீரின் மேற்பரப்பில் படர்ந்து காணப்படுவதால் மீன்களின் செதில்கள் அடைக்கப்பட்டு சுவாசிக்க முடியாமல் திணறி, இறக்கின்றன. இந்த மாற்றமானது, ஆண்டுதோறும் ஜூலை முதல் செப்டம்பர் மாதங்களில் அவ்வப்போது நடப்பது வழக்கம் தான். சில நாட்களில் கடல் நீர் மீண்டும் இயற்கையான நிறத்தை அடையும். கடல் நீர் பச்சையாக இருப்பது 3 நாட்களுக்கு மேல் இருந்தால் கடலில் வாழும் உயிரினங்களுக்கு பாதிப்பு ஏற்படுத்தும்.

கடந்த 5 ஆண்டுகளில் இல்லாத அளவிற்கு தற்போது கடலானது அதிகமாக பச்சை நிறமாக மாறியுள்ளது. பாம்பனில் கடல்நீர் பச்சை நிறமாக மாறியுள்ளதால் எந்த ஒரு பாதிப்பும் ஏற்படாது. ஓரிரு நாட்களில் இயல்பு நிலைக்கு வந்துவிடும் என எதிர்பார்க்கிறோம். இதனால் மீனவர்கள் பயப்பட தேவையில்லை. இறந்து கரை ஒதுங்கிய மீன்களில் ஒரா வகையை சேர்ந்த மீன்கள் தான் அதிகம். இதுபற்றியும் தீவிரமாக ஆய்வு செய்தால்தான் காரணத்தை அறிய முடியும்.

இவ்வாறு அவர்கள் கூறினார்.

பாம்பன் கடல் பகுதியை போல, மண்டபம் தெற்கு துறைமுகத்தை ஒட்டிய பகுதியிலும் கடல்நீர் லேசான பச்சை நிறத்தில் காட்சி அளித்தது குறிப்பிடத்தக்கது. 

செய்தி: தினத்தந்தி

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Tuesday, September 10, 2019

ராமநாதபுரத்தில் மக்கள் குறைதீர்க்கும் நாள்; உதவிகள் வழ்ங்கினார் கலெக்டர்!!

No comments :
ராமநாதபுரத்தில் மக்கள் குறைதீர்க்கும் நாள் கூட்டம் கலெக்டர் வீரராகவராவ் தலைமையில் நடைபெற்றது.

ராமநாதபுரம் மாவட்ட கலெக்டர் அலுவலக கூட்ட அரங்கில் கலெக்டர் கொ.வீர ராகவ ராவ் தலைமையில் மக்கள் குறைதீர்க்கும் நாள் கூட்டம் நடைபெற்றது.
  இக்கூட்டத்தில் மாவட்டத்தின் பல்வேறு பகுதிகளில் இருந்து வருகை தந்த பொதுமக்களிடமிருந்து மாவட்ட கலெக்டர் கோரிக்கை மனுக்கள் பெற்று, அம்மனுக்களை ஆய்வு செய்து விரைந்து நடவடிக்கை மேற்கொண்டு தீர்வு காண வேண்டும் என சம்பந்தப்பட்ட துறை அலுவலர்களை அறிவுறுத்தினார்.

அதனைத் தொடர்ந்து மாவட்ட கலெக்டர் மாற்றுத்திறனாளிகள் நலத்துறையின் சார்பாக 5 பயனாளிகளுக்கு மோட்டார் பொருத்திய தையல் இயந்திரங்களையும், 5 பயனாளிகளுக்கு காதுக்குப் பின் அணியும் காதொலிக்கருவிகளையும், மாவட்ட பிற்படுத்தப்பட்டோர் மற்றும் சிறுபான்மையினர் நலத்துறையின் சார்பாக 1 பயனாளிக்கு விலையில்லா தையல் இயந்திரத்தினையும் வழங்கினார்.



இக்கூட்டத்தில் கலந்துகொண்டு கோரிக்கை மனுக்களை வழங்குவதற்காக மாவட்டத்தின் பல்வேறு பகுதிகளிலிருந்து வருகை தந்த மாற்றுத்திறனாளிகள் சிரமப்படாத வகையில் அவர்களுக்கு சிறப்பு அமர்விடம் ஏற்படுத்தப்பட்டு, அவர்களிடத்தில் மாவட்ட கலெக்டர் நேரடியாகச் சென்று கோரிக்கை மனுக்களைப் பெற்றார்.  மேலும், இக்கூட்டத்தில் கோரிக்கை மனுக்களை வழங்கிய அனைத்து நபர்களுக்கும் மாவட்ட கலெக்டர் உணவு பொட்டலங்களை வழங்கினார்.


இக்கூட்டத்தில், மாவட்ட வருவாய் அலுவலர் சி.முத்துமாரி உள்பட அனைத்துத் துறை அரசு அலுவலர்கள், பொதுமக்கள் கலந்து கொண்டனர்.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Wednesday, September 4, 2019

ராமநாதபுரம் நகராட்சியில் 13,460 வீடுகளில் மழைநீர் சேகரிப்பு இல்லை!!

No comments :
ராமநாதபுரம் சிறப்பு நிலை நகராட்சி பகுதிகளில் 13 ஆயிரத்து 460 வீடுகளில் மழைநீர் சேகரிப்பு இல்லை. அவர்களுக்கு நோட்டிஸ் அனுப்பப்பட்டுள்ளதாக கமிஷனர் விஸ்வநாதன் தெரிவித்தார்.

நகராட்சி 33 வார்டுகளில் 65 ஆயிரத்திற்கு மேற்பட்ட மக்கள் வசிக்கின்றனர். மாவட்டத்தில் தண்ணீர் பற்றாக்குறை உள்ள நிலையில் மழைநீர் சேகரிப்பை ஏற்படுத்த அரசு நடவடிக்கை எடுத்துள்ளது.

இது குறித்து ராமநாதபுரம் நகராட்சி கமிஷனர் விஸ்வநாதன் கூறியதாவது:

வடகிழக்கு பருவமழை துவங்க உள்ள நிலையில், நகராட்சி சார்பில் கொசுத்தடுப்பு, நகராட்சி பணியாளர்கள், துாய்மை இந்தியா திட்ட பணியாளர்கள் 40 பேர் கொண்ட 8 குழுக்கள் அமைக்கப்பட்டு மழைநீர் சேகரிப்பு அமைப்பு கண்காணிப்பு மேற்கொள்ளப்படவுள்ளது. நகராட்சியில் 18,675 வீடுகள் உள்ளன. இதில் 5,215 வீடுகளில் மட்டும் மழைநீர் சேகரிப்பு ஏற்படுத்தப்பட்டுள்ளது. 13,460 வீடுகளில் மழைநீர் சேகரிப்பு இல்லை.


நகர் பகுதியில் 2,500 சதுர அடியில் 36 வணிக கட்டடங்கள் உள்ளன. இதில் 24 கட்டடங்களில் மட்டும் மழைநீர் சேகரிப்பு உள்ளது. அரசு சார்ந்த கட்டடங்கள் 144ல் 56 கட்டடங்களில் மட்டும் உள்ளது. பல கட்டடங்களில் பராமரிப்பின்றி காணப்படுகிறது. அந்த கட்டடங்களையும் நகராட்சி சார்பில் கணக்கெடுத்து அவற்றை சீரமைக்க நகராட்சி நிர்வாகம் அறிவுறுத்தியுள்ளது.மழைநீர் சேகரிப்பை ஏற்படுத்தாத வீடுகள், கல்வி நிறுவனங்கள், வணிக நிறுவனங்களுக்கு நகராட்சி சார்பில் நோட்டிஸ் அனுப்பப்பட்டுள்ளது.


செப்., 30க்குள் அந்தந்த வீடுகள், வணிக நிறுவனங்களில் மழை நீர் சேகரிப்பை ஏற்படுத்தவேண்டும். மழைநீர் சேகரிப்பை ஏற்படுத்தாத வீடுகளுக்கும், நிறுவனங்களுக்கும் குடிநீர், பாதாளசாக்கடை இணைப்புகளை துண்டித்து சட்டரீதியாக நடவடிக்கை எடுக்கப்படும், என்றார்.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Tuesday, August 27, 2019

ராமநாதபுரம் அருகே துப்பாக்கி பதுக்கிய சம்பவத்தில் மேலும் 3 பேர் கைது!!

No comments :


ராமநாதபுரம் மாவட்டம், மண்டபம் யூனியன், உச்சிப்புளி அருகே உள்ள பிரப்பன்வலசையைச் சேர்ந்தவர் பூமிநாதன். இவர் மீது திருட்டு, போதைப்பொருள் கடத்தல் உள்ளிட்ட பல்வேறு வழக்குகள் உள்ளன. இதையடுத்து அவர் தற்போது புழல் சிறையில் அடைக்கப்பட்டுள்ளார். இவருக்கும், பிரப்பன்வலசை பிள்ளையார்கோவில் தெருவில் வசித்து வரும் வள்ளி (வயது 42) என்ற பெண்ணுக்கும் இடையே பழக்கம் ஏற்பட்டு கணவன்-மனைவி போல வாழ்ந்து வந்துள்ளனர்.

