Sunday, December 13, 2015
ராமேசுவரம் திருக்கோயிலில் பக்தர்களுக்கான ஆடை கட்டுப்பாடு விதிக்க கோரிக்கை!!
ராமேசுவரம் திருக்கோயிலில் பக்தர்களுக்கான ஆடை கட்டுப்பாடு
தொடர்பான அறிவிப்பு பலகை வைக்க இணை ஆணையரிடம் மனு அளிக்கப்பட்டது.
ராமேசுவரம் ராமநாதசுவாமி திருக்கோயில் இணை ஆணையரிடம்
வெள்ளிக்கிழமை அளித்த மனு விவரம்: திருக்கோயில்களுக்கு பக்தர்கள் அணிந்து வரும்
ஆடைகளுக்கு உயர்நீதிமன்ற மதுரைக் கிளை ஜனவரி 1 ஆம் தேதி முதல் ஆடை
கட்டுப்பாடு அமல்படுத்த தமிழக இந்து அறநிலையத்துறைக்கு உத்தரவிட்டுள்ளது.
அதன் ஒரு பகுதியாக, ராமேசுவரம்
திருக்கோயிலுக்கு வரும் பக்தர்கள் தெரிந்து கொள்ளும் வகையிலும், விழிப்புணர்வை ஏற்படுத்தும் வகையிலும் நீதிமன்ற உத்தரவை தகவல் பலகையில்
அச்சிட்டு பக்தர்கள் பார்வைக்கு வைக்க தமிழக இந்து அறநிலையத்துறை அதிகாரிகள்
நடவடிக்கை எடுக்கவேண்டும் என அதில் குறிப்பிடப்பட்டுள்ளது.
செய்தி: தினசரிகள்
No comments :
Post a Comment