முகவை முரசு

(முகவை மாவட்டத்தின் முன்னணி இணைய இதழ்)

Monday, October 19, 2020

துபாய் - தெய்ரா வில் வரும் அக்-23ம் தேதி ரத்ததான முகாம்!!

No comments :

துபாய் ஈமான் கல்சுரல் செண்டர் 23.10.2020 வெள்ளிக்கிழமை காலை 8.30 மணி முதல் மதியம் 1 மணி வரையிலும் ரத்ததான முகாமை நடத்த இருக்கிறது.

இந்த ரத்ததான முகாம் துபாய் ரத்ததான மையத்துடன் இணைந்து நடத்தப்படுகிறது.

கொரோனா பாதிப்பு ஏற்பட்டுள்ள இந்த சமயத்தில் அறுவை சிகிச்சை உள்ளிட்ட பல்வேறு தேவைகளுக்கு ரத்தத்தின் தேவை அதிகமாக இருந்து வருகிறது. இந்த சேவையில் பங்கு கொண்டு தன்னார்வலர்கள் ரத்ததானம் செய்ய முன் வருமாறு கேட்டுக் கொள்ளப்படுகிறார்கள்.

ரத்ததானம் செய்ய விரும்புவோர்

நிஜாம் :  050 352 5305

ஹிதாயத் :  050 51 96 433

ஆகிய எண்களில் தொடர்பு கொண்டு தங்களது விருப்பத்தை பதிவு செய்ய கேட்டுக் கொள்ளப்படுகிறார்கள்.

 


குறிப்பு:

ரத்ததானம் செய்ய வருபவர்கள்

கண்டிப்பாக காலை உணவு சாப்பிட்டு வர வேண்டும்.

வெளிநாடு சென்று வந்த ஒரு மாதம் ஆகியிருக்க வேண்டும்.

விசிட் விசாவில் இருப்பவர்கள் ரத்ததானம் செய்ய அனுமதியில்லை. 


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Sunday, October 18, 2020

ராமநாதபுரம் மாவடட்த்தில் 'ஹலோ போலீஸ்' அலைபேசி எண் அறிமுகம்!!

No comments :

ராமநாதபுரத்தில் பொது மக்கள் தங்களின் குறைகளை உடனுக்குடன் தெரிவிக்க வசதியாக 'ஹலோ போலீஸ்' 83000 31100 என்ற அலைபேசி எண் அறிமுகப்படுத்தப்பட்டுள்ளது.

 

இந்த எண்ணில் பொதுமக்கள் தங்களது பகுதியில் நடைபெறும் சட்டவிரோதமான செயல்கள், மணல் கடத்தல், போதைப்பொருட்கள் விற்பனை, சூதாட்டம், லாட்டரி விற்பனை மற்றும் பிற ரகசிய தகவல்களை தெரிவிக்கலாம்.



 

மேலும் போலீஸ் ஸ்டேஷன்களில் புகார் மனுக்களை பெற மறுத்தாலோ, முதல் தகவல் அறிக்கை பதிவு செய்யாமல் இருந்தாலோ, குற்றவாளியை கைது செய்யாமல் இருப்பது, விசாரணையில் திருப்தி இல்லாமல் இருந்தாலும் ஹலோ போலீஸ் எண்ணில் தெரிவிக்கலாம்.

 

மேலும் மாவட்ட எஸ்.பி., யை 87782 47265 எண்ணில் நேரடியாக தொடர்பு கொள்ளலாம். தகவல் கொடுப்பவர்கள் பற்றிய விபரங்கள் மிகவும் ரகசியமாக வைத்துக்கொள்ளப்படும் என எஸ்.பி., கார்த்திக் தெரிவித்துள்ளார்.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Thursday, October 15, 2020

ராமநாதபுரம் மாவட்டத்தில் இலவச கட்டாயக் கல்வி; நவம்பர் 15 ஆம் தேதி வரை விண்ணப்பிக்கலாம்!!

No comments :

ராமநாதபுரம் மாவட்டத்தில் இலவச கட்டாயக் கல்விச் சட்டத்தின் கீழ் பள்ளிகளில் மாணவர்களை சேர்க்க நவம்பர் 15 ஆம் தேதி வரை விண்ணப்பிக்கலாம் என அறிவிக்கப்பட்டுள்ளது.

 

ராமநாதபுரம் மாவட்டத்தில் சிறுபான்மையற்ற தனியார் மற்றும் தனியாருக்குச் சொந்தமான மழலையர், தொடக்க மற்றும் மெட்ரிக்குலேசன் பள்ளிகளில் நுழைவு வகுப்புகளுக்கான மாணவர் சேர்க்கை நடைபெற்றது.

அதனடிப்படையில் 156 பள்ளிகளில் 1,999 இடங்களுக்கு மாணவர் சேர்க்கை நடத்தப்பட்டது. விதிமுறைப்படி நடத்தப்பட்ட மாணவர் சேர்க்கையில் 1173 பேர் மட்டுமே நுழைவு வகுப்பில் சேர்ந்துள்ளனர். ஆகவே, தற்போது 118 பள்ளிகளில் 826 இடங்களில் மாணவ, மாணவியர் சேர்க்கப்பட வேண்டியுள்ளது.




காலியிடங்களில் வாய்ப்பு மறுக்கப்பட்ட பிரிவு, சிறப்புப் பிரிவு, எச்ஐவியால் பாதிக்கப்பட்ட குழந்தைகள், சுகாதாரமற்ற தொழில் செய்வோரது குழந்தைகள், மூன்றாம் பாலின குழந்தைகள், மாற்றுத்திறனாளி குழந்தைகள், ஆதரவற்ற குழந்தைகள் மற்றும் நலிவடைந்தோர் குழந்தைகள் ஆகியோர் சேர்க்கப்படுவர். இரண்டாம் கட்ட மாணவர் சேர்க்கை திங்கள்கிழமை (அக்.12) தொடங்கியுள்ள நிலையில், தற்போது செவ்வாய்க்கிழமை வரையில் 11 பேர் மட்டுமே விண்ணப்பித்திருப்பதும் தெரியவந்துள்ளது.

 

எல்கேஜியில் சேர கடந்த ஜூலையில் 3 வயது முடிவடைந்தும், ஒன்றாம் வகுப்பில் சேர கடந்த ஜூலையில் 5 வயது நிரம்பியவராகவும் இருத்தல் அவசியம். மாவட்ட முதன்மைக் கல்வி மற்றும் வட்டாரக் கல்வி அலுவலகங்களிலும் வட்டார வளமையத்திலும் இணையதளம் வாயிலாக விண்ணப்பங்கள் பதிவிறக்கம் செய்யப்பட்டு, வரும் நவம்பர் 15 ஆம் தேதிக்குள் விண்ணப்பிக்கலாம் என மாவட்ட முதன்மைக் கல்வி அலுவலகத் தரப்பில் கூறப்பட்டுள்ளது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

தற்காலிக பட்டாசுக் கடை அமைக்க உரிமம் பெற அக்-23க்குள் விண்ணப்பிக்கலாம்!!

No comments :

தீபாவளிப் பண்டிகைக்காக ராமநாதபுரம் மாவட்டத்தில் தற்காலிக பட்டாசுக் கடை அமைக்க உரிமம் பெறுவதற்கு வரும் 23 ஆம் தேதிக்குள் விண்ணப்பிக்கலாம் என அறிவிக்கப்பட்டுள்ளது.

 

இதுகுறித்து ராமநாதபுரம் மாவட்ட ஆட்சியர் அலுவலகம் சார்பில் வெளியிடப்பட்ட செய்திக்குறிப்பு:

 

வரும் நவம்பர் 14 ஆம் தேதி தீபாவளி பண்டிகை கொண்டாடப்பட உள்ளது. எனவே ராமநாதபுரம் மாவட்டத்தில் தற்காலிகப் பட்டாசு விற்பனை கடைகள் வைக்க உரிமம் பெற விரும்புவோர் மாவட்ட வருவாய் அலுவலரிடம் விண்ணப்பிக்க வேண்டும்.

 


விண்ணப்பம் செய்வோர் வெடிபொருள் சட்டம், விதிகளை முறையாகக் கடைப்பிடித்து பொதுமக்களுக்கு இடையூறு இல்லாமல் பாதுகாப்பான இடத்தைத் தேர்வு செய்து ஆட்சேபணை இல்லாத இடத்திற்கு மட்டும் விண்ணப்பிக்க வேண்டும்.

 

விண்ணப்பிக்கும் போது விண்ணப்பங்களின் பிரதிகள்-5,

கடையின் வரைபடம், மனுதாரரின் மார்பளவு வண்ண புகைப்படங்கள்-2,

மனுதாரர் உரிமம் கோரும் இடத்தின் உரிமையாளராக இருப்பின் அதற்கான ஆவணங்கள் மற்றும்

நடப்பு நிதியாண்டில் வீட்டு வரி ரசீது செலுத்தியதற்கான நகல் ஆகியவற்றை இணைக்க வேண்டும்.

 

பட்டாசுக் கடை வைக்க உரிமம் கோரும் இடம் வாடகை கட்டடம் எனில், இடத்தின் பத்திர நகல் மற்றும்

வீட்டு வரி செலுத்திய ரசீது நகலுடன் கட்டட உரிமையாளரிடம் ரூ. 20-க்கான முத்திரைத் தாளில் பெறப்பட்ட அசல் வாடகை ஒப்பந்தப் பத்திரம் மற்றும்

உரிய கணக்குத் தலைப்பின் கீழ் அரசுக் கணக்கில் பாரத ஸ்டேட் வங்கியில் உரிமக் கட்டணம் செலுத்தியதற்கான அசல் ரசீது

ஆகியவற்றை இணைத்து விண்ணப்பிக்க வேண்டும்.

 

விண்ணப்பங்கள் வரும் 23 ஆம் தேதி மாலைக்குள் பரிசீலிக்கப்பட்டு தகுதியான விண்ணப்பதாரர்களுக்கு வரும் நவம்பர் 1 ஆம் தேதிக்குள் பட்டாசு விற்பனை செய்ய உரிமம் வழங்கப்படும் என அதில் குறிப்பிடப்பட்டுள்ளது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Thursday, October 8, 2020

வேலைவாய்ப்பற்ற இளைஞா்களுக்கான உதவித் தொகை!!

No comments :

வேலைவாய்ப்பற்ற இளைஞா்களுக்கான உதவித் தொகை திட்ட ஆவணங்களை சமா்ப்பிக்க கால அவகாசம் மீண்டும் நீட்டிக்கப்பட்டுள்ளதாக அறிவிக்கப்பட்டுள்ளது.

 

இது குறித்து மாவட்ட ஆட்சியா் கொ.வீரராகவராவ் விடுத்துள்ள செய்திக்குறிப்பு:

 


தமிழக அரசின் வேலைவாய்ப்பற்றோருக்கான உதவித்தொகை திட்டத்தில் பயன்பெறுவோா் ஆண்டு தோறும் பணியில் இல்லை என தெரிவிக்கும் சுய உறுதி மொழி ஆவணம் சமா்ப்பிப்பது அவசியம். கரோனா பரவல் பொதுமுடக்கம் காரணமாகக் கடந்த மாா்ச் இறுதி முதல் வேலைவாய்ப்பற்றோருக்கான உதவித்தொகை பெற்றுவரும் பயனாளிகள் சுயஉறுதி மொழி ஆவணத்தை அளிக்கமுடியவில்லை.