இந்த நிலையில் வள்ளி வீட்டில் துப்பாக்கி பதுக்கி வைக்கப்பட்டிருப்பதாக கிடைத்த தகவலின் பேரில் உச்சிப்புளி போலீஸ் இன்ஸ்பெக்டர் முத்து பிரேம்சந்த் தலைமையிலான போலீசார் அங்கு சென்று அதிரடி சோதனை மேற்கொண்டனர். இதில் ஒரு துப்பாக்கி மற்றும் தோட்டாக்கள் கைப்பற்றப்பட்டன.

அதனைத் தொடர்ந்து வள்ளியை போலீசார் கைது செய்ததுடன், இதில் தொடர்புடையவர்கள் குறித்து தீவிர விசாரணை மேற்கொண்டு வந்தனர். இதில் போலீசாருக்கு மேலும் சில தகவல்கள் கிடைத்தன.



இந்த நிலையில் உச்சிப்புளி போலீஸ் இன்ஸ்பெக்டர் முத்து பிரேம்சந்த், சப்-இன்ஸ்பெக்டர் ராமகிருஷ்ணன் மற்றும் போலீசார் பிரப்பன்வலசை கடற்கரை பகுதியில் ரோந்து சென்றனர். அப்போது அந்த பகுதியில் சந்தேகப்படும்படியாக நின்று கொண்டிருந்த 3 பேரை பிடித்து விசாரித்தனர். அப்போது அவர்கள் முன்னுக்கு பின் முரணாக பதில் கூறியதால் போலீசாருக்கு சந்தேகம் ஏற்பட்டது.

அதனைத் தொடர்ந்து அவர்களிடம் தீவிர விசாரணை மேற்கொண்டதில் அவர்கள் தர்மபுரி மாவட்டத்தை சேர்ந்த அர்ஜுன்(28), கோவை மாவட்டத்தை சேர்ந்த சங்கர்ராஜா(36), மணிகண்டன்(32) ஆகியோர் என்பதும், இவர்கள் தான் துப்பாக்கியை கோவையில் இருந்து வாங்கி வந்து பூமிநாதனிடம் விற்றுத்தரும்படிகூறி கொடுத்து வைத்திருந்ததும் தெரியவந்தது.

இதையடுத்து அவர்களை கைது செய்தனர். இதையடுத்து வள்ளி உள்பட 4 பேரையும் ராமநாதபுரம் கோர்ட்டில் ஆஜர்படுத்தினர். பின்னர் நீதிபதி உத்தரவின் பேரில் வள்ளி பரமக்குடியில் உள்ள பெண்கள் சிறையிலும், மற்ற 3 பேரும் ராமநாதபுரம் சிறையிலும் அடைக்கப்பட்டனர்.


செய்தி: தினத்தந்தி

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Monday, August 26, 2019

ராமநாதபுரம் அருகே கைத்துப்பாக்கி பதுக்கி வைத்திருந்ததாக பெண் ஒருவர் கைது!!

No comments :
தமிழகத்தில் தாக்குதல் நடத்துவதற்காக இலங்கையில் இருந்து பயங்கரவாதிகள் ஊடுருவி இருப்பதாக மத்திய உளவுத்துறை எச்சரிக்கை விடுத்ததன் எதிரொலியாக தமிழகம் முழுவதும் போலீசார் உஷார்படுத்தப்பட்டு, கடந்த சில நாட்களாக தீவிர வாகன சோதனை, கண்காணிப்பு நடந்து வருகிறது.

ராமநாதபுரம் மாவட்ட கடலோர பகுதிகள் இலங்கைக்கு மிக அருகாமையில் உள்ளன. எனவே ராமநாதபுரம் மாவட்ட கடற்கரை பகுதிகளில் கண்காணிப்பை மேலும் தீவிரப்படுத்த போலீஸ் சூப்பிரண்டு ஓம்பிரகாஷ்மீனா உத்தரவிட்டுள்ளார். எனவே சந்தேகப்படும்படியான நபர்களை பிடித்து போலீசார் தீவிர விசாரணை நடத்தி வருகிறார்கள்.

ஏற்கனவே கடந்த 2 வாரங்களுக்கு முன்பு மண்டபம் யூனியன் உச்சிப்புளி அருகே கடலோர கிராமமான பிரப்பன்வலசையை சேர்ந்த பூமிநாதன் என்பவரை போலீசார் கைது செய்தனர்.



அவர் ராமேசுவரத்தில் தனியார் டிராவல்ஸ் நிறுவனத்தில் டிரைவராக பணியாற்றி வந்தார். இவர் மீது திருட்டு, போதைப்பொருள் கடத்தல் உள்ளிட்ட பல்வேறு வழக்குகள் உள்ளன. தற்போது சென்னை புழல் சிறையில் உள்ள அவரிடம் போலீசார் நடத்திய விசாரணையில் சில திடுக்கிடும் தகவல்கள் வெளியானதாக கூறப்படுகிறது. அவர் ஏற்கனவே திருமணமானவர் என்றாலும், அவருக்கும் பிரப்பன்வலசை பிள்ளையார்கோவில் தெருவைச் சேர்ந்த வள்ளி (வயது 42) என்பவருக்கும் பழக்கம் ஏற்பட்டது. கடந்த சில ஆண்டுகளாக கணவன்-மனைவியாக அவர்கள் குடித்தனம் நடத்தி வந்ததாகவும் கூறப்படுகிறது.

இந்த நிலையில் வள்ளியின் வீட்டில் துப்பாக்கி பதுக்கி வைக்கப்பட்டு இருப்பதாக வந்த தகவல் தொடர்பாக கிராம நிர்வாக அலுவலர் விஜயகுமார், உச்சிப்புளி போலீஸ் நிலையத்தில் புகார் செய்தார்.

அதனை தொடர்ந்து இன்ஸ்பெக்டர் முத்து பிரேம்சந்த் தலைமையிலான போலீசார் அங்கு விரைந்து சென்றனர். அந்த வீட்டில் வள்ளி இருந்தார். அங்கு போலீசார் அதிரடி சோதனை மேற்கொண்டனர்.

அங்கு பதுக்கி வைத்திருந்த ஒரு அட்டைப்பெட்டியை எடுத்து திறந்து பார்த்த போது, அதில் கைத்துப்பாக்கி மற்றும் அதற்கு பயன்படுத்தக்கூடிய தோட்டாக்கள் இருந்ததால் போலீசார் அதிர்ச்சி அடைந்தனர். இதையடுத்து வேறு ஏதேனும் வெடிபொருட்கள் அங்கு உள்ளதா? என்பதை அறிய மேலும் தீவிர சோதனை நடந்தது.

பின்னர் துப்பாக்கி, 32 தோட்டாக்களை பறிமுதல் செய்ததுடன் வள்ளியை உச்சிப்புளி போலீஸ் நிலையத்துக்கு அழைத்து வந்து அவரிடம் போலீசார் விசாரணை மேற்கொண்டனர்.

கைப்பற்றப்பட்ட துப்பாக்கி ஏற்கனவே பயன்படுத்தப்பட்டு பின்னர் மறுவிற்பனை செய்யப்பட்டது என்றும், குறைந்த விலைக்கு வாங்கி அதிக விலைக்கு விற்க பதுக்கி வைத்திருந்ததும் தெரியவந்தது. பூமிநாதனுக்கு கோவையை சேர்ந்த 3 பேர் அந்த துப்பாக்கி மற்றும் தோட்டாக்களை கொடுத்ததாகவும், அவர் அதனை இலங்கையை சேர்ந்தவர்களுக்கு கடத்துவதற்காக வள்ளியின் வீட்டில் வைத்திருந்ததாகவும் கூறப்படுகிறது. எனவே போலீஸ் சப்-இன்ஸ்பெக்டர் ராமகிருஷ்ணன் இதுதொடர்பாக வழக்குப்பதிவு செய்தார். வள்ளி கைது செய்யப்பட்டார். பூமிநாதன், வள்ளிக்கு துப்பாக்கி கிடைத்தது இதுதான் முதல்முறையா? அவர்கள் ஏற்கனவே பலமுறை துப்பாக்கி போன்ற ஆயுதங்களை கள்ளத்தனமாக விற்றுள்ளார்களா, வெளிநாட்டைச் சேர்ந்தவர்களுக்கு கடத்தி உள்ளார்களா? என்ற கோணத்தில் போலீசார் விசாரணையை முடுக்கிவிட்டுள்ளனர்.

ராமநாதபுரம் மாவட்ட கடலோர கிராமத்தில் பெண்ணின் வீட்டில் துப்பாக்கி, தோட்டாக்கள் சிக்கியது பெரும் பரபரப்பை ஏற்படுத்தியது.


செய்தி: தினத்தந்தி

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Saturday, August 24, 2019

ராமநாதபுத்தில் வரும் 28 ஆம் தேதி சமையல் எரிவாயு விநியோக குறைதீர் கூட்டம்!!

No comments :
ராமநாதபுத்தில் சமையல் எரிவாயு விநியோக குறைதீர்க்கும் கூட்டம் வரும் 28 ஆம் தேதி (புதன்கிழமை) நடைபெறும் என அறிவிக்கப்பட்டுள்ளது.

இதுகுறித்து மாவட்ட ஆட்சியர் கொ.வீரராகவராவ் விடுத்துள்ள செய்திக்குறிப்பு:


ராமநாதபுரம் மாவட்டத்தில் உள்ள ராமநாதபுரம், ராமேசுவரம், திருவாடானை, கீழக்கரை, ஆர்.எஸ்.மங்கலம், பரமக்குடி, கமுதி, கடலாடி மற்றும் முதுகுளத்தூர் தாலுகாவிற்கு உள்பட்ட பகுதிகளில் சமையல் எரிவாயு விநியோகம் தொடர்பாக பொதுமக்கள் தங்களின் குறைகள் மற்றும் கோரிக்கைகளை நேரில் தெரிவிப்பதற்காக எண்ணெய் நிறுவனங்கள் மற்றும் எரிவாயு முகவர்களுடன் குறைதீர்க்கும் கூட்டம் நடத்தப்படவுள்ளது. குறைதீர்க்கும் கூட்டமானது வரும் 28 ஆம் தேதி மாலை 5 மணிக்கு ராமநாதபுரம் மாவட்ட ஆட்சியர் அலுவலகத்தில் மாவட்ட வருவாய் அலுவலர் தலைமையில் நடத்தப்படவுள்ளது.


கூட்டத்தில் எரிவாயு உபயோகிப்பவர்கள் மற்றும் பொதுமக்கள் கலந்து கொண்டு தங்களது குறைகளை தெரிவித்து பயன் பெற வேண்டும் என தெரிவிக்கப்பட்டுள்ளது.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Wednesday, August 21, 2019

அனைவருக்கும் வீடு திட்டத்தின் கீழ் பயனாளிகள் விண்ணப்பிக்கலாம் - கலெக்ட்ர்!!

No comments :
ராமநாதபுரம் மாவட்டத்தில் பிரதமரின் அனைவருக்கும் வீடு திட்டத்தின் கீழ் தகுதியான பயனாளிகள் விண்ணப்பிக்கலாம்.

மேலும் யாரும் இடைத்தரகரை நம்பி பணம் கொடுத்து ஏமாற வேண்டாம் என மாவட்ட ஆட்சியர் பா.வீரராகவராவ் எச்சரித்துள்ளார்.

இதுகுறித்து அவர் விடுத்துள்ள செய்திக்குறிப்பு:

தமிழ்நாடு குடிசைமாற்று வாரியத்தின் மூலம் செயல்படு f ப்பட்டு வரும் பிரதமரின் "அனைவருக்கும் வீடு' திட்டத்தின் கீழ் ராமநாதபுரம், ராமேசுவரம், பரமக்குடி, கீழக்கரை ஆகிய நகராட்சிப் பகுதிகளில் வசித்து வரும் பொதுமக்கள் விண்ணப்பிக்கலாம்.



இத்திட்டத்தில் பயன்பெறுவதற்கு, பயனாளிகளுக்கு வேறு எங்கும் கான்கிரீட் வீடுகள் இருக்கக் கூடாது. வீடு கட்டுவதற்கான இடத்தின் நில உரிமைக்கான பதிவு செய்யப்பட்ட பத்திரம் அல்லது பட்டா வைத்திருக்க வேண்டும் பயனாளியின் மாத வருமானம் ரூ.25 ஆயிரத்துக்கு மிகாமல் இருக்க வேண்டும். பயனாளியின் ஆதார் அட்டை, வங்கிக் கணக்கு புத்தக நகல் ஆகியவற்றை சமர்ப்பிக்க வேண்டும். புதிதாக கட்டப்படவுள்ள குடியிருப்பின் பரப்பளவு குறைந்தது 300 சதுரடியிலிருந்து 500 சதுரடி வரை இருக்க வேண்டும். வீடு கட்டிக்கொள்ள மானியமாக ரூ.2.10 லட்சம் நான்கு நிலைகளில் பயனாளிகளின் வங்கிக் கணக்கில் நேரடியாக செலுத்தப்படும்.

திட்டத்தில் பயன்பெற விரும்பும் பயனாளிகள் யாரும் இடைத்தரகர்களை நம்பி பணம் கொடுத்து ஏமாற வேண்டாம்.

மேலும் விபரங்களுக்கு உதவி பொறியாளர்கள்
(ராமநாதபுரம்) 9443183194,
(கீழக்கரை) 6380654852,
(பரமக்குடி) 9488883638,
(ராமேசுவரம்) 9487390981


ஆகிய எண்க ளில் தொடர்பு கொள்ளலாம் எனக்குறிப்பிடப்பட்டுள்ளது.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Monday, August 19, 2019

விவசாயிகளுக்கான ஓய்வூதிய திட்டம், சிறு / குறு விவசாயிகள் விண்ணப்பிக்கலாம்!!

No comments :
பாரத பிரதமரின் விவசாயிகளுக்கான வாழ்நாள் வரையிலான ஓய்வூதிய திட்டம் நாடு முழுவதும் உள்ள விவசாயிகள் அனைவரும் பயன் பெறும் வகையில் அறிமுகப்படுத்தப்பட்டுள்ளது. சிறு மற்றும் குறு விவசாயிகளின் முதுமை காலத்தை கருத்தில் கொண்டு அவர்களது வாழ்வாதாரத்தை ஏற்படுத்தி தர இத்திட்டம் செயல்படுத்தப்பட்டுஉள்ளது. இத்திட்டத்தில் பதிவு செய்யும் சிறு, குறு விவசாயிகள் 60 வயதை அடையும்போது அவர்களுக்கு வாழ்நாள் வரை ஓய்வூதியமாக ஒவ்வொரு மாதமும் ரூ.3 ஆயிரம் வழங்கப்படும்.

18 முதல் 40 வயது வரையிலான சிறு, குறு விவசாயிகள் இத்திட்டத்தில் பதிவு செய்து கொள்ளலாம். அவர்களது வயதுக்கேற்ப ஒவ்வொரு மாதமும் ரூ.55 முதல் ரூ.200 வரை பொது இ-சேவை மையத்தில் 60-வது வயது வரை பணம் செலுத்த வேண்டும். அதற்கு நிகரான தொகையை மத்திய அரசும் சந்தாதாரர் கணக்கில் செலுத்தும்.




ஒரு குடும்பத்தில் உள்ள கணவன், மனைவி என இருவரும் இந்த ஓய்வூதிய திட்டத்தில் தனித்தனியாக இணைந்து கொள்ளலாம். சந்தாதாரர் இத்திட்டத்தை தொடர விருப்பமில்லையெனில் அவர் செலுத்திய தொகை 5 ஆண்டுகளுக்கு பிறகு வங்கி வட்டி விகிதத்தில் வட்டியுடன் திரும்ப தரப்படும். திட்ட காலத்திற்கு பிறகு சந்தாதாரர் இறக்கும் பட்சத்தில் அவரது மனைவி அல்லது வாரிசுகளுக்கு மாதம் ரூ.1500 வீதம் அவர்களது இறுதிக்காலம் வரை கிடைக்கும்.

ஏற்கனவே பிரதம மந்திரி கிசான் சம்மான் திட்டத்தில் பயன்பெறும் விவசாயிகள் அதே வங்கி கணக்கு வாயிலாக ஓய்வூதிய திட்டத் தொகையினை செலுத்தலாம். எனவே இத்திட்டத்தில் இணைய விரும்பும் சிறு, குறு விவசாயிகள் தங்களது ஆதார் அட்டையுடன் அருகில் உள்ள பொது இ-சேவை மையத்தை உடனே அணுகி பயன்பெறலாம். இந்த தகவலை மாவட்ட கலெக்டர் வீரராகவராவ் தெரிவித்தார்.


(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

ராமநாதபுர நெடுஞ்சாலைகளில் வழிப்பறி செய்தவர்கள் கைது!!