 

அதனால், சுயஉறுதி மொழி ஆவணம் சமா்ப்பிக்க கடந்த ஆகஸ்ட் வரை 3 மாதத்திற்கு ஏற்கெனவே கால நீட்டிப்பு வழங்கப்பட்டது. தற்போது சுய உறுதிமொழி ஆவணம் வழங்குவதற்கு செப்டம்பா் (2020) முதல் பிப்ரவரி (2021) வரை மேலும் 6 மாத காலத்திற்கு கால நீட்டிப்பு அவகாசம் வழங்கி தமிழக அரசு உத்தரவிட்டுள்ளது.

 

ஆகவே, சுயஉறுதிமொழி ஆவணத்தை தபால் மூலமாகவோ அல்லது நேரிலோ சமா்ப்பிக்கலாம் எனத் தெரிவிக்கப்பட்டுள்ளது.

(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Wednesday, October 7, 2020

காரில் கடத்திய 288 மது பாட்டில்கள் பறிமுதல்: 2 போ் கைது!!

No comments :


ராமநாதபுரத்தில் வாகனச் சோதனையின்போது காரில் கடத்திவரப்பட்ட 288 மதுப்பாட்டில்களை போலீஸாா் செவ்வாய்க்கிழமை பறிமுதல் செய்து 2 பேரைக் கைது செய்தனா்.

 

ராமநாதபுரம் அருகேயுள்ள திருப்புல்லாணி-ஏா்வாடி சாலையில் போலீஸாா் செவ்வாய்க்கிழமை மாலை வாகனச் சோனையில் ஈடுபட்டிருந்தனா். அப்போது வேகமாக வந்த காரை நிறுத்தி போலீஸாா் சோதனையிட்டனா். 



அப்போது, காரில் மதுப்பாட்டில்கள் கடத்தி வரப்பட்டது தெரியவந்தது. இதையடுத்து 288 மதுப்பாட்டில்களை பறிமுதல் செய்த போலீஸாா், காரில் வந்த புதுமாயாகுளத்தைச் சோ்ந்த சக்திவேல் (40), முத்துகுமாா் (31) ஆகியோரை கைது செய்தனா்.

 

இதனால், திருப்புல்லாணி காவல் நிலைய காவலா் செய்யது அல்பானை, மாவட்டக் காவல் கண்காணிப்பாளா் இ.காா்த்திக் பாராட்டி வாழ்த்தி பரிசளித்தாா்.

 

செய்தி: தினமணி


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Tuesday, October 6, 2020

ராமநாதபுரம் மாவட்டத்தில் கொரோனா குறைகிறது, மக்கள் மகிழ்ச்சி!!

No comments :

ராமநாதபுரம் மாவட்டத்தில் கொரோனா பாதிப்பு செப்டம்பர் முதல் குறைந்து தற்போது ஒற்றை இலக்கத்திற்கு வந்துள்ளது.

 

 

ராமநாதபுரம் மாவட்டத்தில் மே, ஜூன், ஜூலையில் கொரோனா பாதிப்பு அதிகரித்தது. தற்போது பாதிப்பு எண்ணிக்கை படிப்படியாக குறைந்து டிஸ்சார்ஜ் எண்ணிக்கை அதிகரித்தது.சுகாதாரத்துறை அதிகாரிகளின் துரித நடவடிக்கைகளால் தற்போதைய நிலையில் தொற்று எண்ணிக்கை பத்துக்கும் குறைவாக உள்ளது.


மாவட்டத்தில் இதுவரை 5629 பேர் பாதிக்கப்பட்டதில் 5346 பேர் குணமடைந்துள்ளனர். 120 பேர் பலியாகினர். ராமநாதபுரம் அரசு மருத்துவக்கல்லுாரி மருத்துவமனை கொரோனா வார்டில் 14 பேர் மட்டுமே சிகிச்சையில் உள்ளனர்.

 


 

ராமநாதபுரம் சுகாதாரப் பணிகள் துணை இயக்குனர் செந்தில்குமார் கூறியதாவது:மாவட்டத்தில் அரசு மருத்துவமனைகள், அனைத்து ஆரம்ப சுகாதார நிலையங்கள், 11 ஒன்றியங்களில் தலா இரண்டு வீதம் 22 நடமாடும் பரிசோதனை முகாம் மூலம் தினமும் 850 முதல் 900 பேருக்கு கொரோனா பரிசோதனை செய்யப்படுகிறது.இதில் ஒற்றை இலக்கத்தில் தொற்று பாதித்தோர் எண்ணிக்கை உள்ளது. 


மாவட்டத்தில் கொரோனா பரவல் தற்போது கட்டுக்குள் உள்ளது.ராமேஸ்வரம் கோயிலுக்கு வரும் வெளிநாட்டு பக்தர்களுக்கு அங்குள்ள சோதனை சாவடியில் மருத்துவக் குழுவினர் கொரோனா பரிசோதனை செய்கின்றனர். தினமும் குறைந்தது 40 பரிசோதனை நடக்கிறது, என்றார்.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Thursday, October 1, 2020

நாளை அக்-2 முதல் சென்னை-ராமேஸ்வரம் சேது எக்ஸ்பிரஸ் ரயில் போக்குவரத்து!!

No comments :

ராமேஸ்வரம்- சென்னை இடையே 6 மாதத்திற்கு பின் அக்.,2ல் சேது எக்ஸ்பிரஸ் ரயில் போக்குவரத்து துவங்க உள்ளது.


மார்ச் 24ல் துவங்கிய ஊரடங்கினால் ரயில், பஸ் போக்குவரத்து முடங்கியது. செப்.,1 முதல் பொது போக்குவரத்து துவங்கியும், ராமேஸ்வரத்திற்கு ரயில் சேவை இல்லை.இந்நிலையில் 6 மாதத்திற்கு பின் ராமேஸ்வரம், சென்னை இடையே அக்., 2 முதல் 5ம் தேதி வரை சேது எக்ஸ்பிரஸ் ரயில் இயக்கப்பட உள்ளது. 



இந்த ரயில் அக்.,2 ல் சென்னை எழும்பூரில் மாலை 5:45க்கு புறப்பட்டு விழுப்புரம், திருச்சி, மானாமதுரை, பரமக்குடி, ராமநாதபுரம் வழியாக அக்.,3 அதிகாலை 4:25க்கு ராமேஸ்வரம் வந்து சேரும்.

 

 

அக்.,3 இரவு 8:25க்கு ராமேஸ்வரத்தில் இருந்து புறப்பட்டு சென்னைக்கு அக்.,4 காலை 7:15க்கு சேரும் என தென்னக ரயில்வே தெரிவித்துஉள்ளது. இதனையடுத்து நேற்று பாம்பன் பாலத்தில் ரயில் இன்ஜின் சோதனை ஓட்டம் நடந்தது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

ராமநாதபுரம்-கீழக்கரை மேம்பால பணி போக்குவரத்தை மாற்றம் செய்ய திட்டம்!!

No comments :

ராமநாதபுரம்-கீழக்கரை சாலையில் ரெயில்வே கேட் பகுதியில் போக்குவரத்து நெருக்கடியை சமாளிக்க புதிய சாலை மேம்பாலம் அமைக்க கடந்த 2018-ம் ஆண்டு அக்டோபர் மாதம் அடிக்கல் நாட்டி பணிகள் தொடங்கப்பட்டது. நெடுஞ்சாலை துறையின் மூலம் ரெயில்வே சாலை மேம்பாலம் அமைக்க நிலம் கையகப்படுத்த ரூ.5 கோடியே 14 லட்சம், கட்டுமானப் பணிகளுக்கு தொழில்நுட்ப அங்கீகாரமாக ரூ.25 கோடியே 60 லட்சம் நிதி ஒதுக்கீடு செய்யப்பட்டுள்ளது. இந்த மேம்பாலமானது, மொத்தம் 720 மீட்டர் நீளத்திலும், 12 மீட்டர் அகலத்திலும் அமைக்கப்படுகிறது.

 

தற்போது தேசிய நெடுஞ்சாலை பகுதியில் 7 தூண்களுடன் மேம்பாலம் அமைக்கும் பணிகள் நடைபெற உள்ளது. இந்த பணிகள் நடைபெற தொடங்கினால் அந்த வழியாக வாகனங்கள் செல்ல முடியாத நிலை ஏற்படும்.இதன்காரணமாக வாகனங்களை மாற்றுவழியில் திருப்பி விடுவது குறித்து மாவட்ட நிர்வாகம் ஆய்வு மேற்கொண்டு வருகிறது. ராமநாதபுரம் பஸ் நிலையத்தில் இருந்து ராமேசுவரம், தூத்துக்குடி உள்ளிட்ட பகுதிகளுக்கு சென்று திரும்பி வரும் புறநகர் பஸ்களை பட்டணம்காத்தான் கிழக்கு கடற்கரை சாலை வழியாக சென்று தேவிபட்டினம் விலக்கு வழியாக பேராவூர் சாலையில் வந்து புதிய பஸ்நிலையத்தை அடையும் வகையில் மாற்றிவிட முடிவு செய்யப்பட்டுள்ளது.

 


இதே மார்க்கமாக இருவழிகளிலும் சென்றுவரும் வகையில் ஏற்பாடு செய்யப்பட்டுள்ளது. இதுதவிர டவுன் பஸ்கள் சென்றுவருவதற்கு மாற்றுவழி குறித்து மாவட்ட கலெக்டர் வீரராகவராவ் போக்குவரத்து மற்றும் நெடுஞ்சாலைத்துறை, வட்டார போக்குவரத்து அலுவலக அதிகாரிகளுடன் தீவிர ஆலோசனை மேற்கொண்டு வருகிறார்.

 

நகர் பஸ்கள் பழைய பஸ் நிலையம், குமரையாகோவில், பாரதிநகர், கலெக்டர் அலுவலகம், பட்டணம்காத்தான் பகுதிகளுக்கு சென்றுவர வேண்டிய நிலை உள்ளதால் அதற்கேற்ப வழித்தடங்களை மாற்றிஅமைக்க ஆய்வு மேற்கொள்ளப்பட்டுள்ளது. கேணிக்கரையில் இருந்து செட்டியதெரு, அரண்மனை சாலை வழியாகவும், புதிய பஸ் நிலையத்தில் இருந்து சின்னக்கடை சாலை வழியாக குமரையா கோவில் விலக்கு பகுதிக்கு சென்றுவருவது உள்ளிட்ட பல வழித்தடங்கள் ஆய்வு செய்யப்பட்டு வருகிறது.

 

40 முதல் 50 நாட்களில் மேம்பால தூண்கள் அமைக்கப்படும் என்றும் அதன்பின் மேற்பகுதியில் மட்டுமே வேலை நடக்கும் என்பதால் கீழே சாலையில் அந்த வழியாக வாகனங்கள் செல்வதற்கு ஏற்பாடு செய்யப்படும் என்றும் கூறப்படுகிறது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Tuesday, September 29, 2020

ராமநாதபுரம் மாவட்டத்தில் முழுமையாக பஸ்களை இயக்குவது எப்போது?!!

No comments :

 ராமநாதபுரம் மாவட்டத்தில் 70 சதவீதத்திற்கும் குறைவான அரசு பஸ்கள் இயக்கப்படுவதால் மக்கள்நெரிசலில் அவதிப்படுகின்றனர்.

 

 

முழுமையாக பஸ்களை இயக்குவது எப்போது, என்ற கேள்வி எழுந்துள்ளது.கொரோனா ஊரடங்கு விதிமுறை முழுமையாக தளர்த்தப்படவில்லை. பொதுமக்களின் நலன் கருதி அரசு பஸ்கள் செப்.,1 முதல் இயக்கப்படுகின் றன. ஆனால் இன்னும் ஏராளமான கிராமங்களுக்கு பஸ் போக்குவரத்து துவங்கவில்லை. நகர் பகுதிகளிலும் 70 சதவீதத்திற்கும் குறைவான பஸ்களே இயக்கப்படுகின்றன.

 

 

மக்கள் பஸ்சுக்காக காத்துஇருக்கும் நிலை உள்ளது. அலுவலக வேலை நேரங்களிலும் குறைவான பஸ்களே இயக்கப்படுவதால் பயணிகள் சமூக இடைவெளியை கடைபிடிக்க முடியாத நிலை ஏற்படுகிறது. குறைவான பஸ்களே இயக்கப்படுவதால் பல ஊர்களுக்கு செல்லும் பஸ்களில் நெரிசலில் மக்கள் பயணிக்கின்றனர். இதனால் கொரோனா தொற்று பரவும் அபாயம் உள்ளது.ராமநாதபுரம் மாவட்டத்தில் கொரோனாவுக்கு முன்பு 120 டவுன் பஸ்கள் உட்பட 323 அரசு பஸ்கள்பல்வேறு வழித்தடங்களில் இயக்கப்பட்டன.

 


 

மதுரை உள்ளிட்ட வெளி மாவட்டங்களில் இருந்து மாவட்டத்திற்குள் 100 பஸ்கள் வரை இயக்கப்பட்டன. இதன்படி 423 பஸ்கள் இயக்கப்பட்டதில் தற்போது 296க்கும் குறைவான பஸ்களே இயக்கப்படுகின்றன.ராமநாதபுரம் அரசு போக்குவரத்து கழக கோட்ட மேலாளர் நலங்கிள்ளியிடம் கேட்ட போது, கொரோனா பரவலை தடுக்க அரசு உத்தரவின்பேரில் தற்போது 70 சதவீதம் பஸ்கள் இயக்கப்படுகின்றன.

 

 

அக்.1 முதல் பள்ளிகள் திறக்கப்பட்டால் 80 சதவீதம் பஸ்களை இயக்க முடிவு செய்யப்பட்டுள்ளது.கிராமங்களில் மக்கள் டூவீலர் பயணத்திற்கு மாறியுள்ளனர். பஸ்களை இயக்க கோரிக்கை விடுத்தால் இயக்குகிறோம்.பொதுவாக இரவு 7:00 மணிக்கு மேல் மக்கள் வெளியூர் செல்வதை தற்போது விரும்புவதில்லை. இதனால் இரவு நேர பஸ் இயக்கம் குறைக்கப்பட்டுஉள்ளது. இயல்பு நிலை வரும் வரை இந்த நிலை தொடரும், என்றார்.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Monday, September 28, 2020

ராமநாதபுரம் கல்வி அலுவலக அதிகாரி உள்பட 5 பேர் கைது; போலி நியமன சான்றிதழ் மூலம் பணியில் சேர்ந்த வழக்கு!!

No comments :

தமிழகத்தில் பள்ளிக் கல்வித்துறையில் காலியாக உள்ள இளநிலை உதவியாளர் பணியிடங்கள் குரூப்-4 தேர்வு மூலம் நிரப்பப்பட்டன. ராமநாதபுரம் மாவட்டத்தில் காலியாக உள்ள 41 பணியிடங்களை நிரப்புவதற்கு கலந்தாய்வு நடத்தப்பட்டதில் 37 பணியிடங்கள் நிரப்பப்பட்டன. மீதம் உள்ள 4 பணியிடங்கள் காலியாக உள்ளன. இந்த நிலையில் ராமநாதபுரம் மாவட்டம் சிக்கல் அரசு மேல்நிலைப்பள்ளியில் காலியாக உள்ள 2 இளநிலை உதவியாளர் பணியிடங்களுக்கு சிவகங்கையை சேர்ந்த பெண் ஒருவர் மட்டுமே தேர்வாகி பணியில் சேர்ந்துள்ளார். மீதம் உள்ள ஒரு பணியிடம் அந்த பள்ளியில் காலியாக இருந்தது.



இந்த சூழ்நிலையில் ராமநாதபுரம் சூரங்கோட்டை வலம்புரி நகரை சேர்ந்த தர்மராஜ் மகன் ராஜேஷ் (வயது 32) மேற்கண்ட பணிக்கு தான் தேர்வாகி உள்ளதாக கூறி மாவட்ட முதன்மை கல்வி அலுவலர் கையெழுத்துடன் கூடிய பணி நியமன ஆணையை கொண்டு வந்து சிக்கல் அரசு மேல்நிலை பள்ளியில் பணியில் சேர்ந்துள்ளார். அந்த பணிநியமன ஆணை சான்றிதழின் மேல் தலைமை ஆசிரியருக்கு சந்தேகம் ஏற்பட்டு விசாரித்து பார்த்தபோது அது போலியான உத்தரவு என்பது தெரிந்தது. இதுபற்றி தகவல் அறிந்த ராமநாதபுரம் மாவட்ட முதன்மை கல்வி அலுவலர் புகழேந்தி ராமநாதபுரம் போலீஸ் சூப்பிரண்டு கார்த்திக் கிடம் புகார் செய்தார்.

திடுக்கிடும் தகவல்கள்

அவரது உத்தரவின்பேரில் மாவட்ட குற்றப்பிரிவு துணை போலீஸ் சூப்பிரண்டு திருமலை வழக்குப்பதிவு செய்து தீவிர விசாரணை நடத்தினார். இந்த விசாரணையில் பல திடுக்கிடும் தகவல்கள் வெளியாகி உள்ளன. இளநிலை உதவியாளர் பணியிடத்துக்கு பலரிடம் ரூ.5 லட்சம் வீதம் பணம் வாங்கி கொண்டு போலி நியமன ஆணை வழங்கி உள்ளது தெரிய வந்தது. முதன்மை கல்வி அலுவலக இருக்கை பணி கண்காணிப்பாளராக பணியாற்றி வந்த ராமநாதபுரம் பெரியார் நகரில் வசித்து வரும் குருந்தலிங்கம் மகன் கண்ணன் (47) என்பவர் இந்த மோசடிக்கு மூளையாக இருந்து செயல்பட்டது தெரிய வந்தது.


இவர் முதன்மை கல்வி அலுவலர் மூலம் வழங்கப்பட்ட பணி நியமன ஆணையை கலர் ஜெராக்ஸ் எடுத்து அதில் பெயரை மாற்றி வேலைக்காக காத்திருந்தவர்களிடம் தலா ரூ.5 லட்சம் வரை பெற்றுக்கொண்டு பணி நியமன ஆணைகளை வழங்கி உள்ளார். இந்த மோசடிக்கு ராமநாதபுரம் மாவட்டம் பரமக்குடி யூனியன் அலுவலக உதவியாளர் எஸ்.காவனூரை சேர்ந்த முத்து மகன் கேசவன் (45) உடந்தையாக இருந்து அவரும் 2 பேரை வேலைக்கு சேர்த்துவிட்டுள்ளார்.

இவர்கள் மூலம் மேற்கண்ட ராஜேஷ் மற்றும் பரமக்குடி அண்ணாநகரை சேர்ந்த கலைவானன் (26), பரமக்குடி பாரதிநகர் சாத்தையா மகன் சதீஷ்குமார் (33), மண்டபத்தை சேர்ந்த ராமநாதபுரம் பாரதிநகரில் வசித்து வரும் மனோஜ் ஆகியோர் தலா ரூ.5 லட்சம் கொடுத்து பணி நியமன ஆணை பெற்றுள்ளனர். பெரிய அளவில் நடந்துள்ள இந்த மோசடியை தொடர்ந்து போலீசார் முதன்மை கல்வி அலுவலக கண்காணிப்பாளர் கண்ணன், பரமக்குடி யூனியன் அலுவலக உதவியாளர் கேசவன், ராஜேஷ், சதீஷ்குமார், கலைவாணன் ஆகிய 5 பேரை கைது செய்தனர். தலைமறைவாக உள்ள மனோஜை போலீசார் தேடிவருகின்றனர்.

ஒப்புகை சான்று

இந்த மோசடி தொடர்பாக மாவட்ட குற்றப்பிரிவு போலீசார் முதன்மை கல்வி அலுவலகத்திற்கு சென்று விசாரித்தபோது மேற்படி கண்காணிப்பாளர் கண்ணன் எதுவுமே தெரியாததுபோன்று விசாரணைக்கு ஒத்துழைத்து உரிய ஆவணங்களை வழங்கி நல்லவர் போல நடித்துள்ளார். இதனால் அவர் மீது போலீசாருக்கு எந்த சந்தேகமும் ஏற்படவில்லை. இதன்பின்னர் சிக்கல் அரசு மேல்நிலைப்பள்ளி ஆசிரியர்களிடம் விசாரித்தபோது கண்ணன் வசமாக சிக்கி கொண்டுள்ளார்.

பரபரப்பு

பணியில் சேர்ந்த அனைவரின் பட்டியலையும் பரிசோதித்தபோதுதான் மேற்கண்ட 4 பேரும் மோசடியாக சேர்ந்துள்ளது தெரியவந்தது. போலி பணி நியமன சான்றிதழ் கொடுத்து பணியில் சேர்ந்ததால் சம்பளம் போடுவது, பணியாளர் பதிவேடு தயார் செய்தல், வருகை பதிவேடு உள்ளிட்டவற்றில் சிக்கி கொள்வோம் என்ற அடிப்படை தகவல் அறிந்தும் முதன்மை கல்வி அலுவலக கண்காணிப்பாளர் துணிச்சலுடன் இந்த மோசடியில் ஈடுபட்டுள்ளதுதான் கல்வித்துறை அலுவலர்கள் மட்டுமல்லாது அனைத்து அரசு அலுவலர்கள் மத்தியில் பரபரப்பாக பேசப்பட்டு வருகிறது.

தமிழகத்தில் கடந்த சில மாதங்களுக்கு முன்பு டி.என்.பி.எஸ்.சி. தேர்வில் முறைகேடு நடந்து பெரும் பரபரப்பு ஏற்பட்ட நிலையில் தற்போது இளநிலை உதவியாளர் பணிநியமனத்திலும் ராமநாதபுரம் மாவட்டத்தில் முறைகேடு நடந்துள்ளது பெரும் பரபரப்பை ஏற்படுத்தி உள்ளது.


செய்தி: தினத்தந்தி


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Thursday, September 24, 2020

கீழக்கரையை சேர்ந்த பெண் சென்னை உயர்நீதிமன்றத்தில் வழக்கறிஞராக பதிவு பெற்றார்!!

No comments :

ராமநாதபுரம் மாவட்டம் கீழக்கரையை சேர்ந்த பெண் சென்னை உயர்நீதிமன்றத்தில் வழக்கறிஞராக பதிவு பெற்றார்.