No comments :
ராமநாதபுரத்தில் கடந்த சில நாட்களாக ராமநாதபுரம்-ராமேசுவரம் தேசிய நெடுஞ்சாலை, ராமநாதபுரம் - கீழக்கரை நெடுஞ்சாலை ஆகிய பகுதிகளில் இரவு நேரங்களில் தனியாக மோட்டார் சைக்கிளில் செல்பவர்களை மர்ம கும்பல் வழிமறித்து பணம், செல்போன் போன்றவற்றை பறித்துக்கொள்வதுடன் வாகனங்களை சேதப்படுத்தி கொலை மிரட்டல் விடுத்து வந்தனர். இதனால் மக்கள் இந்த பகுதிகளில் செல்ல வாகன ஓட்டிகள் அச்சமடைந்தனர்.

மக்களிடையே பெரும் அச்சத்தை ஏற்படுத்திய இந்த வழிப்பறி சம்பவத்தில் நேற்று முன்தினம் இரவு நடந்த சம்பவத்தின்போது போலீசாருக்கு முக்கிய தகவல் கிடைத்தது. நேற்று முன்தினம் இரவு துத்திவலசையை சேர்ந்த குருசரண் என்பவரிடம் மர்ம கும்பல் வழிப்பறி செய்தபோது அந்த கும்பலிடம் இருந்த செல்போனை குருசரண் தற்செயலாக பறித்து கொண்டார். தொடர்ந்து நடைபெற்று வரும் வழிப்பறி சம்பவம் தொடர்பாக மாவட்ட போலீஸ் சூப்பிரண்டு ஓம்பிரகாஷ்மீனா கேணிக்கரை இன்ஸ்பெக்டர் பிரபு, சப்-இன்ஸ்பெக்டர்கள் சிவசாமி, குகனேஸ்வரன் ஆகியோரை கொண்ட தனிப்படை அமைத்து வழிப்பறி கும்பலை பிடிக்க உத்தரவிட்டார்.


இதன்படி குருசரண் கொடுத்த செல்போன் தகவல்களின் அடிப்படையில் தனிப்படை போலீசார் தீவிர விசாரணை மேற்கொண்டனர். இந்த விசாரணையில் மர்ம நபர்கள் கடந்த சில நாட்களாக சென்றுவந்த பகுதிகளில் அந்த வழியாக சென்றவர்களிடம் வழிப்பறி சம்பவங்களில் ஈடுபட்டுள்ளதை போலீசார் உறுதி செய்தனர். அதனை தொடர்ந்து இந்த வழிப்பறி சம்பவத்தில் தொடர்ந்து ஈடுபட்டு மக்களை அச்சத்தில் உறைய செய்த பெருங்குளம் மேற்குத்தெருவை சேர்ந்த நாகராஜ் என்பவரின் மகன் இளையராஜா (வயது 24), அழகன் குளம் செட்டிமடை செல்வம் மகன் ரஞ்சித்(20) ஆகியோரை போலீசார் மடக்கி பிடித்தனர்.

இவர்களிடம் நடத்திய விசாரணையில் குருசரண் மற்றும் சக்கரக்கோட்டை பகுதியை சேர்ந்த சமையல் மாஸ்டர் அப்துல்சுக்கூர் உள்ளிட்ட 3 பேரிடம் கத்தியை காட்டி மிரட்டியும், அரிவாளால் தாக்கியும் வழிப்பறியில் ஈடுபட்டுள்ளது இவர்கள் தான் என்பது தெரியவந்துள்ளது. இந்த சம்பவங்களின்போது உடனிருந்த ஆற்றங்கரை காலனியை சேர்ந்த முனீஸ் என்பவரையும் போலீசார் தேடிவருகின்றனர். ராமநாதபுரத்தில் கடந்த சில நாட்களாக வழிப்பறியில் ஈடுபட்டு பரபரப்பை ஏற்படுத்தி வந்த கும்பல் பிடிபட்டுள்ளதால் மக்கள் நிம்மதி அடைந்துள்ளனர்.


செய்தி: தினசரிகள்


(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Wednesday, August 14, 2019

ராமநாதபுரம் நகராட்சி கமிஷனர் மாற்றம்; புதிய கமிஷனராக திரு. விஸ்வநாதன் நியமனம்!!

No comments :

ராமநாதபுரம் நகராட்சி கமிஷனர் சுப்பையா நேற்று திடீரென மாற்றப்பட்டு காத்திருப்போர் பட்டியலில் வைக்கப்பட்டார். அவருக்கு பதிலாக கோவை மாநகராட்சி பயிற்சி மைய அதிகாரி விஸ்வநாதன் ராமநாதபுரம் நகராட்சி கமிஷனராக நியமிக்கப்பட்டுள்ளார்.

மதுரை திருநகரை சேர்ந்தவர் சுப்பையா. இவர் உசிலம்பட்டி நகராட்சி கமிஷனராக இருந்த போது கடந்த மார்ச் மாதம் ராமநாதபுரம் நகராட்சி கமிஷனராக நியமிக்கப்பட்டார். இவர் கமிஷனராக பதயேற்ற போது முதல்நிலை நகராட்சியாக இருந்த ராமநாதபுரம் நகராட்சி 60 ஆண்டுகளுக்கு பிறகு சிறப்பு நிலை நகராட்சியாக தரம் உயர்த்தப்படுவதாக அரசு அறிவித்தது.



தரம் உயர்த்தப்பட்ட ராமநாதபுரம் நகராட்சிக்கு தகுதியான நிலையில் புதிய கமிஷனர் நியமிக்கப்படலாம் என கூறப்பட்டது.இந்நிலையில், நகராட்சி பகுதியில் ரோட்டோர ஆக்கிரமிப்புகள் அகற்றாதது, பஸ்ஸ்டாண்டில் கடைகளை வாடகைக்கு விட்டது. சில கட்சியினர் நகராட்சி ஆணையர் சுப்பையாவை விமர்சித்து போஸ்டர்கள் ஒட்டியது உள்ளிட்ட பல சர்ச்சைகளில் நகராட்சி ஆணையர் சுப்பையா விமர்சிக்கப்பட்டார்.


இந்நிலையில் 5 மாதங்களுக்கு பிறகு ராமநாதபுரம் நகராட்சி ஆணையர் சுப்பையா இடம் மாற்றப்பட்டு காத்திருப்போர் பட்டியலில் வைக்கப்பட்டுள்ளார். கோவை மாநகராட்சி பயிற்சி மைய அதிகாரி விஸ்வநாதன் ராமநாதபுரம் நகராட்சி கமிஷனராக நியமிக்கப்பட்டுள்ளார்.


(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Monday, August 5, 2019

கீழக்கரையில் டாஸ்மாக் கடைகளை அகற்றக்கோரி தர்ணா; 40 பேர் கைது!!

No comments :
கீழக்கரையில் புதிய பஸ் நிலையம், காய்கறி மார்க்கெட் ஆகியவற்றின் அருகில் 2 டாஸ்மாக்கடைகள் செயல்பட்டு வருகிறது.

இதனால் பள்ளிக்கு செல்லும் மாணவ-மாணவிகள் மற்றும் மார்க்கெட்டிற்கு செல்லும் பெண்கள் அச்சத்தோடு செல்லும் நிலை இருந்து வருகிறது. இதனை அகற்றக்கோரி பல்வேறு போராட்டங்கள் நடத்தியும் எவ்வித பயனும் இல்லை.




இந்த நிலையில் நேற்று புதிய பஸ் நிலையம் அருகில் உள்ள 2 டாஸ்மாக் கடைகளை அகற்றக்கோரி நாம் தமிழர் கட்சியின் சார்பில் தர்ணா போராட்டத்தில் ஈடுபட்டனர். மண்டல செயலாளர் பத்மநாதன், தொகுதி செயலாளர் குமரன், மாவட்ட தலைவர் நாகூர்கனி, கீழக்கரை நகர் செயலாளர் ஹபீல் ரகுமான் உள்பட 40-க்கும் மேற்பட்டோர் கலந்து கொண்டனர்.

சுமார் 2½ மணி நேரத்துக்கும் மேலாக நீடித்த இந்த போராட்டத்தால் அப்பகுதியில் பெரும் பரபரப்பு ஏற்பட்டது. தகவல் அறிந்ததும் கீழக்கரை போலீஸ் துணை சூப்பிரண்டு முருகேசன் தலைமையிலான போலீசார் அங்கு விரைந்து வந்து பேச்சுவார்த்தை நடத்தினர். அப்போது டாஸ்மாக் கடைகளை உடனடியாக அகற்ற வேண்டும் என்று போராட்டத்தில் ஈடுபட்டவர்கள் வலியுறுத்தினர். அதனை தொடர்ந்து 40 பேரை போலீசார் கைது செய்து திருப்புல்லாணியில் உள்ள ஒரு மண்டபத்தில் தங்க வைத்தனர்.
 

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Sunday, August 4, 2019

ஜோரான விற்பனையில் போதை மிட்டாய்; பெற்றோர்களும், ஆசிரியர்களும் அதிர்ச்சி!!

No comments :
ராமநாதபுர மாவட்ட பரமக்குடியில் அரசால் தடை செய்யப்பட்ட போதை பொருட்களின் விற்பனை படுஜோராக நடைபெற்று வருகிறது. பான்பராக், குட்கா, புகையிலை ஆகியவை பெட்டிக்கடை முதல் பெரிய கடைகள் வரை பதுக்கி வைத்து விற்கின்றனர். அதை வாங்க வருபவர்கள் கடைகளில் கூட்டம் அதிகமாக இருந்தால் நேரடியாக அதனை கேட்காமல் ரகசிய வார்த்தைகள் மூலம் சொல்லி அந்த போதை பாக்கெட்டுகளை வாங்கிச்செல்கின்றனர். இதை மிஞ்சும் வகையில் கஞ்சா விற்பனை நடைபெற்று வருகிறது.

குறிப்பாக பரமக்குடியில் வைகை ஆறு, எமனேசுவரம், காக்காதோப்பு, வேந்தோணி ரெயில்வே கேட் உள்பட பல்வேறு இடங்களில் கஞ்சா விற்பனை அமோகமாக நடைபெற்று வருகிறது. இதை வாங்கி பயன்படுத்துபவர்கள் போதை ஏறியதும் சாலையில் செல்பவர்களிடம் தகராறு செய்வதும், பெண்களை கேலி செய்வதும், பொது இடங்களில் நிர்வாணத்துடன் படுத்துக்கிடப்பதும் போன்ற செயல்களில் ஈடுபடுகின்றனர். காவல்துறையினரும் அவ்வப்போது நடவடிக்கை மேற்கொண்டு வந்தாலும் முழுமையாக இதனை கட்டுப்படுத்த முடியவில்லை.


இந்த நிலையில் தற்போது பரமக்குடி பகுதியில் விற்பனையாகி வரும் போதை மிட்டாய் பெரும் பரபரப்பை ஏற்படுத்தி வருகிறது. அதாவது சிறிய அளவு கஞ்சாவை வைத்து அதன் மேல் மிட்டாய் போல் உருண்டையாக வடிவமைத்து ஒரு மிட்டாய் ரூ.10 என பள்ளி, கல்லூரி மாணவர்களை குறிவைத்து போதைக்கும்பல் விற்பனை செய்து வருவதாக கூறப்படுகிறது. மாணவர்களும் அதை வெறும் மிட்டாய் என நினைத்து வாங்கி சாப்பிடுகின்றனராம். சிறிது நேரம் சென்றதும் அவர்களுக்கு போதை ஏறி ஒழுங்கினச் செயல்களில் ஈடுபடுவதாக கூறப்படுகிறது. தினமும் இதை வாங்கி சாப்பிடுபவர்கள் தங்களது நண்பர்களுக்கும் அதை வாங்கிக்கொடுத்து பழக்கி விடுகின்றனர் என்ற அதிர்ச்சி தகவல் பள்ளிகளில் பரவி வருகிறது. சில மாணவர்கள் மாலையிலும் இதை பயன்படுத்தி வருவதால் வீடுகளில் மயங்கி கிடக்கின்றனராம். பெற்றோர்கள் அலறியடித்து என்ன செய்வது என புரியாமல் அவர்களுடன் மன்றாடி விசாரித்தால் மிட்டாய் விவரத்தை கூறுகின்றனராம்.

இந்த விஷயம் வெளியில் தெரிந்தால் அவமானமாகி விடும் என்ற அச்சத்தில் யாரிடமும் சொல்லாமல் படிக்கும் பள்ளிகளுக்கு வந்து ஆசிரியர்களிடம் விவரத்தை கூறி பெற்றோர்கள் புலம்புகின்றனராம். இதனால் பெற்றோர்களும், ஆசிரியர்களும் அதிர்ச்சியில் ஆழ்ந்துள்ளனர். குறிப்பாக பள்ளி, கல்லூரி மாணவர்களையும், வெளியூர்களில் இருந்து பஸ்சில் பள்ளிக்கு வருபவர்களையும் குறிவைத்து தான் அந்த போதை மிட்டாய் விற்பனை செய்யப்படுவதாகவும் புகார் கூறுகின்றனர். இதே நிலை நீடித்தால் மாணவ சமுதாயத்தின் நிலை மோசமாகி விடும் என பெற்றோர்களும், ஆசிரியர்களும், புலம்புகின்றனர். எனவே மாவட்ட காவல்துறை இதுகுறித்து உரிய நடவடிக்கை எடுத்து மாணவர்களை பாதுகாக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

செய்தி: தினத்தந்தி

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Saturday, August 3, 2019

ராமநாதபுரம் மாவட்ட தலைமை மருத்துவமனையில் அடிப்படை வசதியின்மை!!

No comments :
ராமநாதபுரம் மாவட்ட தலைமை அரசு மருத்துவமனையில் குடிநீர், கழிப்பறை உள்ளிட்ட அடிப்படை வசதிகளின்றி நோயாளிகள் தவிக்கின்றனர்.


ராமநாதபுரம் அரசு மாவட்ட தலைமை மருத்துவமனையில் தினமும் 800க்கும் மேற்பட்டோர் உள் நோயாளிகளாக சிகிச்சை பெற்று வருகின்றனர்.ஆயிரத்திற்கும் மேற்பட்டோர் வெளி நோயாளிகள் தினமும் சிகிச்சைக்கு வருகின்றனர். உள் நோயாளிகளுக்கு உதவியாளர்களாக உறவினர்கள் உடன் தங்கியுள்ளனர்.இவர்களுக்கு போதுமான அடிப்படை வசதிகளின்றி தவிக்கின்றனர். மருத்துவமனையில் குடிநீர் சுத்திகரிப்பு மையம் அமைக்கப்பட்டு நோயாளிகளுக்கு குடிநீர் வழங்கப்பட்டு வந்தது.


இதனை முறையாக பாராமரிக்காததால் பழுதடைந்து செயல்படாமல்உள்ளது. குடிநீருக்காக மக்கள் தினமும் வெளியில் உள்ள கடைகளுக்கு அலைந்து வருகின்றனர். வேறு வழியின்றி ஏழை மக்கள் பணம் கொடுத்து மினரல் வாட்டர் வாங்கி பயன்படுத்துகின்றனர்.குடிநீர் சுத்திகரிப்பு மையத்தை சீரமைத்து பயன்பாட்டிற்கு கொண்டுவர கலெக்டர் வீரராகவ ராவ் தலையிட்டு நடவடிக்கை எடுக்க வேண்டும்.



மூடப்பட்ட கட்டண கழிப்பறை:

அரசு மாவட்ட தலைமை மருத்துவமனைக்கு வரும்வெளி நோயாளிகள், உள் நோயாளிகளுடன் தங்கியிருக்கும் உதவியாளர்கள், நோயாளிகளை பார்க்க வருவோர் பயன்படுத்துவதற்காக மருத்துவமனை வளாகத்தில் நவீன கட்டண கழிப்பறை செயல்பட்டு வந்தது. இது கடந்த ஆறு மாதங்களாக மூடிக்கிடக்கிறது. இதனால் அவசரத்திற்கு செல்ல முடியாமல் சிரமப்படுகின்றனர். இதில் பெண்களின் நிலை பரிதாபம்.


இயங்காத பேட்டரி கார்:


முன்னாள் எம்.பி., அன்வர்ராஜா தொகுதி வளர்ச்சி திட்ட நிதியில் பேட்டரி கார் மருத்துவமனைக்கு வழங்கப்பட்டது. நடக்க முடியாமல் வரும் நோயாளிகளை அவர்களுக்கு உரிய வார்டுகளின் வாசல் வரை இதில் கொண்டு விட்டனர். இந்த பேட்டரி காரும் பல மாதங்களாக பழுதாகி பயன்பாடில்லாத நிலையில் உள்ளது. இதனால் வயதான, நடக்க முடியாத நோயாளிகள் மிகவும் சிரமப்படுகின்றனர்.அரசு மருத்துவமனை நிர்வாகத்தினர் இது போன்ற அடிப்படை வசதிகளை செய்து தர நடவடிக்கை எடுக்க வேண்டும், என மக்கள் கோரிக்கை விடுத்துள்ளனர்.

செய்தி: தினமலர்

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

ஏர்வாடி சந்தனக்கூடு விழா, கொடி இறக்கத்துடன் நிறைவுபெற்றது!!

No comments :
ஏர்வாடியில் சுல்தான் செய்யது இப்ராகீம் ஷஹீது பாதுஷா நாயகம் தர்காவின் 845ம் ஆண்டு சந்தனக்கூட்டிற்கான மவுலீது எனும் புகழ்மாலை ஜூலை 4 மாலை 6:30 மணிக்கு துவங்கியது. ஜூலை 13 (சனி) அடிமரம் ஊன்றப்பட்டும், ஜூலை 14 மறுநாள் (ஞாயிறு) மாலை கொடி ஊர்வலமும், கொடியேற்றும் நிகழ்ச்சியும் நடந்தது.