 

கீழக்கரை பழைய கொத்துபா பள்ளி தெருவை சேர்ந்த M.நாதியா ஹனிபா தனது சட்ட படிப்பை முடித்து சென்னை உயர்நீதிமன்றத்தில் இன்று கானொளி மூலம் தன்னை   வழக்கறிஞராக பதிவு செய்தார்.

 


இவர் தாஸிம் பீவி மகளிர் கல்லூரியில் B.Sc.,(IT) யும், முகம்மது சதக் கல்லூரியில் MBA யும், கர்நாடக சட்ட  பல்கலைக்கழகத்தில் LLB யும் படித்துள்ளார்.

 

சகோதரிக்கு நம் முகவை முரசு சார்பாக வாழ்த்துக்களை தெரிவித்து கொள்கிறோம்.

 

செய்தி; நஸ்ருதீன், கீழை


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Sunday, September 20, 2020

மன்னார் வளைகுடா கடல் பகுதியில் பலத்த காற்று; கடல் சீற்றம்; மீனவர்கள் மீன்பிடிக்க செல்ல தடை!!

No comments :

தமிழகத்தில் சில மாவட்டங்களில் 2 நாட்களுக்கு மழை பெய்யும் எனவும், குறிப்பாக மன்னார் வளைகுடா கடல் பகுதியில் பலத்த காற்று வீசுவதோடு கடல் சீற்றமாக இருக்கும் எனவும் வானிலை ஆய்வு மையம் எச்சரித்து இருந்தது.

  


இந்த நிலையில் ராமேசுவரம் மற்றும் பாம்பன் பகுதியில் நேற்று காலை முதலே பலத்த காற்று வீசியது. இதுபோல் தனுஷ்கோடி பகுதியிலும் பலத்த காற்று வீசுவதுடன் கடல் சீற்றமாகவே காணப்பட்டு வருகிறது. எனவே மறு அறிவிப்பு வரும் வரை மன்னார் வளைகுடா கடல் பகுதியில் விசைப்படகு மற்றும் நாட்டுப்படகு மீனவர்கள் மீன்பிடிக்க செல்ல மீன் துறை அதிகாரிகளால் தடை விதிக்கப்பட்டுள்ளது.

 

இதனிடையே பலத்த காற்று காரணமாக பாம்பன் வடக்கு கடல் பகுதியில் நங்கூரமிட்டு நிறுத்தி இருந்த ஒரு மீன்பிடி விசைப்படகின் நங்கூர கயிறு அறுந்து கரையோரம் உள்ள கடல் பகுதியில் தரைதட்டிய நிலையில் நின்றது. அந்த படகை மீட்டு ஆழமான கடல் பகுதிக்கு கொண்டு சென்ற மீனவர்கள் நங்கூரமிட்டு பாதுகாப்பாக நிறுத்தி வைத்தனர்.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Tuesday, September 8, 2020

ராமநாதபுரம் மாவட்டத்தில் சிறப்பாக பணியாற்றிய 12 ஆசிரியர்களுக்கு நல்லாசிரியர் விருது!!

No comments :

ராமநாதபுரம் கலெக்டர் அலுவலக கூட்ட அரங்கில் பள்ளிக்கல்வித் துறையின் சார்பாக நடைபெற்ற விழாவில் கலெக்டர் வீரராகவராவ் மாவட்டத்தில் சிறப்பாக பணியாற்றிய 12 ஆசிரியர்களுக்கு 2020-ம் ஆண்டிற்கான டாக்டர் ராதாகிருஷ்ணன் விருதினை வழங்கி பாராட்டினார்.

 

தொடர்ந்து விழாவில் கலெக்டர் வீரராகவராவ் பேசியதாவது:-

 

மாணவ, மாணவிகள் தங்களது பெற்றோருக்கு அடுத்தபடியாக ஆசிரியர்களிடமே அதிக நேரம் செலவிடுகின்றனர். குழந்தைகளின் வளர்ச்சியில் ஆசிரியர்களின் பங்கு மிக முக்கியமானது.

 


ராமநாதபுரம் மாவட்டத்தில் சிறப்பாக பணியாற்றிய 12 ஆசிரியர்களுக்கு 2020-ஆம் ஆண்டிற்கான டாக்டர் ராதாகிருஷ்ணன் விருது வழங்கப்படுகிறது. இவ்விருதானது ஒவ்வொரு ஆசியர்களின் கனவு விருதாகும். நடப்பாண்டில் இவ்விருது பெறும் அனைத்து ஆசிரியர்களுக்கும் எனது மனமார்ந்த வாழ்த்துக்களையும், பாராட்டுக்களையும் தெரிவித்துக் கொள்கிறேன். இவ்வாறு அவர் பேசினார்.

 

விழாவில், நவாஸ்கனி எம்.பி., மணிகண்டன் எம்.எல்.ஏ., மாவட்ட ஊராட்சித் தலைவர் திசைவீரன், மாவட்ட முதன்மை கல்வி அலுவலர் புகழேந்தி, மண்டபம் ஊராட்சி ஒன்றியக்குழுத் தலைவர் சுப்புலட்சுமி ஜீவானந்தம், அரசுத் தேர்வுகள் உதவி இயக்குனர் திருமதி கல்பனாத்ராய், மாவட்ட கல்வி அலுவலர்கள் முத்துச்சாமி, கருணாநிதி, முருகம்மாள் உள்பட அரசு அலுவலர்கள், ஆசிரியர்கள் கலந்து கொண்டனர்.

செய்தி: தினத்தந்தி


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Tuesday, September 1, 2020

ராமநாதபுரம் மாவட்டத்தில் இன்று முதல் சுமார் 120 பேருந்துகள் இயக்கப்படவுள்ளன!!

No comments :

ராமநாதபுரம் மாவட்டத்தில் செவ்வாய்க்கிழமை முதல் சுமார் 120 பேருந்துகள் இயக்கப்படவுள்ளதாக போக்குவரத்துத் துறை அதிகாரிகள் தெரிவித்துள்ளனர்.

 

ராமநாதபுரத்தில் கரோனா பரவல் தடுப்பு நடவடிக்கையாக கடந்த மார்ச் 24 ஆம் தேதி முதல் பொது முடக்கம் அறிவிக்கப்பட்டது. இதையடுத்து போக்குவரத்தும் தடை செய்யப்பட்டது. கடந்த மே மாதம் மீண்டும் உள்ளூர் போக்குவரத்து அனுமதிக்கப்பட்டு, அதையடுத்து வெளிமாவட்ட போக்குவரத்தும் மண்டல அளவில் தொடங்கியது. இதன் பின்னர் கரோனா தீநுண்மித் தொற்று பரவல் அதிகரித்ததால் மீண்டும் போக்குவரத்துக்கு அரசு தடை விதித்தது.

 


தற்போது உள்ளூர் போக்குவரத்துக்கு அரசு மீண்டும் அனுமதியளித்துள்ளது. இதைத்தொடர்ந்து ராமநாதபுரம் மாவட்டத்தில் செப்டம்பர் 1 ஆம் தேதி முதல் 120 அரசுப் பேருந்துகள் இயக்கப்படவுள்ளதாகக் கூறப்படுகிறது. முகக்கவசம் அணிந்து வரும் பயணிகள் மட்டுமே பேருந்தில் செல்ல அனுமதிக்கப்படுவர் என போக்குவரத்துக்கழக மண்டல மேலாளர்கள் அலுவலகத் தரப்பில் தெரிவிக்கப்பட்டுள்ளது.

 

மேலும் பயணிகள் பேருந்துக்குள் ஏறுவதற்கு முன்னர் நடத்துனர் தரும் கிருமிநாசினி கொண்டு கைகளை சுத்தம் செய்ய வேண்டும். நடத்துநர்கள் தெர்மாமீட்டர் மூலம் பயணிகளின் உடல் வெப்பநிலை பரிசோதிக்க வேண்டும். பயணிகள் பேருந்துக்குள் அனுமதிக்கப்படும் முன்பு கிருமிநாசினி தெளித்து பேருந்தை சுத்தப்படுத்த வேண்டும் என அறிவுறுத்தப்பட்டுள்ளது.

 

பேருந்து நிலையங்கள், நிறுத்தங்களை தூய்மைப்படுத்தும் பணியும் திங்கள்கிழமை தொடங்கியது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Thursday, August 27, 2020

ராமநாதபுரம் அரசு மருத்துவமனையில் ரூ.2.10 கோடி மதிப்பில் புதிதாக 70 வெண்டிலேட்டர்கள்!!

No comments :

ராமநாதபுரம் மாவட்ட அரசு தலைமை மருத்துவமனையில் கரோனா நோயாளிகளுக்கு சிகிச்சை அளிப்பதற்காக ரூ.2.10 கோடி மதிப்பில் 70 செயற்கை சுவாச சாதனங்கள் (வெண்டிலேட்டர்கள்) புதிதாக வாங்கப்பட்டுள்ளதாக அரசு மருத்துவக் கல்லூரி மருத்துவமனை முதன்மையர் எம். அல்லி புதன்கிழமை தெரிவித்தார்.

 

ராமநாதபுரம் மாவட்ட அரசு தலைமை மருத்துவமனை உள்கட்டமைப்புப் பணிகள் மேற்கொள்ளப்பட்டு அரசு மருத்துவக் கல்லூரி மருத்துவமனையாக தரம் உயர்த்தப்பட்டது. இங்கு, கடந்த ஏப்ரல் மாதம் வரை 18 செயற்கை சுவாச சாதனங்களே இருந்தன. தீவிர சிகிச்சைப் பிரிவு, ரத்த சுத்திகரிப்புப் பிரிவு, பிரசவ சிகிச்சைப் பிரிவு மற்றும் அறுவைச் சிகிச்சைப் பிரிவுகளில் மட்டுமே இந்த சாதனங்கள் இருந்தன. அதன்பிறகு கரோனா தொற்று பரவலால் நோயாளிகளின் எண்ணிக்கை அதிகரித்த நிலையில், ராமநாதபுரம் மாவட்ட அரசு மருத்துவமனையில் கூடுதல் செயற்கை சுவாச சாதனங்கள் அமைக்கும் கட்டாயம் ஏற்பட்டுள்ளது.

 


இதுகுறித்து ராமநாதபுரம் அரசு மருத்துவக் கல்லூரி மருத்துவமனை முதன்மையர் எம். அல்லி புதன்கிழமை கூறியது:

 

மருத்துவமனைக்கு தற்போது புதிதாக 70 செயற்கை சுவாச சாதனங்கள் வாங்கப்பட்டுள்ளன. இதில், 15 சிறப்பு சாதனங்களாகும். இந்த செயற்கை சுவாச சாதனங்கள் மூலம் கரோனா நோயாளிகளுக்கான சுவாச வாயுவை விரைந்து வழங்கி, சிகிச்சை அளிக்கலாம். சாதாரணமான நோயாளிகளுக்கு மணிக்கு 5 லிட்டர் முதல் 5 லிட்டர் வரையில் (ஆக்ஸிஜன்) சுவாசக் காற்று தேவைப்படும். கரோனா தீவிரமாக பாதித்தவர்களுக்கு மணிக்கு 15 லிட்டர் முதல் 20 லிட்டர் வரையில் சுவாசக் காற்று தேவைப்படும். இத்தகைய தீவிர கரோனா நோயாளிகளுக்கு சிறப்பு சாதனங்கள் மூலமே சுவாசம் அளிக்க முடியும் என்பதால், அத்தகைய சிறப்பு வசதி மிக்க சாதனங்கள் அமைக்கப்பட்டுள்ளன. இந்த செயற்கை சுவாச கருவிகள் ஒவ்வொன்றும் தலா ரூ.3 லட்சம் மதிப்புடையவை. அரசு மருத்துவமனையில் தினமும் 500- க்கும் மேற்பட்டோருக்கு கரோனா பரிசோதனை மேற்கொள்ளப்படுகிறது. கடந்த ஏப்ரல் முதல் ஜூலை வரை கரோனா தொற்றால் பாதிக்கப்பட்ட 1,580 பேருக்கு இங்கு சிகிச்சை அளிக்கப்பட்டுள்ளது என்றார்.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

ராமநாதபுரம் அரசு கலைக் கல்லூரியில் முதலாமாண்டு நாளை 28 ஆம் தேதி முதல் மாணவ சேர்க்கை!!