மதநல்லிணக்க சந்தனக்கூடு கடந்த ஜூலை 26 (வெள்ளி) மாலை மவுலீதுடன் துவங்கி மறுநாள் அதிகாலை 3:00 மணி வரை நடந்தது. ஜூலை 27 அதிகாலை அலங்கரிக்கப்பட்ட சந்தனக்கூடு தேர் கொண்டு வரப்பட்டது. பாதுஷா நாயகத்தின் அடக்கஸ்தலத்தில் சந்தனம் பூசப்பட்டு, வண்ணப் போர்வை போர்த்தப்பட்டது. மத நல்லிணக்கத்திற்கு எடுத்துக்காட்டாக திகழும் இவ்விழாவில் அனைத்து சமுதாய மக்களும் திரளாக பங்கேற்றனர். 


நேற்று மாலை 5:00 மணிக்கு கொடியிறக்கம் செய்யப்பட்டது. பாதுஷா நாயகத்தின் புனித மக்பராவில் கொடி வைக்கப்பட்டது.விழா ஏற்பாடுகளை தர்கா ஹக்தார் பொதுமகா சபையினர் செய்திருந்தனர். 

கொடியிறக்கத்திற்கு பின் இரவு 7:00 மணிக்கு நெய்சோறு வழங்கப்பட்டது. சிறப்பு பஸ்கள் இயக்கப்பட்டன.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

ராமநாதபுரம் நகரில் போலி பீடி விற்பனை; 2 பேர் கைது!!

No comments :
ராமநாதபுரம் நகரில் போலீசார் சோதனையில் பிரபல நிறுவனத்தின் பெயரில் 28போலி பீடி பண்டல்களை கைப்பற்றி இருவரை கைது செய்தனர்.



ராமநாதபுரம் நகரில் பிரபல பீடி நிறுவனம் பெயரை பயன்படுத்தி போலி பீடிகள் விற்கப்படுவதாக எழுந்த புகாரை அடுத்து அந்த நிறுவனத்தின் நிர்வாகியான ஓம்சக்தி நகரை சேர்ந்த அப்துல் நஜீத் போலீஸ்உயர் அதிகாரிகளிடம் புகார் அளித்தார். 

இதையடுத்து ராமநாதபுரம் பஸ் ஸ்டாண்ட்அருகேயுள்ள கடையில் போலி பீடி கட்டுகள் இருப்பதாக புகார் அளித்தவரின் தகவலின் பேரில் போலீசார் அங்கு சோதனையிட்டனர். அப்போது 20 போலி பீடி பண்டல்கள் பறிமுதல் செய்யப்பட்டது.

இதுதொடர்பாக ஞானசேகரன் 42, என்பவரைபோலீசார் கைது செய்தனர். இதே போல் ராமநாதபுரம் வெளிப்பட்டிணம் பகுதியில் உள்ள கடையிலும் 8 போலி பீடி பண்டல்களை கைப்பற்றி கடை உரிமையாளர் அப்துல் பாசித் 38, என்பவரை கைது செய்தனர். 

இந்த போலி பீடி பண்டல்களை ராமநாதபுரத்திற்கு வந்த கேரளாவை சேர்ந்தவரிடம் இருந்து வாங்கியதாக கைதானவர்கள் கூறியுள்ளனர். அதனடிப்படையில் போலீசார் போலி பீடியை ராமநாதபுரத்தில் விற்பனை செய்யும் கேரள நபர்களை பிடிக்க விசாரணையை துவக்கியுள்ளனர்.

செய்தி: தினசரிகள்


(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Saturday, July 13, 2019

தொடர் மின்வெட்டில் தத்தளிக்கும் ராமநாதபுர மாவட்டம்!!

No comments :


ராமநாதபுரம்:மாவட்டத்தில் 300க்கும் மேற்பட்ட உயர் மின் கோபுரங்களில் மின் கம்பிகளை கட்டி இணைக்கும் இன்சுலேட்டர்கள் டிஸ்க் உடைந்ததால் நேற்று முன்தினம் முதல் ஏராளமான கிராமங்களில் மின்தடை ஏற்பட்டுள்ளது.

சீராக மின்சாரத்தை கடத்தும் வகையில் பல்வேறு பகுதிகளில் உயர் மின்கோபுரங்கள் அமைக்கப்பட்டுள்ளன. அவற்றில் சீரான மின்னழுத்தம் கிடைப்பதற்காக 'இன்சுலேட்டர் டிஸ்க்' பொருத்தப்படுகிறது.
இவற்றை ராமநாதபுரம் மாவட்ட மின்வாரியம் தொடர் பராமரிப்பு செய்யாததால் கடந்த ஜூலை 3ல் வழுதுார், ராமநாதபுரம், கூரியூர் பகுதிகளில் உடைந்தன.
இதனால், ராமேஸ்வரம், ராமநாதபுரம் பகுதியில் இரண்டு நாட்கள் மின்தடை ஏற்பட்டு மக்கள் மிகுந்த சிரமப்பட்டனர். மூன்று நாட்களுக்கு பின் ஜூலை 6ல் மின் விநியோகம் சீரானது.



மாவட்ட தலைநகரான ராமநாதபுரத்தை இரண்டு நாட்கள் இருளில் மூழ்கடித்த நிலையில், நேற்று முன்தினம் (ஜூலை 10) பகலில் வழுதுார் பகுதியில் திடீரென உயர்மின் கோபுரத்தில் ஏராளமான இன்சுலேட்டர் டிஸ்க் அமைப்புகள் உடைந்து சிதறின. இதனால், ராமேஸ்வரம், மண்டபம், கீழக்கரை பகுதியில் மின்தடை ஏற்பட்டது. அவற்றை மின்வாரிய பொறியாளர்கள் நேற்று முன்தினம் இரவு முழுதுவதும் சரிசெய்யும் பணியில் ஈடுபட்டனர். வழுதூர் பகுதியில் பீங்கான் அமைப்புகள் உடைந்த நிலையில், காரைக்குடி செல்லும் மின்தடம், பெருங்குளம் கீழக்கரை செல்லும் மின்தடங்களிலும் 300 க்கும் மேற்பட்ட இடங்களில் இன்சுலேட்டர்கள் சேதமடைந்தன.

இதனால், ராமேஸ்வரம், கீழக்கரை நகராட்சி பகுதிகளும், மண்டபம், பெருங்குளம், காவனுார், வாலிநோக்கம், ஏர்வாடி உள்ளிட்ட பெரும்பாலான ஊரகப் பகுதிகளிலும், பல கிராமங்களில் அறிவிக்கப்படாத மின்தடை ஏற்பட்டது. சுமார் 75 ஆயிரம் மின் இணைப்புகளுக்கு மின்விநியோகம் செய்வது நேற்று தடைபட்டதாக மின்வாரியப் பொறியாளர்கள் தெரிவித்தனர். இன்சுலேட்டர்கள் பழுதுநீக்கும் பணியில் வெளியூர்களில் இருந்து அழைத்து வரப்பட்ட மின்வாரிய ஒப்பந்தப் பணியாளர்கள் நேற்று அதிகாலை முதலே ஈடுபடுத்தப்பட்டுள்ளதாக பொறியாளர்கள் கூறினர்.


செய்தி: தினசரிகள்


(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Thursday, July 11, 2019

ராமநாதபுரத்தில் கடல் சார்ந்த சிறுதொழில் தொடங்க ரூ.22 கோடியில் உணவுப் பூங்கா!!

No comments :
ராமநாதபுரம் அருகே சக்கரக்கோட்டை ஊராட்சிக்கு உட்பட்ட கிழக்கு கடற்கரை சாலை பகுதியில் தமிழ்நாடு சிறுதொழில் வளர்ச்சி நிறுவனத்தின் சார்பில் ஜப்பான் பன்னோக்கு கூட்டுறவு முகமை உதவியுடன் ஒருங்கிணைந்த கடல் உணவு பூங்கா அமைக்கப்பட்டு வருகிறது. தமிழ்நாடு முதலீடு ஊக்குவிப்பு திட்டம் 2-ன் கீழ் அமைக்கப்பட்டு வரும் இந்த பூங்காவில் கடல் உணவு, மீன் பிடி தொழில் தொடர்பான மேம்படுத்தப்பட்ட கட்டமைப்புகள் ஏற்படுத்தப்பட்டு வருகின்றன.