No comments :

ராமநாதபுரம் சேதுபதி அரசு கலைக் கல்லூரியில் முதலாமாண்டு மாணவ, மாணவியர் சேர்க்கை வரும் 28 ஆம் தேதி முதல் தொடங்க உள்ளது.

 

இதுகுறித்து கல்லூரி சார்பில் வெளியிட்ட செய்திக்குறிப்பு:

 

ராமநாதபுரம் சேதுபதி அரசு கலைக் கல்லூரியில் 2020-21 ஆம் கல்வி ஆண்டுக்கான முதலாமாண்டு மாணவ, மாணவியர் சேர்க்கை வரும் 28 ஆம் தேதி (வெள்ளிக்கிழமை) முதல் தொடங்குகிறது.

 


அதன்படி, வரும் 29 ஆம் தேதி கணிதம், இயற்பியல் பாடங்களுக்கும், 31 ஆம் தேதி வேதியியல், தாவரவியல் பாடங்களுக்கும், செப்டம்பர் 1 ஆம் தேதி விலங்கியல், கடல்வாழ் உயிரியல் பாடங்களுக்கும், 2 ஆம் தேதி பொருளாதாரம், வணிகவியல் பாடங்களுக்கும், 3 ஆம் தேதி தமிழ், ஆங்கிலப் பாடங்களுக்கும் மாணவர் சேர்க்கை நடைபெற உள்ளது.


செப்டம்பர் 4 ஆம் தேதி அனைத்துப் பாடப் பிரிவுகளுக்கும் காலியிடங்களுக்கு ஏற்ப மாணவர் சேர்க்கை நடத்தப்படும் என அதில் குறிப்பிடப்பட்டுள்ளது

(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

ராமநாதபுரம் அருகே திருவிழா தொடர்பாக தகராறில் ஈடுபட்டதாக 19 பேர் மீது வழக்கு!!

No comments :

ராமநாதபுரம் அருகே கிராமத்தில் கோயில் திருவிழா நடத்துவது தொடர்பாக தகராறில் ஈடுபட்டதாக 19 பேர் மீது போலீஸார் திங்கள்கிழமை இரவு வழக்குப் பதிவு செய்தனர்.

 

ராமநாதபுரம் அருகே பேராவூரில் முனியய்யா கோயில் உள்ளது. இக்கோயிலில் திருவிழா நடத்துவது தொடர்பாக ஏற்கெனவே இருதரப்பினரிடையே மோதல் இருந்து வருவதாகக் கூறப்படுகிறது. இந்நிலையில் இதுதொடர்பாக கடந்த ஞாயிற்றுக்கிழமை அவர்களுக்கிடையே மீண்டும் தகராறு ஏற்பட்டுள்ளது.

 


இதில் ரவிசந்திரன் (48), பிரகதி (26) ஆகியோர் காயமடைந்தனர். இதையடுத்து அவர்கள் இருவரும் ராமநாதபுரம் அரசு தலைமை மருத்துவமனையில் அனுமதிக்கப்பட்டனர்.

இதுகுறித்து இருதரப்பிலும் அளித்தப் புகாரின் பேரில் ஒரு தரப்பைச் சேர்ந்த 10 பேர் மீதும், மற்றொரு தரப்பைச் சேர்ந்த 9 பேர் மீதும் கேணிக்கரை போலீஸார் வழக்குப் பதிந்து விசாரணை நடத்தி வருகின்றனர்.

 

செய்தி: தினமணி


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Monday, August 24, 2020

கீழக்கரையில் குப்பை கிடங்கை அகற்றிவிட்டு பூங்கா; மணல்மேட்டில் புதிய மேல்நிலை தொட்டி!!

No comments :

கீழக்கரையில் குப்பை கிடங்கு அமைக்க எதிர்ப்பு தெரிவித்ததால் அப்பகுதியில் முன்னாள் அமைச்சர் மணிகண்டன் எம்.எல்.ஏ. நேரில் பார்வையிட்டு ஆய்வு செய்தார்.

 

இது குறித்து அவர் கூறியதாவது:-

 

கீழக்கரை நகராட்சிக்கு உட்பட்ட 3-வது வார்டு கிழக்கு தெரு பகுதியில் குப்பை கிடங்கு மற்றும் சுத்திகரிப்பு நிலையம் அமைக்க பொதுமக்கள் எதிர்ப்பு தெரிவித்தனர்.

 

இது தொடர்பாக கீழக்கரை அனைத்து ஜமாத் கூட்டமைப்பு சார்பில் குப்பை கிடங்கை அகற்றி பூங்கா மற்றும் உயர்கோபுர மின்விளக்கு அமைக்க கோரிக்கை வைத்தனர். இதனைத் தொடர்ந்து அப்பகுதியில் நேரில் ஆய்வு செய்து பொதுமக்களின் குறைகளை கேட்டறிந்தேன். 


இதன்படி கீழக்கரையின் நகராட்சி ஆணையாளர் தனலெட்சுமி மற்றும் அதிகாரிகளுடன் ஆலோசனை நடத்தினேன்.

அப்பகுதியில் பொதுமக்கள் அதிகமாக வசித்து வருகின்றனர். பொதுமக்களின் எதிர்ப்பினையும் மீறி அப்பகுதியில் குப்பை கிடங்கு அமைக்க வேண்டாம் என அதிகாரிகளிடம் அறிவுறுத்தி உள்ளேன். மேலும் எனது தொகுதி நிதியில் இருந்து அந்த பகுதிகளில் அடிப்படை வசதிகளை மேம்படுத்த அம்மா பூங்கா மற்றும் உயர்கோபுர மின்விளக்கு வசதிகளை மேம்படுத்த நடவடிக்கை எடுக்கப்படும்.

மேலும் கீழக்கரை வடக்கு தெரு மணல்மேட்டில் அமைந்துள்ள பழுதடைந்த குடிநீர் மேல்நிலை தொட்டியை அகற்றிவிட்டு புதிய மேல்நிலை தொட்டி அமைக்க நடவடிக்கை எடுக்கப்படும். இவ்வாறு அவர் கூறினார். 


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

சப்-இன்ஸ்பெக்டரை கொல்ல முயற்சி; 2 பேர் கைது, 826 மதுபாட்டில்கள் பறிமுதல்!!

No comments :

ராமேசுவரத்திற்கு 2 கார்களில் மதுபாட்டில்கள் கடத்தி வரப்படுவதாக டவுன் போலீஸ் இன்ஸ்பெக்டருக்கு ரகசிய தகவல் கிடைத்தது.

 

உடனே இன்ஸ்பெக்டர் அழகுராஜ் போலீசாருடன் ராமேசுவரம் பஸ் நிலையம் அருகே நின்று ராமேசுவரம் நோக்கி வந்த வாகனங்களை சோதனை செய்தார். அப்போது அங்கு வேகமாக வந்த 2 கார்களை இன்ஸ்பெக்டர் நிறுத்த முயன்றபோது நிற்காமல் ஒரு கார் வேகமாக ராமேசுவரம் நகருக்குள் சென்றது. மற்றொரு கார் திரும்பி ராமநாதபுரத்துக்கே மின்னல் வேகத்தில் சென்றது.

 

உடனே ராமேசுவரம் நகருக்குள் சென்ற காரை இன்ஸ்பெக்டர் மோட்டார் சைக்கிளில் விரட்டிச்சென்று தனுஷ்கோடி செல்லும் சாலையில் உள்ள தேவர் சிலை அருகே மடக்கி பிடித்தார். அந்த காரில் சுமார் 10-க்கும் மேற்பட்ட அட்டை பெட்டிகளில் 576 மதுபாட்டில்கள் இருந்தன. இதைத் தொடர்ந்து அந்த காரை ஓட்டி வந்த ராமேசுவரம் செம்மடத்தை சேர்ந்த ஜெயக்குமார் (வயது 45) என்பவரை பிடித்து போலீசார் கைது செய்தனர். மது பாட்டில்களை பறிமுதல் செய்தனர். காரில் இறங்கி தப்பியோடிய மற்றொருவரை போலீசார் தேடி வருகின்றனர்.

 

இதனிடையே பிடிபட்ட காருடன் வந்த மற்றொரு கார் ராமநாதபுரம் நோக்கி செல்வதாக கிடைத்த தகவலின்பேரில் தங்கச்சிமடம் பகுதியில் போலீஸ் சப்-இன்ஸ்பெக்டர் ராபின்சன் அந்த காரை மடக்கி பிடிக்க முயன்றார். அப்போது காரை ஏற்றி அவரை கொலை செய்ய முயன்று மோதிவிட்டு கார் வேகமாக சென்று விட்டது.

 

இதில் படுகாயம் அடைந்த சப்-இன்ஸ்பெக்டர் சிகிச்சைக்காக ராமநாதபுரம் அரசு ஆஸ்பத்திரியில் சேர்க்கப்பட்டுள்ளார். மேலும் தப்பிச்சென்ற காரையும், கடத்தல்காரர்களையும் போலீசார் தீவிரமாக தேடி வந்தனர். இந்தநிலையில் காரில் தப்பிச்சென்ற பெருங்குளத்தை சேர்ந்த பரமேஷ் (வயது20) என்பவரை போலீசார் பிடித்து கொலை முயற்சி வழக்குப்பதிந்து கைது செய்தனர்.

மேலும் காரையும், 250 மதுபாட்டில்களையும் போலீசார் பறிமுதல் செய்தனர்.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Tuesday, August 18, 2020

1 ஆம் வகுப்பு முதல் 8 ஆம் வகுப்பு வரையிலான மாணவர்களை மாற்றுச்சான்றிதழ் இல்லாவிட்டாலும் பள்ளிகளில் சேர்க்கலாம்!!

No comments :

ராமநாதபுரம் மாவட்டத்தில் 1 ஆம் வகுப்பு முதல் 8 ஆம் வகுப்பு வரையிலான மாணவ, மாணவியர்களை மாற்றுச்சான்றிதழ் இல்லாவிட்டாலும் பள்ளிகளில் சேர்க்க வேண்டும் என்று தலைமை ஆசிரியர்களுக்கு கல்வித் துறை சார்பில் அறிவுறுத்தப்பட்டுள்ளது.