சுமார் 100 ஏக்கர் பரப்பளவில் ரூ.22 கோடி செலவில் அமைக்கப்பட உள்ள இந்த கடல் உணவு பூங்கா முதல்கட்டமாக 50 ஏக்கரில் அமைக்கப்பட்டு வருகிறது. இந்த 50 ஏக்கரில் 18 தொழில் மனை வளாகங்களை பிரித்து வழங்க தயாராக உள்ளது. இந்த மனை பகுதிகளில் தொழில்தொடங்க ஏதுவாக தொழிற்சாலைகளுக்கான தனி மின் பாதை அமைக்கப்பட்டுள்ளது.

இதுதவிர சாலை வசதி, தண்ணீர் வசதி, மழைநீர் வடிகால் வசதி, வாய்க்கால் வசதி, தெருவிளக்கு வசதிகள் ஏற்படுத்தப்பட்டு வருகின்றன. இந்த கடல் உணவு பூங்காவில் தொழில் தொடங்க தற்போதைய நிலையில் 2 நிறுவனங்கள் விண்ணப்பித்துள்ளன. குறிப்பாக சென்னையை சேர்ந்த நிறுவனம் ஒன்று படகு தயாரிக்கும் தொழில் தொடங்க கடை வளாகம் கேட்டுள்ளது.

இந்த கடல் உணவு பூங்காவில் ஒரு ஏக்கர் பரப்பளவிலான கடை வளாகம் ரூ.23 லட்சம் என விலை நிர்ணயம் செய்யப்பட்டுள்ளது. மனை வளாகம் பெறப்பட்ட 24 மாதங்களுக்குள் தொழில் தொடங்க வேண்டும். இந்த வளாகத்தில் மீன் உணவு வகைகள் தயாரித்தல், மேம்படுத்தப்பட்ட பதப்படுத்தப்பட்ட உடனடி மீன் உணவு வகைகள் தயாரித்தல், மீன்பிடி வலைகள் தயாரிப்பு, படகு தயாரித்தல் போன்ற சிறு,குறு தொழில்கள் தொடங்கலாம்.

தற்போதைய நிலையில் 50 ஏக்கரில் 18 மனை வளாகங்கள் உருவாக்கப்பட்டு வரும் நிலையில் அடுத்த கட்டமாக மீதம் உள்ள 50 ஏக்கரில் இந்த கடல் உணவு பூங்காவை விரிவுபடுத்தும் பணி தொடங்கப்பட உள்ளது.

இதுதவிர இங்கு மீன்கள் பதப்படுத்த ஏதுவாக குளிர்சாதன கிடங்கு வசதியும், கடல் உணவு பூங்காவிற்காக தனி துணை மின்நிலையமும் அமைக்கப்பட உள்ளது.


செய்தி: தினசரிகள்


(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Thursday, July 4, 2019

ராமநாதபுர மாவட்டத்தில் அதிகரித்து வரும் திருட்டு சம்பவங்கள், திருடர்களை பிடிக்க 3 தனிப்படை அமைக்கப்பு!!

No comments :
ராமநாதபுரம் மாவட்டத்தில் தேர்தலுக்கு பின்னர் கடந்த ஒரு மாதத்தில் வீடு புகுந்து திருட்டு உள்ளிட்ட சம்பவங்கள் நாளுக்கு நாள் அதிகரித்துக்கொண்டே வருகிறது. இதனை தடுக்க சிறப்பு குற்றப்பிரிவை சேர்ந்த 3 தனிப்படை அமைக்கப்பட்டுள்ளது.

மாவட்டத்தில் நடந்த சம்பவங்களின் அடிப்படையில் அதனை செயல்படுத்திய விதம் குறித்து ஆராய்ந்து கடந்த காலங்களில் இதுபோன்று செயல்களில் ஈடுபட்டு கைதான நபர்களின் பட்டியல் தயார் செய்யப்பட்டுள்ளது. இதன்படி 38 குற்றவாளிகளின் பட்டியல் தயார் செய்து தனிப்படையினரிடம் ஒப்படைக்கப்பட்டுள்ளது.

இந்த 38 குற்றவாளிகளின் தற்போதைய நிலை, சிறையில் உள்ளனரா?, எப்போது வெளியில் வந்தனர்?, அதன்பின்னர் வேறு ஏதாவது குற்ற செயல்களில் ஈடுபட்டுள்ளனரா? என்பது குறித்து தீவிர விசாரணை மேற்கொள்ள உத்தரவிடப்பட்டுள்ளது.


இதன்மூலம் முக்கிய தகவல் கிடைக்கும் என்று எதிர்பார்க்கப்படுகிறது. மாவட்டத்தில் கடந்த ஒரு மாதத்தில் மட்டும் வீடு புகுந்து திருட்டு, வீட்டு வாசலில் படுத்திருப்பவர்களிடம் செயின் பறிப்பு என 15 சம்பவங்கள் நடந்துள்ளன. இதனை தடுக்க தீவிர நடவடிக்கை எடுக்கப்பட்டுள்ளது. அதிக வெப்பம் காரணமாக பொதுமக்கள் காற்றுக்காக வெளியில் படுக்கின்றனர். இவர்களை நோட்டமிட்டு மர்ம நபர்கள் செயின் பறிப்பில் ஈடுபட்டு வருகின்றனர்.

காற்றுக்காக வெளியில் படுப்பவர்கள் தங்க நகைகளை அணிந்து கொண்டு படுக்க வேண்டாம் என்பது போன்ற எச்சரிக்கை வாசகங்கள் அச்சடிக்கப்பட்டு கிராமங்கள் தோறும் வினியோகிக்க நடவடிக்கை எடுக்கப்பட்டுள்ளது. இதுதவிர வீடுகளில் பொருத்தப்பட்டுள்ள கதவுகளின் உறுதித்தன்மையை சரிசெய்து கொள்ள வேண்டும். விலை உயர்ந்த பொருட்களை வங்கி பெட்டகத்தில் வைக்க வேண்டும். வீட்டிற்கு வரும் நபர்களை உறுதிசெய்த பின்னரே கதவை திறந்து அனுமதிக்கும் வகையில் கதவில் துளைஅமைத்து சங்கிலியால் கட்டி வைத்து கொள்ள வேண்டும். வீட்டில் தேவையான இடங்களில் கண்காணிப்பு கேமராக்கள் பொருத்திக்கொள்ள வேண்டும் என்பதுபோன்ற அறிவுரைகள் அடங்கிய விளம்பர பலகைகள் முக்கிய இடங்களில் மக்களின் பார்வைக்காக வைக்கப்பட்டுள்ளது. இந்த தகவலை ராமநாதபுரம் மாவட்ட போலீஸ் சூப்பிரண்டு ஓம்பிரகாஷ்மீனா தெரிவித்தார்


(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Wednesday, June 26, 2019

ராமநாதபுரத்தில் வரும் 28 ஆம் தேதி விவசாயிகள் குறை தீர் கூட்டம்!!

No comments :
ராமநாதபுரத்தில் வரும் 28 ஆம் தேதி (வெள்ளிக்கிழமை) விவசாயிகள் குறை தீர்க்கும் கூட்டம் நடைபெறவுள்ளது என அறிவிக்கப்பட்டுள்ளது.

இதுகுறி மாவட்ட ஆட்சியர் கொ.வீரராகவராவ் செவ்வாய்க்கிழமை வெளியிட்ட செய்திக்குறிப்பு:



ராமநாதபுரம் மாவட்டத்தில் ஜூன் மாதத்திற்கான விவசாயிகள் குறைதீர்க்கும் நாள் கூட்டம் வரும் 28 ஆம் தேதி பகல் 11.30 மணிக்கு நடைபெறுகிறது. ராமநாதபுரம் மாவட்ட ஆட்சியர் அலுவலகத்தில் உள்ள ஊராட்சி மன்றக் கூட்ட அரங்கில் மாவட்ட ஆட்சியர் தலைமையில் இந்தக் கூட்டம் நடைபெறவுள்ளது.


இக்கூட்டத்தில் விவசாயிகளும், விவசாய சங்கப் பிரதிநிதிகளும் கலந்து கொள்ளலாம். இதில் விவசாயம் சம்பந்தமான கோரிக்கைகள் மட்டுமே பரிசீலனைக்கு எடுத்துக் கொள்ளப்படும் எனக்குறிப்பிடப்பட்டுள்ளது.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Tuesday, June 25, 2019

ராமேசுவரம் கோவிலில் ரூ.78 லட்சம் கையாடல்; போலீஸ் விசாரணைக்கு உத்தரவு!!

No comments :
ராமேசுவரம் ராமநாதசாமி கோவிலில் சுமார் 100 பேர் நிரந்தர ஊழியர்களாக உள்ளனர். இவர்களது சம்பளத்தில் தொழிலாளர் சேமநல நிதியாக ஒரு தொகை பிடித்தம் செய்யப்பட்டு ஸ்டேட் வங்கியில் அதற்கான கணக்கில் செலுத்தப்படுவது வழக்கம்.