 

தமிழகத்தில் 1 ஆம் வகுப்பு முதல் 9 ஆம் வகுப்பு வரையிலான மாணவர் சேர்க்கை திங்கள்கிழமை முதல் நடைபெற்று வருகிறது. பிளஸ் 1 வகுப்புகளுக்கு வரும் 24 ஆம் தேதி முதல் மாணவர் சேர்க்கை நடத்தப்படவுள்ளது. 


ராமநாதபுரம் மாவட்டத்தில் உள்ள அரசு மற்றும் தனியார் பள்ளிகளில் 1 ஆம் வகுப்பு முதல் 8 ஆம் வகுப்பு வரை சேரும் மாணவ, மாணவிகளை மாற்றுச்சான்று இல்லாவிட்டாலும் சேர்த்துக் கொள்ள வேண்டும். சேர்க்கை முடிந்த ஒருவாரத்தில் மாணவர்களிடம் மாற்றுச் சான்றிதழை பெற வேண்டும் என மாவட்ட கல்வித் துறை சார்பில் தலைமை ஆசிரியர்களுக்கு அறிவுறுத்தப்பட்டுள்ளது. 


அதே நேரத்தில் 9 ஆம் வகுப்பில் சேருவோருக்கு மாற்றுச் சான்றிதழை அவசியம் பெற வேண்டும் என்றும் கூறப்பட்டுள்ளது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

ராமநாதபுரம் மாவட்ட அரசு தொழிற்பயிற்சி மையங்களில் இணையவழி மாணவர் சேர்க்கை!!

No comments :

ராமநாதபுரம் மாவட்ட அரசு தொழிற்பயிற்சி மையங்களில் நடப்பாண்டில் இணையதளம் - வழியாக மாணவர் சேர்க்கை நடத்தப்படுவதாக அறிவிக்கப்பட்டுள்ளது.

 

இதுகுறித்து மாவட்ட திறன்மேம்பாட்டு மைய உதவி இயக்குநரும், ராமநாதபுரம் அரசு தொழிற்பயிற்சி மைய முதல்வருமான எம்.ரமேஷ்குமார் திங்கள்கிழமை கூறியதாவது-

 

மாவட்டத்தில் ராமநாதபுரம், பரமக்குடி, முதுகுளத்தூர் ஆகிய இடங்களில் அரசு தொழிற்பயிற்சி மையங்களும், கீழக்கரை உள்ளிட்ட 4 இடங்களில் தனியார் மையங்களும் உள்ளன.

அரசு மற்றும் தனியார் மையங்களில் அரசு ஒதுக்கீடு மாணவர் சேர்க்கைக்காக 970 இடங்கள் உள்ளன. எட்டாம் வகுப்பு, பத்தாம் வகுப்புகளில் தேர்ச்சி பெற்றவர்களும், பிளஸ் 1, பிளஸ் 2 தேர்ச்சி பெறாதவர்களும் தொழிற்பயிற்சி மையங்களில் சேரலாம். பட்டம் முடித்தவர்களும் விரும்பிய தொழிற்பயிற்சியை இங்கு பெறும் வசதி உள்ளது.

 

இணையதளம் மூலம் விண்ணப்பத்தை பதிவிறக்கம் செய்யலாம். விண்ணப்பக் கட்டணம் ரூ.50 என நிர்ணயிக்கப்பட்டுள்ளது. திங்கள்கிழமை (ஆக.17) தொடங்கி வரும் செப்டம்பர் 15 ஆம் தேதி வரையில் விண்ணப்பிக்கலாம். முதன்முறையாக அரசு தொழிற்பயிற்சி மையங்களில் விண்ணப்பம் இணையம் மூலம் விநியோகிக்கப்படுகிறது என்பது குறிப்பிடத்தக்கது. இணையத்தில் விண்ணப்பிப்பவர்களுக்கு அதன் மூலமே கலந்தாய்வும் நடத்தப்படவுள்ளது. கலந்தாய்வின் போதுமாணவ, மாணவியர் விரும்பிய தொழிற்பிரிவை தேர்வு செய்து சேரலாம். தனியார் தொழிற்பயிற்சி மையத்தில் அரசு ஒதுக்கீட்டில் சேருவோருக்கு கல்விக் கட்டணத்தை அரசே செலுத்தும். இணைய வசதி இல்லாத மாணவ, மாணவியர் நேரிலும் வந்து உதவும் பிரிவில் கணினி வழியாக விண்ணப்பத்தை தரவிரக்கம் செய்து பூர்த்தி செய்து கொடுக்கலாம். அரசு விலையில்லா பொருள்கள் அனைத்தும் தொழிற்பயிற்சி மாணவ, மாணவியருக்கும் கிடைக்கும் என்றார்.

(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

மாற்றுத்திறனாளிகள் சக்கர நாற்காலிகள், தையல் இயந்திரங்கள் பெற விண்ணப்பிக்கலாம்!!

No comments :

ராமநாதபுரம் மாவட்டத்தில் மாற்றுத்திறனாளிகள் மின்கலத்தில் (பேட்டரி) இயங்கும் சக்கர நாற்காலிகள், தையல் இயந்திரங்கள் பெற விண்ணப்பிக்கலாம் என மாவட்ட ஆட்சியர் கொ. வீரராகவராவ் தெரிவித்துள்ளார். 

 

இதுகுறித்து அவர் விடுத்துள்ள செய்திக்குறிப்பு:

 

ராமநாதபுரம் மாவட்டத்தில் தசைச்சிதைவு நோய் அல்லது பக்கவாதத்தால் முதுகுத் தண்டுவடம் பாதிக்கப்பட்டு கை, கால்கள் செயலிழந்தவர்களுக்கு மின்கலத்தில் இயங்கும் சக்கர நாற்காலிகள் வழங்கப்படவுள்ளன. இந்த சிறப்பு சக்கர நாற்காலிகள் பெறுவதற்கு மாவட்ட ஆட்சியர் அலுவலக வளாகத்தில் உள்ள மாவட்ட மாற்றுத்திறனாளிகள் நல அலுவலகத்தில் விண்ணப்பப் படிவத்தை பெற்று உரிய சான்றுகளுடன் விண்ணப்பிக்கலாம். இரண்டு கால்களும் செயலிழந்து, இரண்டு கைகளும் நல்ல நிலையில் உள்ள 18 வயதுக்கு மேற்பட்ட மாற்றுத்திறனாளிகள் இணைப்பு சக்கர பெட்ரோல் வாகனம் வழங்கும் திட்டத்தின் கீழ் பயன்பெறலாம்.

 

கல்வி பயிலுவோர், தனியார் நிறுவனங்களில் பணிபுரிவோர் மற்றும் சுயதொழில் புரிவோரும், இத்திட்டத்தின் மூலம் ஏற்கெனவே பயன்பெறாதவர்களும் விண்ணப்பிக்கலாம்.

 

இதேபோல் மனவளர்ச்சி குன்றிய மாற்றுத்திறனாளிகள் மற்றும் 75 சதவிகிதத்துக்கும் அதிகமாக பாதிக்கப்பட்ட தாய்மார்கள் வருமானம் ஈட்டும் வகையில் குடும்ப சூழ்நிலையை கருத்தில் கொண்டு மோட்டார் பொருத்திய தையல் இயந்திரம் வழங்கப்பட உள்ளன.

 

ஆகவே, 18 வயது முதல் 45 வயது வரை உள்ள கை, கால் பாதிக்கப்பட்ட, காது கேளாத, மிதமான மனவளர்ச்சி குன்றிய மாற்றுத்திறனாளிகள் மற்றும் 75 சதவிகிதத்துக்கு மேல் பாதிக்கப்பட்ட தாய்மார்களும் மாவட்ட மாற்றுத்திறனாளிகள் நல அலுவலகத்தில் விண்ணப்பப் படிவத்தைப் பெற்று உரிய சான்றுகளுடன் விண்ணப்பிக்கலாம் எனக் குறிப்பிடப்பட்டுள்ளது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Monday, August 17, 2020

மீத்தேன் எரிவாயு திட்டத்தை ரத்து செய்யவேண்டும் - நவாஸ்கனி எம்.பி. வலியுறுத்தல்!!

No comments :

ராமநாதபுரம் மாவட்டம் ஆற்றங்கரை பகுதியில் ஏராளமான மீனவ மற்றும் விவசாய குடும்பங்கள் வாழ்ந்து வருகின்றனர். இந்த பகுதியின் அருகில் கடலும் ஆறும் சங்கமிக்ககூடிய ஒரு முக்கியமான பகுதியாக ஆற்றங்கரை திகழ்ந்து வருகின்றது. இந்த பகுதியில் வசிப்பவர்கள் பாரம்பரிய மிக்க மீனவர்கள். ஆற்றங்கரை முகத்துவாரத்தின் அருகே சுமார் 10,000 அடி ஆழத்தில் மீத்தேன் எரிவாயு எடுக்கும் பணி தொடங்கி உள்ளது. இது தொடர்பாக அப்பகுதியை சேர்ந்த பொதுமக்கள் இப்பணியை தடுத்து நிறுத்த வேண்டும் என நவாஸ்கனி எம்.பி.யிடம் கோரிக்கை விடுத்தனர்.

 

 

இதனைத்தொடர்ந்து அவர், ராமநாதபுரம் தி.மு.க. மாவட்ட பொறுப்பாளர் காதர் பாட்சா முத்துராமலிங்கம், இந்திய யூனியன் முஸ்லிம் லீக் மாநில பொருளாளர் ஷாஜகான், மாவட்ட தலைவர் வருசை முகமது, மாவட்ட ஊராட்சி கவுன்சிலர் வக்கீல் ரவிச்சந்திர ராமவன்னி, தி.மு.க. மண்டபம் ஒன்றிய பொறுப்பாளர் ஜீவானந்தம், மண்டபம் ஒன்றிய கவுன்சிலர் தவுபிக் அலி, ஆற்றங்கரை ஊராட்சி தலைவர் முகமது அலி ஜின்னா, துணைத் தலைவர் அர்பான் மற்றும் வாலாந்தரவை பூரணவேல், வெள்ளரிஓடை சந்திரசேகர், நாகராஜன் ஆகியோர் ஆற்றங்கரை பகுதியில் மீத்தேன் எரிவாயு எடுக்கப்பட உள்ள இடத்தை பார்வையிட்டு ஆய்வு செய்தனர்.

 

அப்போது நவாஸ்கனி எம்.பி. கூறுகையில், தஞ்சாவூர், நாகப்பட்டினம், திருவாரூர் உள்ளிட்ட டெல்டா மாவட்டங்களில் விவசாயிகளால் தடுத்து நிறுத்தப்பட்ட மீத்தேன் எரிவாயு திட்டம் மிகவும் வறட்சியான ராமநாதபுரம் மாவட்டத்தில் முதன் முதலாக தொடங்கப் பட்டு உள்ளது. இதனால் நிலத்தடி நீர் பாதிக்கப்பட்டு விவசாயம் அடியோடு அழியும் அபாயம் உள்ளது. மேலும் மனிதர்கள் வாழ தகுதியற்ற பகுதியாக ராமநாதபுரம் மாவட்டம் உருவாகக்கூடிய நிலை ஏற்படும். எனவே இந்த திட்டத்தை உடனடியாக மத்திய, மாநில அரசுகள் தடுத்து நிறுத்தி பொதுமக்களின் வாழ்வாதாரத்தை காக்க வேண்டும்.

 

10 ஆயிரம் அடிக்கு கீழ் பூமியில் ஆழ்குழாய் தோண்டி நீர் ஆதாரத்தை கெடுக்கக் கூடிய ஒரு சூழல் உள்ளது. குளிர்ச்சியான பகுதியை நெருப்பு போன்ற கந்தக பூமியாக மாற்றும் இதுபோன்ற திட்டத்தை நிறுத்த வேண்டும். இல்லையேல் ஆற்றங்கரை, அழகன்குளம், பனைக்குளம், புதுவலசை, தேர்போகி, அத்தியூத்து உள்ளிட்ட 50-க்கும் மேற்பட்ட கிராமங்களில் நிலத்தடி நீர் பாதிப்பு ஏற்படும். மக்கள் போராட்டம் வெடிக்கும். இதை தி.மு.க. சார்பில் கடுமையாக எதிர்த்து விரைவில் போராட்டங்கள் நடத்தப்படும் எனவும் எச்சரிக்கை செய்கிறேன். உடனடியாக மறு ஆய்வு செய்து ஏற்கனவே இந்த திட்டத்திற்கு அனுமதி கொடுத்து இருந்தாலும் அதை பரிசீலனை செய்து ரத்து செய்ய வேண்டும். இவ்வாறு அவர் கூறினார்.

 

செய்தி: தினத்தந்தி


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Tuesday, August 11, 2020

கீழக்கரையில் Energy Hub Engineering அலுவலகம் திறப்பு விழா!!

No comments :


07-08-2020 அன்று கீழக்கரை வள்ளல் சீதக்காதி சாலையில் அமைந்துள்ள அனஸ் காம்ப்ளக்சில் Energy Hub Engineering திறப்பு விழா நடைபெற்றது.

 

ஜும்ஆ மஸ்ஜித் பரிபாலன கமிட்டி செயலாளர் முஹைதீன் ஃபாருக் தலைமையில் கீழக்கரை டவுன் காஜி மௌலவி டாக்டர் காஜி காதர் பக்ஸ் ஹுசைன் ஸித்தீகி திறந்து வைத்தார்.

 



திறப்பு விழா நிகழ்ச்சியில் ஜும்ஆ பள்ளி இமாம்கள் மௌலவி முஹம்மது பஷீர் ஆலிம், மௌலவி செய்யது முஸ்தபா ஆலிம், திருச்சி ஜமால் முஹம்மது கல்லூரி அரபுத் துறை பேராசிரியர் மௌலவி செய்யது அஹ்மது நெய்னா ஆலிம் ஆகியோர் கலந்து கொண்டனர்.

 

இந்நிறுவனத்தின் இயக்குநராக பொறியாளர் ஹுசைன் அல்லாஹ் பக்ஸ் உள்ளார்.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Monday, August 10, 2020

குறுங்காடுகள் வளர்ப்புத் திட்டம் சாதனை நிகழ்வாக அங்கீகரிப்பு - கலெக்டர்!!

No comments :

ராமநாதபுரம் கலெக்டர் அலுவலகத்தில் மாவட்ட ஊரக வளர்ச்சி முகமையின் மூலம் மகாத்மா காந்தி தேசிய ஊரக வேலை உறுதி திட்டத்தின் கீழ் மாவட்டத்தின் பல்வேறு பகுதிகளில் அமைக்கப்பட்டுள்ள 1000 குறுங்காடுகள் வளர்ச்சி திட்டப் பணிகளை எலைட் வேர்ல்ட் ரெக்கார்ட்ஸ், ஏசியன் ரெக்கார்ட்ஸ் அகாடமி, தமிழன் புக் ஆப் ரெக்கார்ட்ஸ், இந்தியா ரெக்கார்ட்ஸ் அகாடமி ஆகிய நிறுவனங்களின் மூலம் உலக சாதனை நிகழ்வாக அங்கீகரித்து கலெக்டர் வீரராகவராவிற்கு அங்கீகார சான்று வழங்கப்பட்டது.

 

இந்நிகழ்ச்சியில், கலெக்டர் பேசியதாவது:

 

ராமநாதபுரம் மாவட்டத்தில் பசுமையான சூழலை அதிகரித்து சுற்றுச்சூழலை பாதுகாத்திடும் நோக்கில் மாவட்டத்தில் உள்ள 429 கிராம ஊராட்சிகளில் மகாத்மா காந்தி தேசிய ஊரக வேலை உறுதி திட்டத்தின் கீழ் ரூ.30 கோடி மதிப்பீட்டில் 1000 குறுங்காடுகள் அமைக்க திட்டமிடப்பட்டு பணிகள் மேற்கொள்ளப்பட்டன. பசுமை போர்வையினை அதிகப்படுத்தவும் நடவு செய்யப்படும் செடிகளின் உயிர்ப்பு விகிதத்தினை அதிகப்படுத்திடவும் குறுங்காடுகள் வளர்ப்பு முறையில் செடிகள் நடவு செய்யப்பட்டு பராமரிக்கப்பட்டன. குறிப்பாக, பாரம்பரிய வகைகளான நாட்டுப்பூவரசு, நாட்டு வாகை, புங்கன், ஆவி போன்ற மரக்கன்றுகளும், வேம்பு, புளி, நாவல், கொய்யா, மாதுளை, சீத்தா, நெல்லி போன்ற பழம் தரும் மரங்களும் நடவு செய்யப்பட்டுள்ளன. தெரிவு செய்யப்பட மரக்கன்றுகள் 1 மீட்டர் இடைவெளியில் நடவு செய்யப்பட்டுள்ளது.

 

இந்த குறுங்காடுகள் வளர்ப்பு பணியானது மாவட்டத்தின் ஊரக பகுதிகளில் பயன்பாடற்ற தரிசுநிலங்கள், குப்பை, கழிவுகள் தேங்கிய இடங்கள், சீமைக்கருவேல மரங்கள் நிறைந்த இடங்களுக்கு முக்கியத்துவம் வழங்கப்பட்டு அப்பகுதிகளை முறையே சுத்தம் செய்து பசுமையான குறுங்காடுகளாக ஏற்படுத்தப்பட்டன. குறிப்பாக 500 ச.மீ அளவுள்ள நிலப்பரப்பு 4 மீ அகலத்தில் தெரிவு செய்யப்பட்டு 500 மரக்கன்றுகள் நடப்பட்டது. குறுங்காடுகள் வளர்ப்பு பணியின் மூலம் மாவட்டத்தில் இதுவரை 58 ஏக்கர் பரப்பளவு கருவேல மரங்கள் நிறைந்த நிலங்கள் சீர்திருத்தம் செய்யப்பட்டும், 12 ஏக்கர் அளவுள்ள குப்பை மேடுகள், கழிவு நீர் தேங்கிய பகுதிகள் சீர்திருத்தம் செய்யப்பட்டும், குறுங்காடுகளாக உருவாக்கப்பட்டுள்ளது. இதன் மூலம் மாவட்டத்தில் பசுமையான சூழல் மேம்படுவதோடு சுற்றுச்சூழலும் பாதுகாக்கப்படுகிறது.

 

தற்போது மாவட்டத்தில் 1000 குறுங்காடுகள் அமைக்கப்பட்டு 5,41,050 மரக்கன்றுகள் நடப்பட்டு சிறப்பான முறையில் பராமரிக்கப்பட்டு வருகிறது. இந்நிலையில் மாவட்டத்தில் சிறப்பாக செயல்பட்டு வரும் இத்திட்டப் பணிகளை சாதனை நிகழ்வாக அங்கீகரிக்கப்பட்டு மாவட்ட நிர்வாகத்திற்கு சான்றிதழ் வழங்கப்படுவது மகிழ்ச்சியளிக்கிறது என தெரிவித்தார்.

 

ராமநாதபுரம் மாவட்டத்தில் செயல்படுத்தப்பட்டுள்ள 1000 குறுங்காடுகள் வளர்ப்பு திட்டப் பணிகளை உலக சாதனை நிகழ்வுகளை அங்கீகரிக்கும் எலைட் வேர்ல்ட் ரெக்கார்ட்ஸ் நிறுவனத்தின் ஏஸியா பசிபிக் அம்பாஸிடர் கார்த்திகேயன் ஜவஹர், ஏசியன் ரெக்கார்ட்ஸ் அகாடமி நிறுவனத்தின் சீனியர் அட்ஜுடிகேட்டர் சிவக்குமரன், இந்தியா ரெக்கார்ட்ஸ் அகாடமி உலக சாதனை நிறுவனத்தின் அஸோசியேட் எடிட்டர் ஜெகந்நாதன், சீனியர் ரெக்கார்ட்ஸ் மேனேஜர் பாலாஜி மற்றும் தமிழன் புக் ஆப் ரெக்கார்ட்ஸ் உலக சாதனை நிறுவனத்தின் கள ஆய்வு அதிகாரி பாலசுப்ரமணியன் ஆகியோர் நேரில் பார்வையிட்டு மதிப்பீடு செய்தனர். தொடர்ந்து, ராமநாதபுரம் கலெக்டர் அலுவலகத்தில் நடைபெற்ற நிகழ்ச்சியில் மேற்குறிப்பிட்டுள்ள 4 நிறுவனங்களின் மூலம் குறுங்காடுகள் வளர்ப்பு திட்டப் பணிகளை சாதனை நிகழ்வாக அங்கீகரித்து அங்கீகாரம் வழங்கப்பட்டது. இத்திட்டப்பணியில் ஈடுபட்ட அனைத்து நிலை பணியாளர்களுக்கும் சான்றிதழ் வழங்கி பாராட்டப்பட்டது.

 

இந்த நிகழ்ச்சியில், கூடுதல் கலெக்டரும் மாவட்ட ஊரக வளர்ச்சி முகமை திட்ட இயக்குனர் பிரதீப்குமார், ராமநாதபுரம் சப்- கலெக்டர் சுகபுத்ரா, ஊரக வளர்ச்சி முகமை செயற்பொறியாளர் சிவகாமி, கலெக்டரின் நேர்முக உதவியாளர் வீரகணபதி, ஊராட்சிகளின் உதவி இயக்குனர் கேசவதாசன் உள்பட அரசு அலுவலர்கள் பலர் உடன் இருந்தனர்.

 

செய்தி: தினத்தந்தி


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Wednesday, July 29, 2020

கல்பனா சாவ்லா விருதுக்கு விண்ணப்பங்கள் வரவேற்பு!!

No comments :
ராமநாதபுரம் மாவட்டத்தில் கல்பனா சாவ்லா விருதுக்கு பெண்களிடமிருந்து விண்ணப்பங்கள் வரவேற்கப்படுகின்றன என அறிவிக்கப்பட்டுள்ளது.

இதுகுறித்து மாவட்ட ஆட்சியர் கொ.வீரராகவராவ் செவ்வாய்க்கிழமை விடுத்துள்ள செய்திக்குறிப்பு:


கல்பனா சாவ்லா விருது, வீரதீரச் செயல் புரிந்த பெண்களை கௌரவிக்கும் விதமாக நடப்பு ஆண்டின் (2020) சுதந்திர தினத்தன்று வழங்கப்படுகிறது. ஆண்களுக்கு நிகரான வீரதீரச் செயல் புரிந்த பெண்களின் நலனுக்காகவும், மேம்பாட்டிற்காகவும் இந்த விருது வழங்கப்பட்டு வருகிறது. மாவட்டத்தில் உள்ள தகுதியான பெண்கள் வரும் 30 ஆம் தேதிக்குள் (வியாழக்கிழமை) விண்ணப்பிக்கலாம். 