இவ்வாறு கோவில் ஊழியர்களின் சம்பளத்தில் பிடித்தம் செய்யப்பட்டு ஒவ்வொரு மாதமும் ரூ.5 லட்சத்து 12 ஆயிரம் பாரத ஸ்டேட் வங்கியில் செலுத்தப்பட்டு வந்தது. இந்த நிலையில் கடந்த 3 ஆண்டுகளாக குறைவான தொகை செலுத்தப்படுவதாகவும், அதற்கான விளக்கத்தை அளிக்குமாறும் கேட்டு வருங்கால வைப்பு நிதித்துறை அதிகாரிகள் கோவில் இணை ஆணையருக்கு தபால் அனுப்பி உள்ளனர்.

இதனைத் தொடர்ந்து இணை ஆணையர் கல்யாணி சம்பந்தப்பட்ட அலுவலரை அழைத்து விளக்கம் கேட்டபோது மாதந்தோறும் அந்த தொகையை செலுத்தியதற்கான ரசீது இணைக்கப்பட்டிருந்தது.
இதையடுத்து ஸ்டேட் வங்கியில் விசாரித்தபோது, சுமார் 3½ ஆண்டுகளாக ரூ.5 லட்சத்து 12 ஆயிரம் செலுத்துவதற்கு பதிலாக ரூ.3 லட்சத்து 20 ஆயிரம் மட்டுமே செலுத்தப்பட்டிருந்தது தெரியவந்தது.



இதனால் அதிர்ச்சியடைந்த அதிகாரிகள் ஏற்கனவே இணைக்கப்பட்டிருந்த ரசீதுகளை சரிபார்த்த போது அது போலியானவை என்பது தெரியவந்தது.

மேலும் விசாரணையில், கோவில் அலுவலகத்தில் கம்ப்யூட்டர் ஆபரேட்டராக பணியாற்றிய தற்காலிக ஊழியர் சிவன் அருள்குமார் இந்த மோசடியில் ஈடுபட்டிருப்பதாக கூறப்படுகிறது. இவரது தந்தை இக்கோவிலில் பணியாற்றி ஓய்வு பெற்றவர். மொத்தம் ரூ.78 லட்சம் கையாடல் செய்யப்பட்டிருப்பது விசாரணையில் தெரியவந்துள்ளது.
இதைத்தொடர்ந்து இணை ஆணையர் கல்யாணி இது குறித்து ராமநாதபுரம் மாவட்ட போலீஸ் சூப்பிரண்டு ஓம்பிரகாஷ் மீனாவை சந்தித்து புகார் அளித்துள்ளார்.

அவர் இது குறித்து விசாரணை நடத்த குற்றப்பிரிவு போலீசாருக்கு உத்தரவிட்டார்.


செய்தி: தினசரிகள்

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Monday, June 10, 2019

ராமநாதபுரத்தில் வரும் 15-ந் தேதி வேலைவாய்ப்பு முகாம்!!

No comments :
ராமநாதபுரத்தில் மாவட்ட வேலைவாய்ப்பு அலுவலகம் சார்பில் வரும் 15-ந் தேதி தனியார் துறை வேலைவாய்ப்பு முகாம் நடைபெற உள்ளது.

தகவல் தொழில்நுட்பவியல்துறை அமைச்சர் டாக்டர் மணிகண்டன் தலைமையில் ராமநாதபுரம் மாவட்ட வேலைவாய்ப்பு அலுவலகம் சார்பாக வரும் 15.06.2019 சனிக்கிழமை அன்று ராமநாதபுரம் ரோமன் சர்ச் பேருந்து நிறுத்தம் அருகில் உள்ள இன்பேன்ட் ஜீஸஸ் மெட்ரிக் மேல்நிலைப் பள்ளியில்; காலை 9.00 மணி முதல் மாலை 3.00 மணி வரை தனியார்துறை சிறப்பு வேலைவாய்ப்பு முகாம் நடைபெற உள்ளது. 

இத்தனியார்துறை வேலைவாய்ப்பு முகாமில் 50-க்கும் மேற்பட்ட பல்வேறு நிறுவனங்கள் மற்றும் உள்ளூர் நிறுவனங்களும் கலந்துகொண்டு வேலை நாடுநர்களை தெரிவு செய்ய இருக்கின்றன. 

இம்மாவட்டத்தைச் சார்ந்த வேலைவாய்ப்பற்ற 8-ம் வகுப்பு தேர்ச்சி முதல் பட்டப்படிப்பு வரை மற்றும் ஐ.டி.ஐ., டிப்ளமோ மற்றும் பொறியியல் மற்றும் பட்டதாரி ஆசிரியர் மற்றும் செவிலியர் மற்றும் லேப் டெக்னீசியன் கல்வித்தகுதியுடைய அனைவரும் இம்முகாமில் கலந்துகொண்டு தங்களுக்கான பணியினை தாங்களே தேர்வு செய்வதற்கான அரிய வாய்ப்பினை பயன்படுத்திக்கொள்ளுமாறு கேட்டுக்கொள்ளப்படுகிறார்கள்.

மேலும், ராமநாதபுரம் மாவட்டத்திலுள்ள தனியார்துறை நிறுவனங்கள், இம்முகாமில் கலந்துகொண்டு தங்களுக்கு தேவையான பணியாளர்களை தெரிவு செய்து கொள்ளலாம்.

எனவே, தங்களது முழு பயோடேட்டா, அனைத்து அசல் கல்விச்சான்றுகள், குடும்ப அட்டை, ஆதார் அட்டை மற்றும் பாஸ்போர்ட் அளவு புகைப்படம் ஆகியவற்றுடன் இத்தனியார்துறை சிறப்பு வேலைவாய்ப்பு முகாமில் கலந்துகொண்டு பயனடையலாம்.

இந்த முகாம் மூலம் பணிக்கு நீங்கள் தேர்வு செய்யப்பட்டு பணியமர்த்தம் செய்யப்பட்டால் தங்களின் வேலைவாய்ப்பு அலுவலக பதிவு எக்காரணத்தைக்கொண்டும் இரத்து செய்யப்படமாட்டாது.  அரசு துறைகளில் கோரப்படும் பணியிடங்களுக்கு அரசு விதிமுறைகளின்படி தங்கள் பெயர் பரிந்துரை செய்ய பரிசீலிக்கப்படும்.


இந்த தகவலை ராமநாதபுரம் மாவட்ட கலெக்டர் வீரராகவராவ் தெரிவித்துள்ளார்.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;

Tuesday, May 28, 2019

இராமநாதபுரத்தில் காவல்துறை பணிகளுக்க்கான இலவச முழு மாதிரித் தேர்வு!!

No comments :
தமிழகத்தில் காவல்துறை பணிகளுக்கு நடைபெறும் தேர்வுகளுக்கான இலவச முழு மாதிரித் தேர்வு நடைபெறவுள்ளதால் விருப்பமுள்ளோர் அதில் பங்கேற்கலாம் என சுரேஷ் அகாதெமி நிறுவனர் து,சுகேஷ்சாமுவேல் தெரிவித்துள்ளார்.

இதுகுறித்து அவர் திங்கள்கிழமை விடுத்துள்ள செய்திக்குறிப்பு:



சுரேஷ் அகாதெமி சார்பில் ராமநாதபுரம் மாவட்டத்தில் கடந்த 3 ஆண்டுகளாக ஏராளமானோர் அரசுப் பணிக்குச் செல்ல உதவியுள்ளோம்.
இந்த நிலையில், தற்போது காவல் துறையில் சார்பு ஆய்வாளர் உள்ளிட்ட பணிகளுக்கு தேர்வு நடைபெறவுள்ளது. ஆகவே அத்தேர்வுக்கு தயாராகும் வகையில் வரும் ஜூன் 2 ஆம் தேதி (ஞாயிறு) தமிழகம் முழுதும் சுரேஷ் அகாதெமி சார்பில் இலவச முழு மாதிரி தேர்வு நடைபெறவுள்ளது.
அத்துடன் டிஎன்பிஎஸ்சி குரூப் 2ஏ பதவிக்கான இலவச அறிமுக வகுப்புகளும் ஜூன் 9 ஆம் தேதி காலை 9 மணிக்குத் தொடங்குகிறது. இதில் இலவச பாடக்குறிப்புகள், நடப்பு நிகழ்வுகள் வழங்கப்படும்.


மேலும் விவரங்களுக்கு தொடர்பு கொள்ள 75503 52916 மற்றும் 75503 52917 ஆகிய செல்லிடப் பேசிகளில் தொடர்பு கொள்ளலாம் எனக்குறிப்பிடப்பட்டுள்ளது.

(செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்;
ஆன் - லைன் ஷாப்பிங் செய்வதற்கு நம் www.muhavaimurasu.in வலைதள பேனர்கள் வழி செல்லுங்கள்)