விண்ணப்பிப்பவர்கள் தமிழகத்தில் பிறந்தவராக இருக்க வேண்டும். தாங்கள் செய்த வீரதீரச் செயல்கள் குறித்த உரிய விவரங்கள், அதற்கு சாட்சியாக நிழற்படங்கள், விருது ஏதேனும் பெற்றிருந்தால் அதுபற்றிய விவரங்களையும் அளிக்க வேண்டும். விண்ணப்பதாரரின் பிறந்த தேதி, கல்வித்தகுதி உள்ளிட்ட முழு முகவரி மற்றும் தொலைபேசி எண் உள்ளிட்ட விவரங்களுடன் மாவட்ட ஆட்சியர் அலுவலகத்தில் செயல்படும் மாவட்ட சமூகநலத்துறை அலுவலகத்தில் ஜூலை 30 ஆம் தேதிக்குள் விண்ணப்பிக்க வேண்டும் எனக் குறிப்பிடப்பட்டுள்ளது.

(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

Sunday, July 19, 2020

ராமநாதபுரம் மாவட்டத்தில் ஆவின் பொருள்கள் விற்பனை மையம் அமைக்க மாற்றுத்திறனாளிகள் விண்ணப்பிக்கலாம்!!

No comments :
ராமநாதபுரம் மாவட்டத்தில் ஆவின் பொருள்கள் விற்பனை மையம் அமைக்க மாற்றுத்திறனாளிகள் விண்ணப்பிக்கலாம் என அறிவிக்கப்பட்டுள்ளது. 

இதுகுறித்து மாவட்ட ஆட்சியர் கொ.வீரராகவராவ் சனிக்கிழமை விடுத்துள்ள செய்திக்குறிப்பு: 

ராமநாதபுரம் மாவட்டத்தில் உள்ள மாற்றுத்திறனாளிகள், ஆவின் நிறுவனத்தின் பால் உற்பத்தி பொருள்கள் விற்பனை மையம் அமைக்க முன்வைப்பு நிதி வழங்கும் திட்டத்தில் பயன்பெற விண்ணப்பிக்கலாம். 


திட்டத்தில் பயன்பெற மாற்றுத்திறனாளிகள் தேசிய அடையாள அட்டை பெற்றிருத்தல் வேண்டும். மேலும், ஏற்கெனவே இந்தத் திட்டத்தில் பயன்பெறாதவராகவும், 18 வயது பூர்த்தியடைந்தவராகவும் இருத்தல் வேண்டும். 
சொந்தக் கட்டடம் அல்லது சொந்த இடம் வைத்திருக்க வேண்டும். நடப்பு 2020-21 ஆம் நிதியாண்டிற்கு அரசு மானியமாக ரூ. 50 ஆயிரம் வரை வழங்கப்படும். 

ஆகவே, இந்தத் திட்டத்தில் பயனடைய மாவட்ட ஆட்சியர் அலுவலக வளாகத்தில் செயல்பட்டு வரும் மாவட்ட மாற்றுத்திறனாளிகள் நல அலுவலகத்தில் விண்ணப்பப் படிவத்தை பெற்று உரிய சான்றுகளுடன் விண்ணப்பித்து பயனடையலாம் எனக் குறிப்பிடப்பட்டுள்ளது.

(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

பிளஸ் 2 தேர்வில் ராமநாதபுரம் மாவட்டத்தில் 93.12 சதவீதம் மாணவ, மாணவியர் தேர்ச்சி!!

No comments :

பிளஸ் 2 அரசுப் பொதுத் தேர்வில் ராமநாதபுரம் மாவட்டத்தில் 93.12 சதவீதம் மாணவ, மாணவியர் தேர்ச்சிப் பெற்றுள்ளனர். தேர்ச்சி விகிதத்தில் மாநில அளவில் இம்மாவட்டம் 18 ஆவது இடம் வகிக்கிறது. 

பிளஸ் 2 பொதுத் தேர்வை 6,525 மாணவர்கள், 7.506 மாணவியர் என மொத்தம் 14,031 பேர் எழுதினர். அவர்களில் 5,916 மாணவர்கள், 7.149 மாணவியர் என மொத்தம் 13,065 பேர் தேர்ச்சிப் பெற்றுள்ளனர்.

மாவட்டத்தில் 93.12 சதவீதம் மாணவ, மாணவியர் தேர்ச்சிப் பெற்றுள்ளனர். இதில் மாணவர்கள் 90.67 சதவீதம், மாணவியர் 95.24 சதவீதம். மாவட்ட அளவில் தேர்வு எழுதிய 30 மாற்றுத்திறன் மாணவ, மாணவியரில் 25 பேர் தேர்ச்சிப் பெற்றுள்ளனர். அதன்படி மாற்றுத்திறனாளிகள் 83.3 சதவீதம் தேர்ச்சிப் பெற்றுள்ளனர். கடந்த ஆண்டில் 92.30 சதவீதம் பேர் தேர்ச்சிப் பெற்றிருந்தனர். தேர்ச்சி விகிதத்தில் மாநிலத்தில் ராமநாதபுரம் மாவட்டம் 18 ஆவது இடம் வகிக்கிறது. கடந்த ஆண்டு 16 ஆவது இடம் வகித்தது. 




பள்ளிகள் தேர்ச்சி விகிதம்:

மாவட்டத்தில் 70 அரசுப் பள்ளிகளைச் சேர்ந்த 5,019 மாணவ, மாணவியர் தேர்வெழுதியதில் 4.459 பேர் தேர்ச்சிப் பெற்றுள்ளனர். அதனடிப்படையில் 88.62 சதவீதம் பேர் தேர்ச்சிப் பெற்றுள்ளனர். அவர்களில் மாணவியர் 92.17 சதவீதம். அரசு உதவி பெறும் பள்ளிகளில் 93.40 சதவீதம் பேரும், நகராட்சிப் பள்ளியில் 86.08 சதவீதம் பேரும், அரசிடம் பாதி உதவி பெறும் பள்ளிகளில் 95.33 சதவீதம் பேரும், தனியார் பள்ளிகளில் 99.25 சதவீதம் பேரும் தேர்ச்சிப் பெற்றுள்ளனர். முழுத் தேர்ச்சி பெற்ற பள்ளிகள் மாவட்டத்தில் 70 அரசுப் பள்ளிகளில் 6 பள்ளிகளில் முழுமையான தேர்ச்சியும், 21 பள்ளிகளில் 95 சதவீதம் முதல் 99 சதவீதம் வரையிலான தேர்ச்சியும் உள்ளது. அரசு உதவி பெறும் 18 பள்ளிகளில் 2 பள்ளிகள் முழுத் தேர்ச்சியும், 9 பள்ளிகள் 95 சதவீதம் முதல் 99 சதவீதம் வரையிலும் தேர்ச்சிப் பெற்றுள்ளன. 

முழுமையான தேர்ச்சி எனும் அடிப்படையில் பாதி அரசு உதவி பெறும் 15 பள்ளிகளில் 3 பள்ளிகளும், 45 தனியார் பள்ளிகளில் 37 பள்ளிகளும் தேர்ச்சியடைந்துள்ளன. தேர்ச்சியில் 95 சதவீதம் முதல் 99 சதவீதம் வரையில் பாதி அரசு உதவி பெறும் பள்ளிகள் 6, தனியார் பள்ளிகள் 4 என தேர்ச்சியடைந்திருப்பதும் தெரியவந்துள்ளது. ராமநாதபுரம் மாவட்டத்துக்கான பிளஸ் 2 பொதுத் தேர்வு முடிவை மாவட்ட ஆட்சியர் கொ.வீரராகவராவ் வியாழக்கிழமை காலை வெளியிட்டார்.

 அப்போது மாவட்ட முதன்மைக் கல்வி அலுவலர் ஏ.புகழேந்தி உடனிருந்தார். கரோனா பரவல் தடுப்பு நடவடிக்கையால் இணையம் மூலமே அந்தந்தப் பள்ளிகளுக்கும், செல்லிடப்பேசி குறுந்தகவல் மூலம் மாணவர்களுக்கும் தேர்வு முடிவுகள் அனுப்பிவைக்கப்பட்டன.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.

கரோனா நிவாரணத் தொகை பெறாத மாற்றுத்திறனாளிகள் விண்ணப்பிக்கலாம்!!

No comments :
கரோனா நிவாரணத் தொகை பெறாத மாற்றுத்திறனாளிகள் கிராம நிர்வாக அலுவலரை அணுகி நிவாரணம் பெறுவதற்கு விண்ணப்பிக்கலாம் என அறிவிக்கப்பட்டுள்ளது.


இதுகுறித்து மாவட்ட ஆட்சியர் அலுவலகத் தரப்பில் சனிக்கிழமை கூறியிருப்பதாவது: 

கரோனா பரவலைத் தடுக்க தமிழக அரசு பல்வேறு நடவடிக்கைகளை மேற்கொண்டு வருகிறது. அதனடிப்படையில், மாற்றுத்திறனாளிகள் நலனுக்காக மாற்றுத்திறனாளிகளுக்கான தேசிய அடையாள அட்டை பெற்றுள்ளவர்களுக்கு தலா ரூ. 1000 (ஆயிரம்) நிவாரணமாக அவரவர் வீட்டிலேயே வழங்கப்பட்டு வருகிறது. 



ராமநாதபுரம் மாவட்டத்தில் மாற்றுத்திறனாளிகளுக்கான தேசிய அடையாள அட்டை பெற்றுள்ள 28,937 பேரில் இதுவரை 17,226 பேருக்கு கரோனா நிவாரண நிதி வழங்கப்பட்டுள்ளது. இதுவரை நிவாரண நிதி பெறாதவர்கள், தங்களின் மாற்றுத்திறனாளி தேசிய அடையாள அட்டை அசல் மற்றும் நகல், ஆதார் அட்டை நகல் மற்றும் ஒரு புகைப்படம் ஆகிய ஆவணங்களுடன் கிராம நிர்வாக அலுவலரைத் தொடர்பு கொள்ளவேண்டும். 

நிவாரணத் தொகை பெறுவதில் சிரமம் ஏதேனும் இருப்பின் மாவட்ட மாற்றுத்திறனாளிகள் நல அலுவலரின் தொலைபேசி எண் 04567-231410 என்பதைத் தொடர்பு கொள்ளலாம். அங்கும் உதவி மறுக்கப்படும் பட்சத்தில் அல்லது கிடைக்கப்பெறவில்லை எனில் மாநில மைய தொலைபேசி எண் 1800 425 0111 என்பதைத் தொடர்பு கொள்ளலாம். 

பேச்சுத்திறன் மற்றும் செவித்திறன் குறையுடைய மாற்றுத்திறனாளிகள் கட்செவியஞ்சல் மற்றும் விடியோ வசதி செல்லிடப்பேசி எண் 97007 99993 என்பதில் தொடர்பு கொள்ளலாம் எனக் குறிப்பிடப்பட்டுள்ளது.


(முக்கிய செய்திகளுக்கு இணைந்திருங்கள் www.muhavaimurasu.in) (செய்திகள் விளம்பரங்களுக்கு muhavaimurasu@gmail.com மின்னஞ்சல் வழி அனுகுங்கள்.